الى الاخت ماهيتا

السلام عليكم ورحمة الله وبركاته
كيف حالك اخت ماهيتا ؟
آسف على تاخري عليك
مشكلتي هاي الايام مبلوش وشي
رح تكون الحلقة الخامسة سهلة جدا ومفيدة جدا للمراكز والمدارس والمساجد ..بس تابعي
وهاي اتوقع تكون آخر حلقة قبل ما اطلع عمرة آخر هذا الشهر باذن الله تعالى
اما بالنسبة للدروع
فكرة الفلين تبعت روعة الاخلاق ممتازة وبتسوي براحتك اشكال بلاوي وما بتبين كشكل اذا حطيتيلها الوان ومواد ... لكن انتو شغل المراكز هذا انا بعرفو راح يطلع روحكو العمل لانو جوائزكو وهداياكم كتيرة
انا خطرت ببالي مجموعة افكار
إنكو تجيبو خشب وانا بقصلكم اياه وبدهنو ..لوجه الله ما باخد عليه خدمة لكتاب الله.. انا بتعرفي مكاني في العمرية ..واتوقع الك صاحبة في العمرية
هيك الدرع الواحد يادووووووووووب يكلفكم دينار او اقل لكن مو اكتر ان شاء الله تعالى ..ولو بدكو تلفو الاردن كلها عشان تلاقو تكلفة زي هيك ما بتلاقو
الفكرة التانية
انزلي على البلد .. على طلعة الطلياني .. سوق مكتبات الجملة .. ازقيلي وغيرها .. في مكتبات بتبيع دروع وهدايا
في من بينها دروع صينية الصنع
بتكون خشب سولد وتشطيبو روعة وعليه اطار بلاستيك لكن مبين زي النحاس .. وبالنص فيها صور الكعبة او قبة الصخرة او لفظ الجلالة ..مجسمات .. شو بتساووا ؟ بتقبعو الصور المجسمة من الداخل وسهل تقبعوها لانها مثبتة بسيليكون خفيف ..وحطو ورقة داخلية باللون الي بتغربوا والعبارة الي بترغبوها وثبتوها بداخلها
كم ببيعوا هذا الدرع؟؟ فقط بثلاثة دنانير
عشان اقنعك فيه
شفت نفس فكرتي ( يعني نفس الدرع لكن بدل المجسم الداخلي عبارة عورقة مع سليكون اسود) شفتها عند الافغاني ب15 دينار .. والناس بتفكر انو الاطار نحاس
قلت سبحن الله كيف احيانا بالذات الشباب الي بيعملو في المدارس والمراكز غشيمين ..لو بيعرفوا حقيقة المواد ليفروا على حالهم بجوز نص ميزانية المراكز فقط بالهدايا...
انا رح اسافر خلال عشرة ايام ان شاء الله .. اذا بدك اشي قبل هيك احكيلي .. وانا جاهز ان شاء الله تعالى
واذا بدكو سيليكون اسود او مواد او اي شي انا جاهز بخدمكم بما استطيع ان شاء الله تعالى