الولاده الطبيعيه لحست مخي.. تعالوا علموني يابنات ايش الحل

بنات انا والده طبيعي لي اسبوعين
والخيوط ماطاحت ومن خوفي مقدر المسها
قبل شوي لمستها بالغلط ولقيتها زي سيخ الحديد
شي يابس وقاسي وبارز على برا
ما ادري كيف صاير شكلها بس خفت وبعدت يدي


المشكله لي كم يوم اعاني من ريحه كريهه من تحت
قلت يمكن من اللهوم اللي اكله
بس خايفه يكون التهاب لاسمح الله
لان الدم متوقف له كم يوم وهذي الريحه تجي مع الافرازات
والافرازات لونها بين الاصفر والبني


وانا الدكتوره موصيتني ما استخدم اي شي
لا مراهم ولا غسولات ولا شي ابدا ابدا
بس عطتني حبوب مسكنه للالم
وقالت لي اجلس بمغطس ماء وملح
وانا خفت الملح يشد الجرح فمابعد سويته
وحريصة دايما على تغيير الفوط وتجفيف المكان




الحين انا احاتي الخياطه
ما ادري ايش الجزء البارز اليابس اللي لمسته
واحاتي الريحه مدري طبيعيه والا دليل التهاب
وتعرفون مع الحلبه واللهوم تتغير ريحه البول
تصير نفاثه وتتاثر باللي اكله
فقلت يمكن ريحه الافرازات نفس الحكاية