الى الخبيرات بالاعشاب وخلطات التنحيف

السلام عليكم
يعطيكم العافية يا اخواتي الحبيبات
ممكن سؤال ما عليكم امر

امس كنت رايحة للعطار اشتري خلطة ام سلطان (اكليل الجبل-الميرامية-البابونج)
قالي العطار انتي تبينهم للتنحيف قلت اي قال انه عنده خلطة زيادة على السابق حبة حلوة وبذرة الكتان وشي اعتقد اسمه العشرج
وقالي انها مفيده جدا
المهم يا حبيباتي سؤالي هو ما فيه اي خطر لو خلطت كل هذي الاعشاب ؟ يعني اخاف فيه نوع ما يمشي مع اخر
لانه كل نوع من هالاعشاب داخل بخلطة للتنحيف،، لكن هو جامع كل اللي ينحف مع بعض :)
يا ريت تفيدوني عشان اجربها علما بانه قالي اشربها مرتين في اليوم ..
واللي تعرف شنهو العشرج (اعتقد انه اسمه كذا) تقولي لاني اول مرة اسمع فيه
اي وانا ارضع هل تنفع معاي هالخلطات ؟ :(


والله يجزي الجنه كل من ترد علي باجابة شافية :)