الله ييسر لك ولادتك ولكل مسلمه

لكن اشفيكم على مستشفى الجامعه الحكومي

لان ناويه اولد عندهم صح في البدايه ماقبلوني لكني ولدت بالقوه لاني كنت تعبااااانه

وعلى وشك بس بعدين تمام

والا عشان لازم تكونين فاتحه ملف؟؟

ووين نروووح طيب

يارب مالنا غيرك يااااااااارب يسر لنا ولاداتنا جميعا انك على كل شي قدير

يا حياتي الله يكون في عونك ويسهل عليكي يا رب.
الولادة في القسم الحكومي في مستشفى الجامعة ممكن يدخلوا عليكي طلاب اجانب يتفرجوا او يولدوكي دا متاكدة منه.

بس في بنات كتير ماشالله بيكتبوا عن تجاربهم في الولادة في كزا مستشفى واشوف الاسعار جدا معقولة, على ما اعتقد بخش و جدة الوطني و بقشان و كزا مستشفى وعيادة بس ماني متاكدة. لو تعملي بحث حتلاقي.

شوفي دي اراء بعض البنات في كزا موضوع عن اسعار المستشفيات في حدود ميزانيتك وانتي بعد كدة حطي في قوقل اسم الدكتورة والمستشفى عشان تعرفي كويسة ولا لا + اتصلي على المستشفى واساليهم افضل لان ممكن الاسعار اتغيرت.

والله يسهل امرك ويختارلك الخير يارب وان شالله اكون افدتك.

- مستشفى بخش /الشرفية
كويسين الولادة عندهم مهي غالية ولدت عندهم من سنتين كلفت الولادة مع ليلة وحدة أقل من أربعة الاف مني فاكرة بالضبط يا ثلاثة الاف واربع مية أو ثلاثة الاف وسبع مية وأتذكر مرة استغربت من السعر حسيت رخيصين وترى عملو تخفيض بسيط لزوجي عشان شغله وأنا للمعلومية أروح لهم بس وقت الولادة ........وكمان بالبكج الكامل يطلعو أرخص حرمة أخوي تعمل بكج كامل بس بصراحة ما اعرف بكم....
الا اذا كانو خلال هذي السنتين غيرو أسعارهم ترى ما أدري.

- لا سعر مستشفى ببخش اختي ولدت فيها قبل 9 شهور الولاده الطبيعيه 5الاف مع غرفه منفرده والحضانه.

- معروف ان اشهر واقدم مستشفى وارخص هى مستشفى خالد ادريس الولاده الطبيعى 2500
كذلك مستشفى الحمرا والمستقبل برضو اسعارهم اعلى شويه لكن ماهى غاليه
الالمانى سعر الولاده الطبيعى 3500 غرفه مشتركه
اما الباقى عرفان وفقيه وبخش والمتخدون كلها اسعار متوسطه تبدأ من 6000



-اتصلت على مستشفى خالد ادريس وجاوبني واحد سوداني وقالي سعر الولاده الطبيعي 3500 والقيصرري من 6 الاف الى سبعه
بخش الطبيعي مع غرفة خاصة لمدة يوم والادوية والمراهم وكل شي ب 4200 ريال
في كمان مستشفى هالة بن لادن في الحمراء ..
وحده ولدت عندها يقولوو كويسه وانا رحت شفتها نظييفه ..
الطبيعي ب 3500 او 3150 في غرفه منفرده ويوم واحد ..
طبعا من غير متابعه على ماأعتقد ..
وعندهم الأجنحه مرره حلوه وسعر الولاده ب 3000 والجناح اليوم الواحد ب 2800
يعني كلوو ب 5800 ..لو بتولدي في جناح ...
أما القيصري ب 6000 من دون الجناح وعلى ماأعتقد غرفه مشتركه ..وإذا تبغي تقدري تطلبي
غرفه منفرده بس تزودي 150 ريال على سعر الولاده ..

- بحملي الثاني ولدت بالزهراء ب 3000 مع غرفه مفرده و الدكتوره من برا

- انا ولدت في الجدعاني قبل شهر واسبوع ب3200 ريال طبيعي بس الصراحه ماانصح احد يروح يولد عندهم

- خالد ادريس ولدت بنت خالتي عندهم قبل شهر وكل التكلفة كانت 3200 ريال بس للمعلومية ما عندهم لا كمام ولا تخدير يعني زي الحكومي

- شفت عيادات مستشارك اللي في الصفا حلوه مره وفخمه ونظيفه والولاده فيها بـ2500 قالت وبنسوي تخفيض بس ماادري خايفه من ولادة العياده

- خالد ادريس اعتقد بالشرفية واذكر صديقتي ولدت عند ميمي اظن ب 3000
مع غرفة خاصة,الغرفة صغيرة يوم ازورها بس نظيفة

