ررررررفع

انا زيك يا عبير شقتني في الولاده كنت بكريه ماعرف تقلي عشان بسرعه الله لا يوفقهم ولا بنج ولا شي

ررررررفع

وين الناس

لا ياعفاف.. انا الحمد لله حطيت حرتي فيها من العصبية وقلت والله لو تشقين اشتكيك
وكانت كل ماقربت تبي تشق ابعدها برجلي لين توترت
والظاهر نادت ممرضه او دكتورة او ادارية مااادري بس سعوديه
اتذكرها زي الحلم خخخخخخخخخخخخخخ
كنت معصبه مره
وقلت لها مااااابي شق الولد صغير مره

اوووف العسكري مصيبه
وخرب بسبب الناس اللي تدفع لرئيسة الممرضات في القسم ويبخششونها عشان تهتم
وتوصي عليك الممرضات

لا والمصيبه ترا صارت لي الف قصة وقصة معهم
وقلت يمكن عشان زوجي رتبته رائد ما يعتبر vip
حولت رقم ملفي وانضميت لأبوي لانه لواء
عشان يعاملوني معامله شوي احسن
لكن ربك واحد
والله ماتغير شي
راجعتهم العام عشان اخذ اجازة للمدرسة
كنت تعبانه مره والدكتور حذرني من الدوام عشان لا اجيب الولد زي اخوانه بدري
واخذت استثنائي لين الشهر التاسع
وقلت اكمل الباقي زي الخلق اجازة من المستشفى
لكن حسبي الله عليهم ماااعطوني ولا يوم واحد تخيلي

رحت للعيادات الاولية ماشيه مع الناس في الدور
دخلت ولقيت دكتورة اتوقع مالها كم سنة مبتدئة صغيرة في السن
وقلت لها انا ابي اخذ اجازة حوليني للاستشارية
قالت طيب بس خليني اشوف نبض الجنين
تخيلي في التاسع
ولا عرفت تطلع نبض الجنين
انقلب وجهها وقلت لها الجنين يتحرك وحطي الجهاز هنا
صرت خبره من كثر الكشوفات
المهم ماسمعت كلامي
وقالت كيف الحركة
قلت قليله
وهذا شي طبيعي مثل ماتعرفون في التاسع تقل مره
المهم قالت في الساعة يتحرك عشر مرات
قلت لا مستحيل
يجلس كم ساعه مااحس فيه

في اليوم يتحرك عشر مرات

الهم قالت لازم تروحين للطواري
قلت يادكتوره ماله داعي انا امس كنت في مستوصف والجنين طيب وحركته طيبه

انا ابي اجاااااااااااااازه بس ماعليك من الجنين

قالت الدكتورة منال في الطواري هي بتعطيك

المهم رحت للطواري وكانت زحممممة

الحريم تطلق وجالسه تنتظر سرير يفضى عشان تكشف

جلست معهم لين جا دوري

تخيلي فين كشفت علي ؟؟؟

في السيب

الغرفة صغيرة فيها سرير واحد فيه وحده عليها جهاز الطلق

وعند رجول السرير حاطين سرير صغيييير ونحيف مره زي اللي يحطونه في الاسعاف

وقالت انسدحي هنا

كان فيه بارتشن بس مفتوح يعني كل شي واضح

تكون رجولي قدام المراجعات اللي ينتظرون
وجنبي للي جالسه بالغرفة

المهم قلت ماعليه دام اللي بيطلع بس كرشتي

حطوا جهاز الطلق

المشكلة مافيني شي وجلست افهمها اني جايه ابي اجازة بس ماتبي تسمع

شوي جت الدكتورة وكانت بزززززره يمكن اول سنه لها

وبااااااااااااايخه مافي اي اسلوب واحترام

قالت ابي اكشف من تحت

قلت ماشلت الكلوت

قامت تخبط رجلها بالارض زي البزران

قالت بسرعه يالله وراي تسع حالات ماني فاضيه

قلت انا وش دراني وليه الكشف مافيني طلق انا ابي اجازة بس

المهم وقفت عند راسي ولا ساعدتني اقوم من السرير المعفن.. وانا وزني كبير ولا اقدر استند على شي

المهم شلت الكلوت وقلت لها طيب ضبطي البارتشن الناس تناظر برا

وقفلي الستارة اللي على البنت اللي جنبي

قامت تضرب رجلها بالارض وتقول محد بيشوف انا والسستر نغطي !!!

وقامت السستر تسحب البارتشن وتضبطه

ويوم كشفت الله لايوريك والله ألم مو طبيعي

حطت الحديد الحجم الكبير وبدون كريم

وتقيس بعفااااااشه

وتنافخ

تقول مافيك طلق ولا رحمك مفتوح انتي جايه ليش ؟؟؟

قلت مااادري عنك وعن الدكتورة اللي حولتني لك

انا من دخلت اقول لك ابي اجازة

وقلت لها هالكلام

بس انتم ماتسمعون ولا تفهمون

قالت الدكتورة تقول الجنين مايتحرك لازم انومك اشوف

قلت لا يتحرك ومافيه الا العافية وعندي الاشعة امس سويتها

واعطيتها قالت مانعترف فيه

لازم تاخذين موعد اشعه

قلت سويت عندكم قبل شهر

قالت ابي اليوم

قلت مستحيل مابيدخلوني

ابي اجازه

قالت مابعطيك لين تسوين اشعه

وجلست انا وياها شد بالكلام

لين خلتني اقول لها اعطيني هاليوم اللي جيت فيه

قالت لا لين تاخذين اشعه

المهم قمت ادعي عليها وقلت الله يذوقك اللي ذقته وحسبي الله عليك

وطلعت وانا مرتفع ضغطي ورحت لمدير الطواري من القهر

ابي اجازة زي الناس اللي تاخذ وانا مفروض لان عندي ولادات مبكرة لازم يعطوني

دخلت واشتكيت

لكن بكل برود قال انتي ليه ماتتابعين عندنا اول بأول عشان نقدر نعطيك اجازة

قلت انا اتابع عندكم ودخلت على الاخصائية

والان محتاجه اجازه ويحق لي لاني في التاسع وعندي مشاكل سابقه في الحمل وفي هذا الحمل

جلس يتفلسف علي لين طلعني من طوري

وكان فيه اداري جالس معه قام يتفلسف عن النظام..قلت انتم اخر من يتكلم عن النظام

انا ادارية وتجيني كل الاوراق والاجازات من العسكري والمشكلة اننا نعرف ان صاحبه الاجازه مسافرة لعرس او وناسه

ولا فيها اي مشكلة صحيه

وانتم تعطون بالهبل

والناس اللي مثلي تمشي بالنظام ومحتاجه ماتعطونها

ورحت طلعت وهو يقول سامحينا يااختي

قلت الله لايسامحكم دنيا واخره

وطلعت السيارة ابكي بحرقه وقهر واشتم

وزوجي مره رحمني

قلت والله لو اموت ماااروح للكلاب

افلس وتفلس ولا اولد عندهم الحيوانات

قال خلاص هدي بالك وحسبي الله عليهم

رحت لعيادة تابعه للمستشفى العسكري في احد القاعدات العسكرية

قالوا في سودانيه تعطي اجازه ثلاث ايام وتجددها

رحت واول مافتحت ملفي

قالت والله حرام عليهم

انتي مفروض دايركت اول ماتحملين تاخذين اجازة

لان النظام يقول اي وحده تولد مبكر وتتكرر حالات الولادة المبكرة عندها تعطى اجازة لنهاية حملها

رحمتني الله يجزاها خير واعطتني اجازه

ثلاثه ايام وبعدها ثلاثه ايام وولدت

وهذا الكلام صار لي في رجب 1433 من سنة ونص
يعني لا يغرك الناس اللي تقول تغيروا وتغير المدير

الفساد في العسكري منتشر بشكل كبير الا من هدا الله
لكن اذا تعرفين موظف او طبيب في العسكري يوصي عليك وله مكانه وكلمه
صدقيني راح يعاملونك زي الاميرة

وهذا صار لي لمن دخلت تنويم عندهم بولدي الثاني بعد ماولدته بفقيه جاه صفار ودخلته العسكري
طلع مره شديد ولازم تنويم

تخيلي لي ثلاث ايام بس والده

ولا اعطوني سرير... ولا فراش... اعطوني تلبيسه مخده ؟؟؟؟
وقالوا الكنبه اسحبيها ومددي رجولك...يعني ماتتحول لسرير بس يادوب تمددي رجولك
واصلا مانمت ولا عرفت النوم
جالسه بس
طبعا الولد حاطينه في جهاز زي الشوايه لان الصفار شديد مره
تخيلي مسدوح على شبك وداخل زي الفرن

وعليه مغذي ومغطين عيونه وعرياااان تماما
مافي بامبرز

حاطين الكمامه العاديه زي البامبرز تحته بدون مايغطونه

وطبعا مع الشبك والقرف اتعب وانا انظفه

ولمن ارضعه اتبهذل عشان اطلعه والمغذي عليه

وطبعا المغذي محطوط في راااااسه عشان ماعرفوا يطلعون وريد له من صغره

والله اتذكرها كانت ايام نحيسه ومتعبه

وتورمت ساقي صارت زي البلونه

ربي رحمني ما تجلطت

المهم لمن امي عرفت اني تنومت ومابروح لها

حت هي والوالد بالبر

واوول مادخل علي ابوي وشاف شكلي ووضعي وحالتي

ماسلم علي ولا شي

راح لمدير المستشفى اللي يطلع صااااحبه

وفجأة جا طبيبي ووفد ممرضات

واخذوني بكرسي

وانا شايله هم الولد .. قالوا ماعليك بنخصص له ممرضه

وراحوا طيران يشوفون رجلي لايكون جتني جلطه

والدكتور بنفسه هو اللي يدف الكرسي

والله انقلب الوضع قلبه

رجعت الغرفة ودخلت انفجعت لقيت حرمه وطفل ثاني

قلت وين ولدي

قالوا لا غيرنا غرفتك وحطوني اخر غرفه في الجناح

وحاطين ورقه مكتوب عليها vip

ومافيها الا سرير واحد مضبطينه واستقبلتني ممرضه سعودية

وحاطين لي خدمه درجة اولى

الشاهي والكافي والفاكهه الكيك والساندويتشات والعصيرات اشكال والوان

والمويه الحاره في ترمسين

وولدي يجون يغيرون له ويدخلون ويطلعون بهدوء

وابتسامات ومعامله رهيبه

والله حزنت صراحه

قلت ليه مايعاملون الناس كلهم كذا

ليه لمن جا ابوي وكلمهم ولانه رتبه ويعرف مدير المستشفى قلبوا كل شي

رحت كلمت جارتي اللي كانت معي في الغرفة الاولى قلت لها

قولي لكل الحريم اللي تبي اي شي تجي تاخذ شاهي وكافي واللي تبي

انا بقفل الستارة ولا يحتاج يستأذنون

يدخلون ياخذون اللي يبون ويروحون

الخير من الله مو مني

لاني عانيت وكنت انا وجارتي نتمنى شي دافي بس مايعطون الا فترة العصر

وترامسنا تخلص بسرعه ماتكفينا لحد الليل

ذبحنا الجوع والعطش

حسبي الله عليهم والله الدولة ماقصرت وحاطه امكانيات بالهبل تكفي الكل لكن الفساد منتشر