.الولاده في مستشفى عبدالعزيز الحكومي.. وقصتي/يمنع فتح تجمع بدون اذن

السلام عليكم ورحمة الله وبركاته
كيفكم كرووووشات

فالبدايه باقول قصة ولادتي

كنت اراجع طول حملي في مستشفى الوطن الطبي عند الدكتوره ايمان الجندي ممتازه
المهم فيووووم وانا لسى بقي لي اسببوع واخلص الثامن من حملي واحس الم فضيييع اسفل البطن لان كان عندي لتهابات وما ادراكما الالتهابات لاني ماكنت اشرب
ماااااااااااااااء
وقالت لي الدكتوره اذا اهملتي الالتهاب يتحول لجرثومه والجرثومه تحتاج غذاء فماتلاقي الا اكل كيس الجنين فتحدث ولاده مبكره....سبحان الله..طبعن انا قلت الللله كل ذا يصير وسط بطني واستبعدت الفكره
وبعد ذاك الالم رحت كشفت قالت الالتهاب عندك بنسبه كبيره

المهم ...و والله من الالم ما اقدر افرد ضهري كنت امشي منحنيه....
و فالليل اسولف مع زوجي حبيبي واقول له تخيل اقول لك يلا اصحى بروح أولد» وصدق من قال فال المرء بين فكيه.......وننام والا اذن الفجر وكان ايامها بررررد وقلت بقوم اصلي واصلا كنت صاحيه تحت اللحاف من الالم واقوم والا
تنفلت ذيك المويااات واجري عالحمام واجلس من الفجعه ودخت وصرت اتنافض وياربي كيف اصحي زوجي اخاف ينفجع...المهم والبس فوطه واتو بكرامه وامسك جوالي وانا اتناااافض ما اشوف شي طبعا كنت بكريه...وادق على امي مااااترد وادق على ام زوجي لا داعي ولا مجيب


واصحي زوجي ...يلا قوم انا تعبانه بروح المستشفى..قال انتي ما بطلتي مزح من امس...الا واببببكي قلت انا تعبانه
ونط من السرير مفججججوع وعيونه شرقانه ويلبس الثوب وانا اتنافظ والله يبنات ماني مستعده ولا جهزت ولاااشي من اغراض الولاده بس اشوا اشتريت للبيبي ملابس ....المهم
وقام زوجي حضني وقال يلا يا كتكوته خليك قويه علشان يجنا نونو زي القمر ****الله..طبعا زوجي وحيد اهله وبيموت يبغى اطفال
ورحت لمستشفى الملك عبد العزيز..و مافي سسترات ولا احد وادخل الا وحريم تئن والثانيه تصيح انا انخررررررعت جات ممرضه تقول ايش في قلت نزلت عليا مويه المهم وسولي كشف الا الرحم مفتوح 2 سم قالت انتي تنويم وتجيني وحده تاخذ البيانات والخرابيط قلت لها انا لسى فالثامن وادتني ورقه يوقعها زوجي واروح له طبعا انا لسى مافي اي الام طلق ولاشي وراح ذاك الالم مع الفجعه ههههه
ووقع زوجي والورقه المهم الا ينفلت جوالي اتصلات امي تنهت بكي وام زوجي بتموت خوف مفجوعين كيف الود فالثامن

المهم دخلوني تنويم على الساعه7 الصباح ويبدا الالم عالساعه9 والطلق ورا بعض كنت احسب بالدقايق وكل طلقه وطلقه بينها نفس الدقايق سبحان الله تجيني امي وام زوجي دخلوا بالمضاربه ممنوع دخول احد وتجيب لي امي كاسه قشر بالقرفه والعسل واشربها والطلق يزيد ورررررررا بعض

وتجي تكشف الا مفتوح 4 سم ودخلتي كشك الولاده على اذان الظهر..والمهم قلت والله يابنت لاتصيحين ابدا يقولون تخلص طاقت وبعدين لا جا وقت الجد ما تقدرين تدفعين البيبي

وللساعه اثنين ونص الا الممرضه تقول يلا خذي نفس وادفعي وانا مغمضه ما ابغى اشوف شي ومرهقه وبين كل طلقه والثانيه انام والله من التعب المهم
وماشا الله تبارك الله ما جا اذان العصر الا وانا اتخيط »ههههه يعني خلصت طبعا وهيه تخيطني انا ناينه الخياطه سهاااااااااله ماتحسين شي والحمد لله جبت ولد زي القمر

سالم معافى احمد الله واشكره

وانا ولادتي كانت سهاله من ربي الحمدلله وخياطتي مافي احس منها اعجز اشكر ربي على نعمته


وهاذي قصتي

بس عندي بعض الاسئله لبنات الطايف....
هل في فمستشفى الملك عبدالعزيز غرف خاصه عنايه خاصه بس بفلوس؟
وهل في خياطات بفلوس بعنايه خاصه؟
كل وحده تقول كيف كانت خياطتها وولادتها فذا المستشفى؟



اتمنى اني كنت خفيفة ظل على الجميع استفيدوا من اخطاء غيركم علشان تصير ولاداتنا بلا اخطاء

الى اللقاء دمتم بود