الى الطباخات الماهرات عندي مشكلة !

وعليكم السلام

ماوضحتي لنا طريقتك كيف سويتيها وكم درجة حرارة الفرن وكم دقيقه بقت بالفرن عشان نعرف الخطاء بالضبط وين



عموماً خذيها قاعده اذا جيتي تعملين كيك او مخبوزات ومعجنات بالفرن

- ضروري يتم تسخين الفرن قبل الاستخدام على الاقل لمدة 5 دقايق على درجة حراره عاليه مايقارب 250 إلى 200 درجة مئويه .. يعني شغلي الفرن يسخن ثم روحي اخفقي الكيك .

- اذا دخلتي صينية الكيك او البسبوسه بالفرن ممنوع تفتحين باب الفرن قبل مرور 25 دقيقه لانك اذا فتحتي الفرن اثناء الطبخ يدخل هواء بارد ويتوقف عملية الخبز ويهبط الكيك ويصير معجن .

- اذا دخلتي الكيك بالفرن اضبطي الرف على اللي قبل الاخير بحيث ماتكون صينية الكيك ملاصقه للنار وتحترق .

- اذا دخلتي الكيك بالفرن وقفلتي الباب انتظري دقيقتين ثم اضبطي درجة الحرارة على 180 درجة مئويه .

- وعشان ينفش معك الكيك والمعجنات والبسبوسه وما يعجن اضيفي للطحين ملعقه كبيره ممسوحه بيكنج باودر .

طريقة كيكة التمر



1 كاس تمر منزوع النوى + 1 كاس مويه ساخنه

اضيفيهم مع بعض واتركيه 5 دقايق الى ان يصير فاتر او بارد

ثم حطي خليط التمر والمويه بالخلاط الكهربائي عشان يفرم التمر

واضيفي له بيالة او فنجان زيت + نص كاس سكر + 2 بيض + نص كاس مويه + ملعقه صغيره فانيلا + ربع ملعقه صغيره ملح + نص ملعقه صغيره قرفه مطحونه واخفقيهم مع بعض .
ثم على جنب اخلطي مع بعض 2 كاس طحين + 1 ملعقه كبيره بيكنج باودر

واخفقيهم مع الخليط السابق واذا احتاج مويه اضيفي له شوي .

ادهني قالب الكيك بزيت ورشيه بطحين خفيف عشان ما يلصق

وصبي خليط الكيك بالقالب ودخليه الفرن المسخن مسبقاً على درجة 180 مئويه نار من الاسفل واتركيه بالفرن حوالي 25 إلى 35 دقيقه ثم حطيه على النار اللي فوق دقيقتين يشقر .

ثم قدميه مع صوص كراميل ومكسرات او حسب ذوقك .

يا عمري يا عواطف تركي مشكوره مره