الولادة في مدينه الملك فهد الطبيه

والله انا مثلك بولد فيه وهذي اول مره اولد في حكومي
ياليت احد يفيدنا وخاصه اللي ولدوا عن قريب لان نظامهم تغير عن اول
شاكرين لها اللي بتفيدنا

حبيبتي ابحثي هنا فيه مواضيع كثير عن مدينة الملك فهد الطبية انا يمكن ماافيدك لأني والدة عندهم من سنتين تقريبا والحين اراجع عندهم وان شاء الله باولد فيها,,, فيه موضوع هنا كتبت فيه وحده تجربتها هي والده عندهم قريب

انا ماولدت فيه بس قريبات لي ولدو فيه

الان هو صار بفلوس للي ماعندهم ملفات

الطفل يعطونك اياها حتى لو كنتي عمليه

والغرف كل 4 في غرفه والغرف الخاصه ب650ريال لليله

الدكاتره مو اللي تبين يولدك الموجود طبيب او طبيبه


ابره الظهر ماعندي فكره عنها

انا والده عندهم قبل شهر

وكيف الدكاتره هناك ومعاملتهم؟؟
الداكاترة مره كويسين ومعاملتهم حلوة.. بس وقت المتابعه الانتظار يطول مثل كل المستشفيات الحكوميه..

وهل تقدر الوحده تختار الدكتوره بكيفها؟؟
انا كنت تبع مركز الاعمال فخلوني اختار الدكتورة.. بس مااعرف بالنسبه للي محولين من مستشفيات ثانيه

ومين احسن دكتوره
كنت اراجع عند دكتوره حصه الرشيد.. تعامل رائع ونفسيه حلوة

والولاده هناك كيف تفرق عن المستشفى الخاص في العنايه بالام والجنين؟
عنايتهم بالام روعه والممرضات نفسيتهم حلوة.. ووقت الولاده يكون معك وحده بغرفة الولاده طول الوقت

وبالنسبه للمسكنات وابره الضهر يعطونها ولا لاء؟
عطوني مسكن ابرة بالفخذ بس.. على اني كنت طالبه ابرة الظهر وكاتبتها الدكتورة لي بملفي بس انا جت ولادتي يوم الجمعه وقالوا انه دكتور التخدير مو موجود..

وفي وقت الولاده يهتمون ولا يحطون الوحده على جمب ولا عنايه وبهذله يعنى مثل ما نسمع عن المستشفيات الحكوميه!!!!!!!!
ووقت الولاده اهتمامهم حلو ويراعون نفسيتك.. بس مو شرط دكتورتك تولدك.. يولدك اللي يكون مناوب.. انا ولدني دكتور رجال..
بس بعد الولاده يخلون البيبي عندك بالغرفه ومستحيل ياخذونه يرضعونه بس ياخذونه مرة وحده عشان يحممونه..

واذا عندك اي استفسار ثاني راسليني عالخاص

الله يجزى خير كل وحده ردت
ورجاء اللى يدخل ويقرى الموضوع اقل شي يرفعه علشان تعم الفائده

***** الله في ميزان حسنات الجميع