الى احلى أنوار وجميع العضوات الفاعلات بهالمنتدى مع التحيه.

السلام عليكم والرحمه ..أول شي أحب أشكر أحلى أنوار كل الشكر الجزيل على مساهمتها الفعاله بهالمنتدى ..لاني استفدت منها وايد واكيد غيري هم استفاد وايد من مشاركاتها ونصايحها ..الصراحه حبيت اقول لكم عن تجربتي مع هالمنتدى لي الحبيب لي خلاني صرت وحده ثانيه وغير فيني اشياء وايده..أنا مغربيه بس عايشه بالكويت وقبل ماكنت أعاني من شي ..لاكنت متزوجه ولاجسمي تعرض لعوامل التعريه بسبب الولاده ..والحمام المغربي مايقصر أروح له مره بالاسبوع مخلي جسمي شحلاته ..بعد ماتزوجت وجييت للكويت , انقلبت حياتي فوق حدر , وانعفس جسمي وصارت حالته كسيفه وصارت عندي خارطه بجسمي , البطن اسود وأعلى الكتفين أسمر معغ شوية حبوب مادري من وين اطلعوا ووجهي انترس حبوب, وانا هني غريبه ماعندي أحد ولاصديقات يعلموني أن في شي أقدر اسويه عشان يتعدل شكل جسمي شوي , والله اني كرهت نفسي .بالصدفه وانا قاعده أتعبث بهالسايتات طحت على المنتدى وعجبني اشلون البنات يفديون بعض وكل وحده تقول تجربتها , تالي دريت ان هاللي صار لي عادي , ويقدر يحوش أي وحده عبالي بس أنا ..ماعرف احد صار فيه لي صار فيني , رفيجاتي بالمغرب جسمهم يهبل ومايسوون شي , حتى امي لي بالاربعين ولاتعتني بجسمها غير الحمام المغربي مره بالاسبوع جسمها شحلوه ماشالله ولا جدتي جسمها كله لون واحد الا أنا صار فيني لي صار ..المهم ..قمت أجرب هالخلطات لي بالمنتدى والحمد لله استفدت وايد وايد جسمي صار لونه واحد , بطني صار أبيض حاله حال ويهي , كتوفي صارت صافيه ,بس انا ماثبت على خلطه وحده , كل ماشفت خلطه جديده وسهله وطبيعيه أجربها..أو شغله طبيه جربت وايد شغلات , والحين انا حامل وبشهري الثامن ووجسمي شحلوه لا سمار بالرقبه ولا بالبطن الحمد لله , وهذا بفضل العضوات الفاعلات لي مابخلوا بالشغلات لي يعرفونها , وأكثر شي مهبلني وكل ماشوفه أقول الحمد لله , اهو شعري , انا حملت ورا بعض , وشعري طاح وايد , وصلت جبهتي الين قمة راسي من كثر ماحت , وجربت شغله وحده وليما الحين مستمره عليها , زيت جدايل الي من عند عبد الصمد القرشي ..3 بطول أو قنينات تخلطينهم مع بعض , وأدلك فيهم شعري قبل الحمام بيوم , لا فيه لا ريحه , ونتايجه مشالله رهيبه , ومو غالي 9 دنانير بس .وبالنسبه للمكياج استفدت من احلى انوار وايد , قمت اعرف شنو أشتري , قبل , على عماها واقعد مده وانا محتاره .. بس الحين من نزلت احلى انوار شي رحت على طول سألت عنه وشريته والله ياأحلى انوار اني حبيتج من غير ماشوفج ولا انتي تدري عن هوى داري ,اتصدقين , كل ماأصلي أدعي لك بالذريه الصالحه , الله يرزقج انشالله .هذي قصتي واعذروني ان كنت طولت عليكم .وراح انزل موضوع يديد فيه أغلب الشغلات لي استفدت منها وهم لي ماستفدت .ومره ثانيه أكرر شكري لكل القائمين على هالمنتدى وللعضوات النشيطات فيه وعلى راسهم أحلى انوار .
شكرا ويعطيكم ألف عافيه :39: