الولاده الطبيعيه بعد القيصري احكي تجربتك لي

السلام عليكم

بنات انا ولدت قيصري قبل 7 شهور وهذا اول حمل ليا فتمنى الثاني اولده طبيعي

المهم ماعلينا انا لمن ولدت يعين لمن جاتني الالام الطلق روحت مستشفى وقالت ليا الدكتوره الرحم مفتوح 2 بس احتمال تولدي قيصري بسبب ضيق الحوض
المهم انا خرجت من عندها وروحت مستشفى ثاني وجلست تقريبا ساعتيتن او اكثر وانفتح الرحم 10والدكتوره هيا اللي فتحت ليا المويه المهم جلست امشي وامشي والالام الطلق تزيد علياا لحد خلاص ماانهلكت المهم جات الدكتوره وقالت ليا نبضات قلب البيبي بتضعف بس هوا مانزل من الحوض لو نزل كان ولتدي من زمان المهم قالت قيصري انا عارضت وقالت لها احاول المهم جلست كمان ساعه وجات الدكتوره وقالت انا ماني مسئوله لو صار للبيبي شي وقعي على العمليه المهم زوجي خاف وقع

وبعد العمليه سئلت الدكتوره ليش القيصري قالت ليا راس البيبي تحت صح بي بدل مايكون بالطول عشان ينزل لا هوا بالعرض قلت لها يعني مو ضيق في الحوض قالت لا مااعتقد

وعلى فكره انا مرا مامشيت الا شي بسيط وجاتني الولاده في اول التاسع

فيابنات دحين انا ماني عارفه السبب الاكيد وراء عمليتي

فكيف اعرف ادا كان الحوض كويس ولا لا

وهل فيه قياسات معينه اقدر اعملها للحوض

ولو فيه اقدر اعملها دحين قبل مااحمل واتاكد ولا لازم لمن اكون حامل

وقديش اجلس كم سنه وبعدين احمل