الى الذواقات في المنتدى

بسم الله الرحمن الرحيم

كيفكم ياحلوين ؟؟والله زمان عنكم من جد اشتقتلكم مررررررررررررررره..
المهم ندخل بالموضوع على طول ..

اختي ساكنه في بيت جديد وقالتلي ابغاك تبحثين لي عن محلات أثاث حلوه وبأسعار معقوله
انا على طول قلت مافيه الا بنات حواء راعيات فزعات الله لايحرمنا من بعض
انا ابغى يابنات محلات بالرياض والخبر تبيع اثاث ماابغى المحلات المشهوره (العبد اللطيف وأدفن وايكيا) هذي كلها معروفه ابغى محلات جديده وحلوه وأثاثها يكون حركات..

غير كذا انا صراحه مااعرف بالتأثيث وأختي معتمده على الله ثم علي أبحثلها بالنت والمنتديات علشان كذا تكفون يابنات علموني وش آخر شي في الوان المجالس وغرف الأطفال وصالة الطعام والمطابخ والمداخل ..
ياليت الي تقدر تحط صور مجالس ومطابخ اهم شيييييييييييي او مواقع حلوه للديكورات تحطها

تكفون يابنات الله ينولكم الي في بالكم لاتفشلوني ردوا لو في شي بسيط انا مادخلت هالقسم الا لما شفت التعاون الي بينكم ماشاء الله عليكم ..
انتظر ردودكم...