:27:
السلام عليكم ورحمة الله وبركاته
رح فوت بالموضوع على طول وتعطوني رأيكن ..
مرة من المرات اختي اضطرت تسافر وتترك ابنها عمرو 3 سنين عندي ,,, المهم كان نايم جمبي على سريري طبعا ,, وفقت بيوم الصبح بكير لقت الولد فايق وعيونووو مركزة على جهة التلفزيوون والولد يعللييي خااااايف
انا قلتلو شو حبيبيييي شومالك ,, أشر باصبعته جهة التلفزيون اللي كان قبال السرير وقللي عوووووو ( كلمة بتنقال لاي شي بخاف منه الولد او للحيوانات ) لغة اطفال يعني
لانه كان حكياته على قدوو
قلتلو لا ويين العو مافي عو ,,,, استمر يأشر على نفس المكان ويقول عووو عوووو :icon33:
انا بيني وبينكن خفت للحظة ,, قمت جبت موبايلي وشغلت سورةالبقرة وقلت هلا بهدى الولد
الولد ماهدي وضل ياشر باصبعته ويقول عوو عوو حتى مو مخليني اقوم من جمبه روح عالحمام..
انا لما شفت سورة البقرة شغالة والولد بعدو عبقوول عوووو قلت معناتا ماافي عووو
طيب شو شايف الولد لحتى هالقد مرعووب
قمت مسكتلو ايدو وقتلو ورجيني وييين العوو ياعمري وينووو ماافي عووو
قام من التخت ومشي جهة التلفزيوون وحط ايده عالعو اللي خايف منه
ياااحزركن شو هو كان العوو اللي خايف منه!!
كان ضو التلفزيون لما يكون طاافي لونو احمر ,,,كان خايف منه :)
وانا وقتااا ماعاااد عندي خواصر من كتر الضحك وهو المسكين عبيطلع فيني صفنان مو عارف ليش عبضحك وبس خلصت ضحك
رجع حط اصبعتو عالضو وقللي عووو هيوو عووو
قمت قلتلو حبيبي هاد مو عو هاااد ضووو
قليي ضووووو ؟؟؟؟
قلتلو ايييه ضووو مو عووو
قلي بح عوووو؟؟؟؟ يعني مافي عوو
قلتلو ايه بحح عووو حبيبي مااافي عووو
صار الولد كل مايشوف تلفزيون مطفي والو ضو احمر ياشر عليه ويقول هاد بح عووو هاد ضووو
صارت حكمته بالحيااة
الخلاصة من موضوعي انه الاولاد والاطفال عموما خياالن واااسع جداا واي شي ممكن يتخيلوه شي مرعب ومخييف ولازم نحنا نطمنهن باستمرار ونحسسن بالامااان
بس حختملكن موضوعي برعب حقيقيي :30:
مرة ابن اختي هاد نفسه فات مع امه عالحمام وهي قاعدة عالتواليت ( اكرمكم الله )
اتطلع ابنا جهة كتفااا وقلا ماما ماما عووو عوووو
بس هالمرة كان شكله عنجد في عووو مو ضووو:06:
ياريت ازا عندكن قصص مشابهة عن خيال الاطفال الواااسع بما يتعلق بالعووو تحطولنا ياهاااا
*ياسمينة دمشقية* @yasmyn_dmshky_1
محررة ماسية
يلزم عليك تسجيل الدخول أولًا لكتابة تعليق.
طيب الحمد لله طلع ضو خوفتينى والله هههههههههههههههههه انا بنتى الليلة اللى فاتت وهى نايمة فجأة صحت بنص الليل وبتصرخ انه شايفه غول وصارت توصف بلبسه بلغتها طبعا والصراحة انا خفت ههههههههه مش عارفة شو هو اللى شايفاه وبنتى عمرها 6 سنوات يعنى كبيرة مو صغيرةطيب الحمد لله طلع ضو خوفتينى والله هههههههههههههههههه انا بنتى الليلة اللى فاتت وهى نايمة...
هلا فيكي نورتينييي
لا بتكون حلمانة والصغار بخربطو بين الحلم وبين الواقع
انت حصنيها قبل لاتنامي ولاتخافي
لا بتكون حلمانة والصغار بخربطو بين الحلم وبين الواقع
انت حصنيها قبل لاتنامي ولاتخافي
مشكورا حبيبتي والله سيبتي ركبي انا فكرت رح يطلع شي شغله قعدت اقراء واستنا العو طلع ضوووووووووو
هوى ابها
•
الله يحفظهم
لكن بالفعل انا معاك لازم نطمنهم
أنا اعرف وحده بنتها لما تسمع صوت قوي من برا سواء صوت سياره كبيره او باب يتسكر بقوه ويطلع صوت قوي البنت تخاف والام تزيد خوفها تمثل على بنتها إنه شي يخوف وتصرخ والبنت ياعيني عليها تخاف اكثر بعدين تضحك الام بكل بروووووووووود
وكمان وحده الآن متزوجه الموقف حصل معها وهي صغيره تقول:
كنت بالحمام(أكرمكم الله) وبنات اقاربي من برا يطفون النور وانا جوا الحمام ويدقون على الباب بقوه وانا ابكي ماقدرت اقوم واطلع من الحمام,,بعد الموقف البنت حاقده على البنات
آسفه على الاطاله لكن عن نفسي أحب أطمن عيالي لما يسمعوا اصوات ويخافوا خاصة صوت الدريل لما يستخدموه جيرانا
لكن بالفعل انا معاك لازم نطمنهم
أنا اعرف وحده بنتها لما تسمع صوت قوي من برا سواء صوت سياره كبيره او باب يتسكر بقوه ويطلع صوت قوي البنت تخاف والام تزيد خوفها تمثل على بنتها إنه شي يخوف وتصرخ والبنت ياعيني عليها تخاف اكثر بعدين تضحك الام بكل بروووووووووود
وكمان وحده الآن متزوجه الموقف حصل معها وهي صغيره تقول:
كنت بالحمام(أكرمكم الله) وبنات اقاربي من برا يطفون النور وانا جوا الحمام ويدقون على الباب بقوه وانا ابكي ماقدرت اقوم واطلع من الحمام,,بعد الموقف البنت حاقده على البنات
آسفه على الاطاله لكن عن نفسي أحب أطمن عيالي لما يسمعوا اصوات ويخافوا خاصة صوت الدريل لما يستخدموه جيرانا
الصفحة الأخيرة
انا بنتى الليلة اللى فاتت وهى نايمة فجأة صحت بنص الليل وبتصرخ انه شايفه غول وصارت توصف بلبسه بلغتها طبعا والصراحة انا خفت ههههههههه
مش عارفة شو هو اللى شايفاه وبنتى عمرها 6 سنوات يعنى كبيرة مو صغيرة