الى اختي الغاليه دريم ابو ظبي ارجو الرد بانتظارك

مرحبا اختي الغاليه وحبيبتي

دريم ابو ظبي


الحقيقه انا من اشد المعجبات باسلوبج الراقي وروحج العاليه وأمانتج بالمواضيع اللي تطرحينها وعندي كامل الثقه فيج والله يشهد على هالشي

قرأت مواضيع كثيره لج موضوع زهقتوا من الكونسيلر وتحمست اطبق الطريقه


حبيت اسأل عن اوباجي قرأت كلامج عنه ولاتتخيلين سعادتي

والله يا دريم انا صابتني عين شوهت ظهري من عرس فحسيت بمعاناتج وليما الحين في آثار رغم العلاج والعنايه !

وحتى صدري عليه بقع بنيه تختفي وترجع بين فتره وفتره

والخاصره خطوط من آثار الملابس الداخليه

والحاله حاله خليها على الله

فما ادري من وين احصل اوباجي وهل ممكن استخدمه لجسمي والبيبي فيس للوجه والرقبه

والا غلط بغلط ؟؟

والا يمكن اسوي مثلج واستخدم الاوباجي بعدين البيبي فيس ... اللي عرفته ان اوباجي يصير عالوجه والجسم اما البيبي فيس عالرقبه والوجه بس

والا انا غلطانه ؟؟؟؟؟؟؟؟؟

ابي مشورتج ياعمري آمريني شسوي

بانتظار ردج بفااارغ الصبر

وعندي بعض الأسئله

1- ليمتي استخدم اوباجي ومن وين احصله من اي صيدليه ؟ والا ؟

2- النتيجه متى تبدأ تظهر

3- بخصوص الواقي عرفته بس حابه اعرف احط الواقي بعد اوباجي على طول والا انتظر ينشف وبعدين احطه ... ماعليج امر شرحي لي .. الواقي احطه بالليل والصبح ؟

4- بالفتره اللي اكون تحت العلاج اوباجي وبعده بستخدم البيبي فيس مثل ما انتي شرحتي هل ممكن اثناء الاستحمام استخدم خلطات طبيعيه والا ممنوع

هل ممكن استخدم مقشر اثناء الشور مثل مقشر لوريال او المشمش ؟

انا قرأت كل مواضيعج حبيبتي بس حابه اتأكد مادري محتاره اخاف اخربط وتصير نتيجه عكسيه والسبب جهلي لهالامور !!!

:( مادري شسوي اكيد راح تطول الفتره على ماتردين علي يمكن عندج ظروف بس الله يعلم نفسي اروح من بكره وابتدي العلاج

ويعطيج العافيه