الولادة في مستشفى العسكري بالرياض

الولاده عندهم كويسه واهتمام مره حلو ومن ناحية الاطباء مره متفهمين والتوليد اكيد على حسب المناوبه

يعطيك العافية حبيبتي ومشكورة على الرد
بس ليه كذا يابنات 22 وبس وحده اللي ردت

هلا حبيبتي انا ولدت بمستشفى العسكري وانا بكريه بصراحه مره ممتازين اناجلست يومين ماستعجلو على ولادتي وقالو قيصيري لا بلعكس اهتمام وعنايه يوم تاخر عندي الرحم مانفتح عطوني طلق صناعي بنسبه للعنايه حلوه وخياطتهم حلوه وغرفه خاصه تولدين يعني مو جنب احد تجلسين تسمعين صراخه ومدري ايش وبنسبه للدكاتره ارجال ولا حريم انا ماشفت رجال دكاتره الا فيه طلاب جاء واحد بيطبق علي وعيت تاسف بادب وراح بس بس ترى عنايه الطفل ذاتيه يعني من تولدين الى ماتطلعين وهو معك هم بس يجون يغيرون البامبرز ويرضعون ويروحون وعلى فكره اذا حبيتي تاخذين يعطونك ابره الظهر
انا جو لي 3 مرات يشاوروني تبغينها وعيت هم اكيد بيسالونك والله يهون عليك ياارب اي استفسار انا حاظره

لا إله الا الله الحليم الكريم .. لا اله الا الله العلي العظيم ..
لا إله الا الله رب السماوات السبع و رب العرش العظيم ..

لا إله إلا الله وحده لا شريك له ..
له الملك .. و له الحمد و هو على كل شيء قدير ..
الحمد لله الذي لا إله إلا هو .. و هو للحمد أهل .. و هو على كل شيء قدير ..
و سبحان الله .. و لا إله إلا الله .. و الله أكبر .. و لا حول و لا قوة إلا بالله ..

ياليت اللي عندها معلومات اضافيه
وتكون مجربته قريب تفيدنا
موعدي عندهم يوم السبت يعني بعد يومين
الله يجزاكم الجنه افيدونا
وهل اللي تولد طبيعي يجي معها مرافق ولا ممنوع
لان صعبه ولاده وبكريه واهتم بالبيبي اخااف انام ويخطفون البيبي
صرنا نخاف من اللي نشوفه ونسمعه