السلام عليكم اخواتي
عندي استفسار بخصوص الولاده بمستشفى جامعة الملك عبدالعزيز بجده (الجامعي) كيف نظام الولاده فيه من ناحية العنايه والنظافه والحضانه
وهل صحيح وقت التوليد اجباري يكون فيه متدربين 😢
والي عنده فكره عن اسعار القسم الخاص فيه ياريت تذكر تجربتها او اي معلومه عن هالمستشفى !!!!
بكريه وشايله هم الولاده فيه مررره لاني مارتحت معهم بالمراجعات كله متدربين ادخل عليهم
والاستشاريات مايقابلون اي احد الا الحالات الحرجه واظن بالاصح الي معهم واسطات
hasna1 @hasna1
عضوة نشيطة
يلزم عليك تسجيل الدخول أولًا لكتابة تعليق.
wasoona
•
والله ياقلبي انا ماجربته بس في موضوع لعضوه هنا قريته قبل كم يوم تشتكي منهم ولدت قيصري واللي ولدتها متدربه وللاسف جرحتلها المثانه وقت العمليه وتبهذلت . انتي استخيري لان فيه ناس تمدح وناس تذم
- ولدت فية قبل 3اسابيع عملية قيصري مراجعاتي مع ممرضين شباب مرة وحدة دخلت ع الاستشارية لانة ولادتي قيصري وحدد معي موعد العملية ومن بعدها ماشفتها الا بعد العملية بكم يوم تشوف الجرح وتعطيني نصايح ..
- من بعد العملية بكم ساعة اعطوني طفلي هذا نظام جديد ع ولدي قبل 5 سنوات كانو يحطو في الحضانة يجيبو الصباح ساعتين والمساء كمان ساعتين الحين تغير الوضع وكنت تعبانة وجبت اختي مرافقة ويوافقو ع العملية الطبيعي لا لانها 24 ساعة وراح تطلع وجات حالة جنبي طبيعي صح تعبانة من خياطة بس الحمدالله قدرت تقوم بطفلها لكن العملية 12 ساعة منسدحة وع القسطرة ومافي حليب في الصدر الا الا يبغوني ارضعها كيف وانا صايمة من امس قبل العملية ياخذو طفل اذ في تحاليل او يروشو فقط ..
- العناية والاهتمام تمام ماشاءالله الاكل لا والله ماكنت اكل اهلي وزوجي كانو يجيبو معهم اكل
- الي جنبي ولدت طبيعي الي ولدها في طواري ممرض شاب والخياطة دكتورة
- يدخلو طالبات ياخذو كم معلومة تفيدهم في دراستهم وانا بصراحةةاستقبلهم واعطيهم اي معلومة تفيدهم ام شباب ماقد دخلوو عندي الحمدالله ..
اختي ولدت فيه بصراحه زفت تعبوها ويصارخون عليها وسحبو البنت وصار لها تمزق بلاعصاب هذا الكلام من 17 سنه تقريبا وماعاد احد ولد فيه من جماعتنا اصلا ماقبلوها بغت تولد بسيب يمكن عشان كذا عذبوها وبلاخير يقلون قبل الولاده اختاري الام او الجنين قالت امي الام طبعا يعني موتوها رعب يعني زباله
استخيري ثم لستخيري ثم استخيري
استخيري ثم لستخيري ثم استخيري
hasna1
•
الله يستر التجارب تحطيم بس خلاص معاد يمديني اغيره كل مراجعاتي فيه وانا بالاسبوع 38 الله ييسر لي يارب الولاده مع دكتوره مره خايفه وندمانه اني راجعت عندهم جيت على مدح الكثير له وانه افضل مستشفى واهتمامهم حلو بس ولاده مع متدربين قويه هذي 😢😢
الصفحة الأخيرة
سلفتي ولدت بالجامعه الاهلي بس هم تامين شركه تقول رهيبين ودكتوره ولدتها ..