الى الامهات المرضعات او اللي يرضعون طبيعي وصناعي ابيكم ضروري

باختصار انا صار لي 21 يوم والد وارضع طبيعي ولله الحمد بس مشكلتي حليبي احسه قليل يعني ارضع ولدي من هنا وينشف صدري من هنا مو زي يوم كنت ارضع بنتي فصار ولدي يرضع كل نص ساعه وهالشي اتعبني مررره .حاولت اخذ خلطات واكثر سوائل بدون فايده وولدي صاير عسر وماينام ولا يقعد الا بحضني ونا مشكلتي بغربه وماعندي من يساعدني فمحتاجه اشتغل بالبيت وغيره فموضوع الرضاعه ماخذ وقتي كله ..
المهم فكرت اعطيه رضعه ولا رضعتين صناعي عشان ينام واقدر اشتغل بالبيت وبرضو اعطي صدري مجال يمتلي..بس اللي مضيق صدري :44:ان مجرد التفكير بهالشي يحززني لاني مابي اترك الطبيعي لانه بزمنا هاذا ومع هالامراض خصوصا عندنا بالغربه ودي ارضعه طبيعي عشان المناعه وبرضو خايفه الخبط معدته او انه يكره صدري..
والله احترت مدري شسوي وساعات اقول طيب لو طلعت بره ولا شي شلون برضع طبيعي فالصناعي وراي راي ..
لا واللي يقهر لمن يجونك جاراتك يقولون حليبك مايكفيه حليبك قليل اعطيه صناعي وارتاحي والله مدري احترت يابنات ..
عاد انتوا عارفين نفاس وغربه وكابه =نفسيه دماااار ..
تكفون لاتبخلون على بالرد واعطوني تجاربكم وجزاكم الله عني كل خير..