الى العضوة golden aye

الله يرزقك بالحمل السليم التام عاجلا غير اجل وكل من تتمنى

رفع


اللهم نسألك تيسيراً ليس بعده عسر...

رفع
الله يرزقك و يرزق جميع المتاخرات

عزيزتي هذا هي قصتها الله يتمم عليها حملها ويقومها بسلامه ،،،،،
&&&&&&&&&&&&&&&&&&&&&&&&&&&



بسم الله الرحمن الرحيم ،،
ما شاء الله تبارك الله أنا حامل بعد عشر سنين ، الحمدلله ملئ السموات و الأرض
انا كان عندي تكيسات مرة مرة شديدة ، اتعالجت كأي وحدة كلوميد و ابر تفجير و طبعا ما نفعت و بعدين ابر منشطة و ابر تفجير برضه ما استفدت ،،، وقفت فترة تلات سنين و بعدين رجعت لنفس الموال للمنشطات ،،، و زي اي وحدة صرت ادور شغلات طبيعية في النت لتنشيط المبايض ،، طبعا زاد التكيس و صارت الدورة تنزل كتير و بعدها صرت في موال جديد ارتفع هرمون الحليب طبعا الخلطات حقت العسل و خلطات لقاح النخل و البردقوش و الميريميه شغلات كتيرة و بعد التعب قررت اترك كل شي و بس اجلس على الادوية الاساسية الجلوكوفاج 1000 للتكيس و حبوب هرمون الحليب الدوبرجين و حمض الفوليك احيانا اخذه و احيانا اطنش الفوليك ،، استمريت عليهم لين كملت تسع سنين زواج ،،، و رغم كده الدورة ملخبطة عندي مرة ،،، و فجأة قطع الدوبرجين من الصيدليات ووقفتها و هذا دواء لهرمون الحليب ،،، و في السنة التاسعة من زواجي قررنا انا و زوجي نروح نعمل حقن مجهري و ربنا كريم ،، اخترنا الدكتور عثمان سندي في صحة المراة ، رحت عنده قلي. يا بنتي وزنك زايد شوية و هذا الشي راح يأثر على نسبة نجاح العمليه ، استغربت من كلامه لاني مو دبية ، يعني مليانة شوية ما عندي كرش ، عندي طبقة من الصرة و تحتها بس مو كبيرة يعني بالضبط فوق المبايض ، و طولي كويس و اللي يشوفني ما يقولي علي دبية ، طولي 162 ووزني 76 ، المهم اتوكلنا على الله و بدينا العلاج و البويضات طلعت اربع بويضات درجة اولى ، و زوجي الحمدلله سليم ،، و صار الحقن و قلي الدكتور كل شي عندك ما شاء الله فوق الممتاز ، بعد اسبوع من العملية نزل الدم و انتهى الحلم ، بعد شهرين رحت له تاني عشان يشوف لي حل على الاقل في الدورة نازلة كل شوية ،،، من هنا يا بنات بدأت قصتي ،، رحت عنده مرة تانية بعد فشل العمليه دخلت العيادة قلي يا بنتي انا دكتور ، اقدر اعطيك ادوية و اقولك نعيد العمليه و ان شاء الله تحملي بس لو قلت لك كده راح اكذب عليك ، فتح الملف حقي و قلي شوفي التقرير و قلي كلمة بالانجليزي مكتوبة في تقريري و قلي تعرفي ايش معناه ، معناه عندك تكيس شديد مرة تكيس مغطي على مبايضك ،،، قلي علاجك بعد ربنا مو عندي و لا عند اكبر دكتور ، علاجك انتي وحدك تقدري عليه ، وزنك نزليه و امشي امشي امشي و ان شاء الله تحملي بدون ما تحتاجي لاي دكتور و قلي انا ادري انه صعب بس بعد ارادة ربنا هذا الحل ،،، و هذا اليوم جيت لوحدي مع السواق لانى كنت جاية اخليه يكتب لي دواء لتنظيم الدورة مو كشف ،، فطلعت من عنده منهااارة و طول الطريق ابكي تحت الغطوة لين وصلت البيت ،، جلست لوحدي و قررت اغير من حياتي و اكلي و اتوكلت على الله و فكرت في كلام الدكتور و انه كلامه صح ليش ادور