الله يسعد صباحكم ومسااكم بكل خير ومسره
حبيت اسوولف معكم شويات ونهذري معكم شويات والله يعينكم على نوشه لاتكلمت مايسكتها شي خخخخ
يشهد الله ماتعنينا وكتبنا الا لغرض النصح ومن زمااان ودي اتكلم معكم بهالشي
كلنا نعرف يالغوالي ان اغلبنا في الويكند نهايه الاسبوع يتجه للبيت الكبير << بيت الوالد والوالده الله يديم عزهم
نتونس معهم ونفلها ونغير جونا وجوهم:27:
طيب اليوم بتكلم معكم بهالزياره تحديداً مالها وما عليها وآداب زيارتنا للاهل<< يمكن بعضكم يقول حتى بزياره الاهل فيها اداب
نعم يالحبيبه ولازم تكون كلها آداب
للاسف اصبح تجمع الابناء نهايه الاسبوع يشكل عبء على بعض الاهل
يجوون البنات كلهم ببزارينهم عن بكرة ابيهم << جيووش ماشاء الله خخخ
ويتجمعوون ولا وحده فكرت فيهم تجيب معها عشاها...!!
ياعزتي لشايبهم بس اللي عايش على راتب التقاعد :(
وش يكفيهم يصرفوون عشاااء اسبوعياً على هالجمع الغفير
ليه مايكون هناك اتفاق بين الخووات المتزوجات والله انتي يافلانه عليك عشاااء هاالاسبوع
وانا اللي عقبه
الثانيه تجيب معها حلاها وقهوتها
من جهه تكون زيارتهم خفافيه عليهم
ومن جهه اخرى تكون اجر عظيم رحمتي امك من عناء الطبخ
ورحمتي ابووك من بعض التكاليف
ترى الاهل يستاهلوون اكثر استغرب اللي تدخل عليهم ويدها فاضيه..!!
ولا بعد بعضهم يوصيهم سووولي حلا انا جايتكم الليله...!
ترى بكذا تحرجين اهلك حتى لو مابينوا لك لانو ممكن يكون مشغولين او مطفرين
الامر الاخر اطفااااااااااالكم
في البعض اذا وصلت عند اهلها فلتت عيالها يحوسون بكل مكان وصجه ولجه وامهم ايزي عندها:09:
بحجه ان هذا بيت اهلي وعادي محد بينقد عليهم وماهنا حد غريب خل يتونسون...!
واحد يكب من جهه وواحد يحووس بالغرف من جهه وغير الثلاجه يقلبوونها فوق تحت
وازعاااااج فوق المعقول :icon33:
يعني تنتظرين امك تقولك امسكي عيالك تراهم قلبوا بيتي..!
ترى بعض كبار السن مايتحملون الاطفال واازعاااجهم مو معناته مايحبونهم ..لا بس خلاص وصلوا مرحله بالعمر مايتحلمون فيها كثره الازعاج
حاولوا تنتبهوا لاطفالكم وعاقبيهم اذا شفتي منهم مايضايق اهلك
كمان فيه شغله كثير نلاحظها في البعض بدل مايوسعون صدر ميمتهم يقومن يضيقن خلقها بمشاكلهم..!
زوجي سوى وسوى
وانا متضايقه من عيالي
وحماتي طفشتني
وسلفتي تكرهني
والام ياقلبي عليها تشيل هموومهن فوق همها
يعني حنا متجمعين عندها عشان كذا..!
ضنكم هذي السوالف بتوسع صدرها ؟
ليه مانبين هم انا مبسوطين بحياتنا عشان يرتاحوون
اووكي عارفه انه مافي مثل قلب الام يحس فينا ونشكيله
بس حرام نبين لهم انا دوم متضايقين وفي مشاااكل لزوم نطمن قلوبهم علينا ونبين لهم انا مرتاحين وفي افضل حال
حتى ابووك لاسالك عن احووالك بيني له انك مبسووطه ولو تصنعتي ذلك
عشان يرتاااح قلبه
ايضاَ حاولي بوقت الاختبارات تقللين الزياره لهم وتاجلينها الا مابعد الامتحانات
وبماانا مقبلين على اجازه اسبوع فيه حاجه كثير مهمه اذا لمحت لك امك او قالت بطريقه غير مباشره او حسيتي انهم بيطلعون يتمشون بهالاجازه بلاش نكون انانيين ونطب عليهم ثم يكنسلون تمشيتهم وسفرتهم لعيونا
لززوم ننتبه لهالشي ياحبوباات
اعتبروا هذا كله وجميع ماسبق لعيوون الغالين وبرهم بالشكل اللي يرضيهم عنا
ومن باب احترامهم وتقديرهم والسعي على راحتهم ومن بااب آداب زيارتهم
كتبت هالنصائح وهالاسطر كلها واتمنى تلاقي القبول منكم
الله يخلي لنا والدينا ويجمعنا معهم على طوول
وبالفعل بيت الاهل له احترامه واصول الزيارة اهم من اي شخص اخر
لكن شخصيا
زيارة التجمعات في المناسبات الرسمية
ربنا ييسر امورنا