هذا رد لأختنا الغاليه ألم وعشناه وهذا رابط موضوعها
http://forum.hawaaworld.com/showthread.php?t=2626363
وأقولها ولكل خواتي تقولين يا ألم حلم مجرد حلم ؟؟؟؟
حلم وربك قادر يحققه لكي اطلبي ادعي كلميه قومي الليل واطلبي منه هو الرازق هو القادر هو المعطي الوهاب فيه الي عطاهم 6في بطن وحده ليه مستكثره 4على نفسك وتقولين مجرد لا مو مجرد قولي هذا رجا رجيته من الكريم وقادر يعطيكي اياهم بالصحه والعافيه تصدقين انا متأخره بالحمل 8سنوات ومو صغيره مثللك ماشاء الله العمر الطويل يارب باخر الثلاثين وزوجي دخل هالشهر 60 وتحسبيني اطلب من ربي واحد ولا 2 على قولة الي حولي يارب يعطيكي لو واحد يارب يعطيكي لو بنت وولد لييييييييييييييييه هو سبحانه قال ادعوني استجب لكم وقال سبحانه ادعوني طماعا وانا طاااااااامعه في رحمته طاااااامعه في كرمه ومؤمنه بقدرته وانه بيعطيني توااااااااااااااااااااائم اولاد وبنات وبشيلهم بحول الله ورا بعض بالصحه والعافيه ليه ولهم وتراني لمن ادعي لنفسي والله ادعي لكل خواتي الي مثلي الي يبغون اولاد والي يبغون بنات والي مثلي يبون النوعين تصدقي واستغفري وقومي الليل اجلسي مع الي احن علينا من امهاتنا ولو ما عندك نفس او خايف احد يسمعك ((تصير لي احيانا لأني مثللك محشوره بغرفه وياريت يخلوني في حالي الا كل شوي راسلين لي اطفالهم متى مطفشوا منهم يدخلون ويهبلون بي وميخلون شي بمحله وياويلي اقول شي تخيلي مره عصبت لمن عدموا لي علية مكياج غاليه بقيمتها ومن اغلى الناس من امي هديتها خلوها ترااااب ونثروه بالغرفه والموكيت بيييييييج جديد عصبت والبنات مو صغار بنات عم 5بنات ماشاء الله لاقوة الا بالله ربي يحفظهم ويهديهم واعمارهم بين ال9وال12 سنه وحده من سلفاتي قالت يووه هذا كله عشان مكياج شكلك مو صبوره عشان كذا ما ربي عطاكي اطفال :44: تصدقين لساني انعقد وطبعي اصلا ما اعرف ارد لو احد جرحني ساكته زي زي الجدار الي وراي وزعلوا وخذوا بناتهم وطلعوا وقفلت الغرفه وبرغم النار الي في قلبي دمعه ما طلعت مدري هي صدمه لأنها تجرا تقول كدا قدام الكل ؟؟؟ او هو تعود على الصدمات والجرح المهم ظليت هاديه ونظفت غرفتي طبعا الموكيت رااااااااح وظل علامه تولع قلبي نار كل ماشفته لأني اتذكر كلمتها انتظرت الين الكل ناااااام يمكن الساعه 3وتوضيت وفرشت سجادتي وجلست تحت الشباك اطل بالسما وفجاه مدري الا انفجار صياح اشهههههههههق وربي خايفه زوجي يصحى لأني ما احب اقوله هالاشياء لأنه سلبي جدا بهالمواقف خليتني مع الإيجابي الي بياخذ حقي وبيبرد قلبي والله حطيت راسي بين رجولي عشان لا يطلع صوتي شي من الشماته وشي ما ابغا احد يحزن ويشفق علي واعتمدت هالطريقه)) وانت لا تتكلمين بصوت مسموع تكلمي في قلبك هو بيسمعك وعارف اصلا اش تبغين بس الجلسه معاه تفضفضين له يا محلاها من جلسه قولي له فلانه قالت لي وفلانه سوت لي يارب زوجي زعلني يارب اهلي تعبانين كل الي في قلبك ولو تكونين وانت ساجده فاقرب مايكون العبد لربه وهو ساجد كلميه فضفضي له ما راح يطفش منك ولا من كثر شكوتك بالعكس وما راح يوم من الأيام يتمنن عليكي او يمسك عليكي لحظة ضعف طلعتي فيها الي بقلبك عشان يستغلها لصالحه هذا ربنا الرحيم من وسعة رحمته السموات والأرض وما بينهما وهو الي بيده هالدنيا وما فيها ومن فيها توكلي عليه وشوفي اذا ما جبر بخاطرك وعطاكي ظنك لأنه قال انا عند حسن ظن عبدي بي :26:
!!zozo!! @zozo_4
محررة ماسية
يلزم عليك تسجيل الدخول أولًا لكتابة تعليق.
ام توليب
•
تسلم ايدينك ..كلااامك مثل البلسم ع الجرح ..
ربي ارزقنا جميعا ذرية طيبه مباااركه صااالحه...
ربي ارزقنا جميعا ذرية طيبه مباااركه صااالحه...
ربي ربي ربي هب لنا من لدنك ذريه طيبه انك سميع مجيب الدعاء وهب لاختي زوزو واختي الم وعشناه و اخواتي في قسم تاخر الحمل وجميع المسلمات المتلهفات للضنى وقر اعينهم برؤيه اطفالهم امامهم وهم بصحه وعافيه وستر منك ياكريم
دمعة امي
•
يااااااااااااااار ب يااكريم ياااااااارحيم ارزق اختي زوزو واختي الم وعشناه بالذرية الصالحة عاجلا غير آجل وارزقني وجميع اخواااااتي المتأخرااات بالحمل الثابت التام
ربي لا تذرني فردا وانت خير الوارثين
ربي لا تذرني فردا وانت خير الوارثين
الصفحة الأخيرة
انا كان زواجــــــــــــــــي بسبب الدعاء الحمدلله تخيلي اخترت عريسي ودعيت ربي واستجاب لي وكنت اقول لبنت خالي تدعيلي وكانت تضحك لأنه في نظرها مستحيل لأنه في بلد بعيــــــــــــــــــــــــــد وفرق السماء والارض بينا ..
لكــــــــــــــــــــــــن ربك اكبر من كل شي .... لاتيــــــــــــــــــــــأ سي ولايدخل الشك بقلبك ...
دعواتك أختــــــــــــــــــــي بأن يكون مافي رحمي ذكرا صالحــــــــــــــــــــا....