- حبيبتي خالد ادريس من غير تردد
هي في العمارية مهي في الشرفية وانا اولد عندهم و3000الغرفة مزدوجة مهي خاصة
الخاصة ب500زيادة
اولد عند درية روعة خياطتها
وليش تقولي بعيد جبت ثلاثة وماولدت في الطريق انا في الصفا امسكي الخط السريع
واحلى ماعندهم ماتحسي بالولادة الا الشي البسييييييييييييييييييييييييط
ولا بالراس وبعد الراس ينوموكي ومعاد تدري بنفسك الا في غرفتك
اتمنى اكون افدتك


- عندك مستشفى الحمراء في حي الحمراء الولاده الطبيعيه ب2500 والقيصري الصراحه مدري بكم بس نظيف وراقي ومرتب وانا اراجع عندههم وان شاء الولاده بعد.

- انا ولدت ولادتين بمستشفى حي الجامعة اول مرة كانت كتير ظريفة عند الدكتورة سوسن بس تاني مرة مارضيو يحيبواالدكتورة سوسن قال ما مناوبتها وولدت عند دكتورة اسمها نهلة الله يهديها والسعر 2600 بغرفة لحالك و2500 درجة تانية

- انا حولد في مستشفى الحمرا بحي الحمرا نظظيفه ورخيصه والولاده 2000 او 2500 عند الدكتوره نعيمه روووعه قيليه بحقها ويقولولي خيطتهااا رووعه اهي تولد هناك وعيادتها في عمارة نوره

- المستشفى السعودي جنب نادي الاتحاد دكتوره ناهد يمدحوها كثير والولاده 2500

- مستشفى المستقبل في جدة
فتحت ملف بس مارحت الطبيعي 4500
العملية بـ8500 طبعا الغرفة لها سعر لحالها الفردية او جناح او مشترك

- أنا بعرف مشفى بخش جدة 4500 الطبيعي و9000 العملية مع نوم يوم بالغرفة


-عندك الجامعه الخاص مو اللي في نفس الجامعه لا بحي الجامعه
اعرف كتير و لدو هناك ومره يمدحو بعضهم كلفتهم 2500 والبعض 3500
وانا اقولك دقي واسالي او روحي لانو مره نظيف وكويس
اهم شيء استخيري قبل
ونصيحه اتركي الحكومي


- في دكتورة اسمها اماني بعيادات مدري ايش اسمها نسيت بس قريبة من فقيه ولدت عمتي بمستشفى الحمرا ب 3000 ريال بس عمتي دفعت زيادة عشان غيرت الغرفة من عادية الى جناح او شي تاني

- تبين نصيحة اخت لكي روحي للوطني الي بالكندرة عند الدكتورة منى حتاته اسمها مرة ممتازة والولاده عندهم 3500 ريال وبتدعيلي ان شاء الله بس ترى عندها مرة زحمه يعني لازم حجز والحجز يكون عن طريق زوجك يروحلهم الساعه 2 الظهر يحجزلك للعصر غير كذا ماراح تقدري تدخلين لها لأن تستقبل لين 23 رقم بس
واغلبهم يحجزوا من الظهر لو رحتي العصر ماراح تستقبل من غير حجز.

up

لا اله الا انت سبحانك اني كنت من الظالمين

الله يفرجها على كل حامل يارب ويرزق كل محروم نسمع امين يارب

السلام عليكم
كيفكم ان شاء الله بخير,,,,,انا بصراحه ولدت في الجامعه الخاص بصرررراحه حلوه الولاده عندهم عنايه واهتمام وغير كذا الدكتوره عسل اسمها نسمه بصراحه اسم على مسمى بس خساره حولوها عالعام بس ان شاء الله الحين في ولادتي الثانيه حولد عند دكتوره نوال سناني كثير يمدحوها,كلفتني الولاده عندهم 7 الاف بس الحلو انو مادفعوني غيرها ولدي قعد في الحضانه 4ايام عشان كان عندو صفار وقالولي لوتبغي تخرجي من المستشفى وتخلي ولدك ولوماتبغي تطلعي تقدري تقعدي معاه وقعدت في المستشفى لين طلع ولدي وطول الفتره هذي الممرضات كانويدخلو عليا يشوفوني محتاجه شي ويعطوني حبوب مسكنه,يعني بصراحه احس 7الاف قليله في حقهم,,,وغيركذا وقت الولاده دخل زوجي واختي ماشاء الله الدكتوره ملتزمه والله اختي تحكيني تقول حتى رجولك مابينتها وماتخلي احد يتفرج بس كانو موجودين معاها يمكن 4ممرضات,,,,,وبس اي سؤال انا حاضره