الى الان مافهمت زوجي بقولكم عنه يمكن تفهمونه

السلام عليكم .........




اذا جلسنا مع بعض ساكت مايحكي ولا يسولف في اي شيء ......
واذا سولف وش تكون سوالفه تعليقات علي حتى قدام عيالي .... يعلق على شكلي او على حركاتي او على كلمه قلتها او تصرف سويتة.... طبعا بانتقاد شديد... ويتضحك ويستخف فيني ... لدرجة بديت افقد الثقة في نفسي بدون مااحس وعيالي بدو مايحترموني ...مع ان الي ينتقد علي شيء عادي وطبيعي جدا ...
دائما يقلل من شاني .....
اي شيء اقولة هو ضدي ...حتى لو هو مقتنع انة صح ....
اي شيء اقترحة ويصير غلط يلومني بينما لو ينجح مايمدح بالعكس ينتقد ....
يتعمد الاهانة قدام الاخرين ... اهلة واهلي ....... ينفخ لي او يهزء .... استعراض ....
كل يومة انا احسن منك انا ابيض منك ... انا وانا وانا ....

مع ان الي يقوالة كله غلط العكس صحيح بس ماارد ... اقول يمكن يمل .....

كاني في حرب كلاميه معه من الي ينتصر ......

يدخل مبوز ومايتنزل يقول السلام عليكم ...... يعتبرها اهانة ...... ولو انا اساله عن شيء او اكلمة مايرد علي يعتبرها اهانة انة يرد علي يمكن يرد علي بعد مااكرر السوال للمرة الالف يرد من طرف خشمة باية او لا ويالله تنسمع بعد ... طبعا مااياله الا عن الاشياء الضرورية ...... وفية اشياء ماادري عنها الا من الناس ......اذا كنا جالسين عند تلفزيون وعلقت على شيء في التلفزيون وكلامي صح ... مايهون علية اني قلت شيء صح ... يتريق ويضحك بسخرية قدام العيال ...... ويقول انتي جاهلة ماتعرفين شيء وغبيه و و و .....

طبعا الكلام الحلو والمدح هذا مااحلم به بس ابي يكف شرة عني .......

وطبعا دايما يستهزء بعايلتي مع انها نفس مستوى عايلتة مافية فرق ... بس هو يقول اساسا احنا كنا وكنا من زمان ..... وهم ولا شيء .......وهم ......


والله طفشت وصلت معي ...... لانة دايما وانا اذا عند احد يتصل ويصرخ بصوت عالي .... يله ارجعي متى بتطلعين واذا عند الباب يصرخ اطلعي ولا بروح واخليك ..... ياما فشلني ......

ولو ازعل ولا اكلمه وامد بوزي ماتفرق معه لانة اصلا اخرس ماحيفرق معه كلامي من زعلي .......

ولو طلعنا سوق ....... من ادخل السوق الى اطلع تريقة وانتقاد ......

مثلا دخلنا محل ...... ومشيت اتفرج ...... يقولي وشذا المشية ........ مثلا جاء رجال وراي وانا امشي والشخص الي وراي مسرع ...... المفروض انة ينتظر لين انا امشي لانة هو جاي وراي ..... لا هو يهزئني قدامه يقولي وخري وخري عنة ........ ويكملها علي في السيارة كنك بقرة الرجال وراك وماتمشين ...... ينتقد لمجرد الانتقاد .....

رحت من جهة وهو من جهة لا لاتروحين ....... ليش تروحين خليك وراي .......
على فكرة في الاسواق مايمشي معي ... لازم قدامي وانا وراه ......... لو اجي جنبة قال ارجي ورا ....... ولو اكلم راعي المحل اقول بكم ...... ياويلي انا الغيت شخصيتة ...... يطلع وجهة اسود ...... صرت في السوق مرة مهزوزة اخاف ....

واذا قلت شيء ولا دافعت عن نفسي على طول الضرب ..... شد شعر ... صفقه ... رجفه ......

مليت مليت ....... قلت خلاص وشولة اجلس معه ........ صار اذا جاء وقت النوم راح لسرير اخذ ولدي عمرة سنة ونروح غرفة الجلوس .... لاني لو بجلس ماحاسمع غير الكلام السم... وبصراحة ارتحت شوي ... لاحظ اني ماابي اجلس معه ...... قالي الخميس تعالي لا تطلعين بنسولف ..... قلت وش بتسولف فية ماعندك الا السب والاهانة ..... ماتسولف زي الناس الطبيعيين ..... وبتقعد تمدح في نفسك وانا وانا .... وماابي اجلس معاك ...

قالي انا لازم اكسر خشمك وبعرس عليك واذا قالو ليش بقول علشان اكسر خشمها ..... هههه قلت الحمد الله انه في شهود على الاهانات والسب .....من اهلك واهلي ...... عصب مرة وسكت .... الصباح رجفني على رجلي الساعة 8 قالي قومي اطلعي اشتغلي لاتنامين مع انة عارف ان ولدة مسهرني .....

طنشتة وطلعت نمت في مكان ثاني جا كب الموية على وجهي وقالي لاتنامين ...... حسد ونجاسة ... وكنت لو برد عليه بيجيني ضرب ينتظرني اتكلم ......


تكفون وش اسوي معه ...... اسلوبة زفت .....

وعلى فكرة تو ولدي جاء وجايب 4 في الرياضيات ..... وبقولكم وش بيسوي مقدما بيمسكني ويهزئني ويسبي واذا رديت بتوصل لمدة اليد والولد بيقعد يتفرج على التلفزيون ولا يقولة ولا كلمة .. وهو مهب مسؤل انا المسؤلة فقط ...... حسبي الله علية وعيشني في رعب ... الواحد يضطر للكذب علشان يفتك منة ...