بقولكم قصه صغيره
كان عندي صحن اجنحة دجاج وكان بخاطري اسويها بهالطريقه ودخلت النت وهنا بالمنتدى
ادور طريقه لها لكن تفاجئت انه شغلانه ولازم صوص خاص للباربيكيو من السوبر ماركت وهليله يعني
فانا عزمت التحدي واني اسوي وينجز مميزه ولذيذه وشكلها مغري من المقادير الموجوده بمطبخي وكانت
النتيجه وربي يشهد على كلامي اجنحة دجاج فوووووووووق المستوى والله تاكلين ما تقولين بس!!!
اتمنى من قلبي انكم تجربونها
وهذي الصوره والمقادير والطريقه في الرد القادم بإذن الله
يتبع
تبلي الاجنحه بشوية ملح وبهار رشه خفيفه وشوية خل حق ملعقتين وملعقتين عسل وحركيها وغطيها ودخليها الثلاجه على بال ما تسوين الخلطه الرئيسيه اللي هي
كاتشاب تقريبا هو اكبر كميه حوالي ( انا ما اتبعت مقاييس لانه مبتكر) لكن بعطيكم تقريبا
الكاتشاب فنجال شاهي
ملعقة طعام مايونيز
ملعقة شاهي خردل
ملعقة طعام صلصه (معجون طماطم)
3 ملعقة طعام عسل( أهم شي )
ملعقتين طعام صويا صوص حلو ( الاندونيسي)
ملح
حركيهم تمام وخليها
طلعي الاجنحه واقليها بزيت غزير وهدي النار وغطي القدر
وحركي كل شوي
وبتلاحظين سرعة تحميرها بسبب العسل
ولما تتحمر شيليها ومباشره حطيها على خلطة الكتشاب وحركيهم تمام اللي ما تتغلغل الاجنحه بالخلطه وافرديها
بصينيه كبيره عشان كل وحده تاخذ حقها في التحمير ودخليها الفرن النار من فوق بس وبسرعه بتتحمر وكل شوي افتحي الفرن وحركيها قلبيها ورجعيها الين تطلع بالشكل اللي شفتوه بالصور
والسر الخطير للنكهه بعد العسل هو الجمره المطفاه بالزيت
خرجتيها من الفرن حطي فنجال قهوه فيه زيت ( حطيت من نفس زيت القلي ) وحطي الجمره وغطي وخليها شوي وقدميها وانتي واااااثقه بإذن الله انها بتعجب الكل.
والله لو ما ابيلكم الخير وما احبكم كان ما عطيتكم هالطريقه واللي اتمنى من جد تجربتكم لها تراها
إدماااااااااااان.