علاج طيب اعالج الخلل اولا و هي التكيسات ، و جلست مع زوجي و قلت له قررت انزل وزني و لازم تساعدني ، طبعا البداية صعبة ،،، قررت في البداية استعين بأي دواء ما يضرني فجبت من الصيدلية زينكال ، اخذ حبة وقت الفطور و حبة بعد الغدا ، اكلي زي ما هو نفس الاكل حق البيت بس بكميات قليلة اشبع اقوم ، السكر استبدلته بسكر الرجيم ،، الحلويات ممنوعة و الخرابيط شيبس و شوكولاتات بيبسي كله ممنوع ،، العشاء اوقف اكل لين اليوم التاني ، و الاهم من كل شي و اللي وصاني في الدكتور المشي ثم المشي ثم المشي بديت رمضان اللي فات التخفيف و المشي ، اليوم الوحيد اللي اكل فيه من برة الجمعة و الجمعة و السبت ما في مشي ،، فيه فترات وقفت فيها الرجيم سافرت شهر بس اخذ الزينكال و كنت امشي في السفر ، بس الاكل عادي و في المناسبات اكل عادي بس مو اكتر ،، و طبعا احيانا الواحد يشتهي شوكلاتات و الخرابيط اشتريها و اكلها بس فين وفين مو زي اول يوميا ، المهم عدت الايام لين جماد التاني اللي فات الكل صار يسألني كيف نحفتي ، و جسمك احلو ، نزلت يا بنات 15 كيلو و الاحلى بدون حرمان من اكل البيت ،،، و الزينكال وقفته بعد اربع اشهر و ساعدني كتير بس عيبه ينزل زيوت كتيرة و يبهدل الملابس بس في البداية و مع الايام يخف و ينزل كمان وقت ما تأكلي وجبة فيها دهون ،،، و طبعا فرحت كتير بوزني الجديد ، وزعت ملابسي القديمة و اشتريت مقاسات جديدة ،، غيرت من شكلي و لون شعري ، و رحت سويت تحليل لهرمون الحليب ، الحمدلله الهرمون طبيعي ، فرحت مرة ،،، و المشي صرت امشي يوميا ستة كيلو ،،، و اشرب موية لتر او اكتر في اليوم ، الدورة انتظمت نوعا ما احسن من الاول ، لسه كنت مستمرة على الجلوكوفاج ، طبعا كالعادة ادخل قسم تااخر الحمل و اشوف موضوع لوحدة من الاخوات و ربي و ربي انو في شي شدني لموضوعها يمكن اشارة من ربنا ، كانت كاتبة انه عندها عشبة قديمة يستخدموها اجدادها للعلاج و حاطة رقمها ، حطيت الموضوع في المفضلة و جلست فترة و رحت كتبت رقمها في جوجل و طلع عندها صفحة في الانستقرام ، مدري لما فتحت الانستقرام ، لقيت صورتها بس يدها مو مبين شكلها ماسكة العشبة تقطف بنفسها مدري حسيت براحة، صح غريبة انا من النوع اللي ما اشتري من النت ابدا ابدا و لا افكر ابدا ابدا ، بس قلت لزوجي قلي ايش رايك تستخدميها ، ، اتواصلت معاها في الواتس و قالت لي هي عبارة عن عشبتين وحدة عشبة المدينة اكيد الكل يعرفها و التانية هي حقت الحمل بس سرها اكيد ما راح تقولي ايش اسم العشبة ، قلت لها بكم قالت العلبتين بخمس مية تكفيك تلات شهور ، كانت باقية على دورتي تلات ايام و تنزل ، فقلت لها خلاص ارسلي حسابك و بحول لك ، و ارسلت الحساب و حولت ، تاني يوم ارسلت العشبة ووصلتني تاني يوم دورتي ،، و هي قالت لي من رابع يوم الدورة تأخذي من عشبة المدينة نص ملعقة صغيرة و العشبة التانية ملعقة كبيرة ،،، طبعا انا كنت اخلطها بفنجان صغير مرة حليب عشان الطعم ،،، الطعم مقبول بس بالحليب اهون ،، بس انا بديت تالت يوم مو زي ما قالت لي رابع يوم ، اخذتها و خلصت الدورة و اتروشت و صار جماع يومين ، و بعدها اتفأجا نزلت الدورة تاني بس لونها غريب و جاتني ضيقة مرة ، قلت يعني ما استفدت من العشبة و هذه الدورة اللي جاتني بعد كم يوم ما اخذت العشبة بس نزلت ايام كتيرة و قلت شكلها ما راح توقف و دم فيه ريحة الله يكرمكم و الام قوية في مبايضي و صدري ،،، المهم فترة ووقفت ، و اتروشت و الحمدلله الدورة نزلت المرة اللي بعدها بعد شهر بالضبط و ربي اول مرة تصير لي ، الدورة جات بعد 30 يوم ،،، و اول مرة احس بألم التبويض و لما نزلت الدورة اخذت العشبة يعني هذه تاني مرة ،،، المهم قبل موعد دورتي التانية بعشر ايام تقريبا ، جاني الام زي الام الدورة و نزل دم خفيف ليومين و نفس اليوم صار جماع اكتر من تلات مرات ، فقلت يمكن من عدد الجماع ، ، بس بعد يومين راح الالم و الدم و جات موعد الدورة و عدت 23 يوم ، صدري كبر و صار يعورني ، اتضايق لما زوجي يلمس صدري ، شكيت اني حاامل ، ووقفت المشي ،، اشتريت تحليل البول ، و طلعت النتيجة سالبة ما في حمل ، و رحت للدكتورة تنزل لي الدورة ، كشفت بالترا ساوند قالت ما في حمل و اعطتني دواء ينزل الدورة اخذها خمس ايام و قالت بعد خمسة ايام تنزل الدورة ، بس احساس يقولي يا بنت انت حاامل و قلت لزوجي ، الدكتور تقول اللي تقوله انا حامل ، قلي انتي تعرفي اكتر من التراساوند ، خلاص وكلي امرك بالله و ربنا كريم ، اخذت لحبوب و هذه الفترة نفسيتي دمااار و احنا في رمضان و مخنوقه و كل يوم كنت ابكي قبا انام ، و رجعت للمشي و امشي يوميا ستة كيلو و انزل و اطلع الدرج ، لين خلص الدوا و عدت عشر ايام ، رجع الشك لقلبي هههه ، رحت للدكتورة تاني قالت نعمل تحليل حمل دم ، الممرضة قالت ربع ساعة النتيجة ، انا جالسة على اعصابي و الدموع امسحها ما ابغى زوجي يشوفني ،، و ما عدت خمس دقايق الا تجي الممرضة تقول حااامل و امسكعا و احضنها و اللي في المعمل يصفقو ههه حركات لا شعوريا طلعت مني و الممرضة اعطيتها فلوس لاتها كانت تدعي لي و هي تأخذ عينة الدم ،،، و الحمدلله ربي اعطاني احلى هدية في الشهر الكريم ، بديت المشي و تخفيف الاكل و الجلوكوفاج من رمضان اللي فات و هذا رمضان ربي رزقني من فضله ،،، طبعا اول شي الفضل كله لله وحده هو اعطاني من فضله و تاني شي الباقي اللي هو التخفيف و المشي و شرب الموية اهم الاسباب اللي شالت التكيس ، العشبة يمكن عامل خلت البويضة تكبر او مجرد صدفة ، الله اعلم ، اي وحدةفي تكيسات تتوكل على ربنا تخفف من الاكل و تمشي كل يوم ، بديت بكيلوين لين صرت امشي ستة كيلو ، انا كنت امشي في الشارع لاني ما احب السير مرة ،،، توكلو على الله و الموضوع حقت العشبة اسمه علاج للحمل عن خبرة قديمة ، ضيعت الموضوع بس اكتبو نفس العنوان في جوجل بتطلع لكم في اكتر من منتدى اخر رقم جوالها 074 ، عندي رقمها في جوالي بس اخاف اكتبه يمسحوه المشرفات ، مع انه موضوع جلس كم يوم و اختفى ،
، و لا تنسو تصلو على حبيبكم و شفيعكم محمد صلى الله عليه و سلم ،،

اللهم صل وسلم عليه


رَبِّ لاَ تَذَرْنِي فَرْدًا وَأَنتَ خَيْرُ الْوَارِثِينَ
لا إِلَهَ إِلا أَنتَ سُبْحَانَكَ إِنِّي كُنتُ مِنَ الظَّالِمِينَ
رَبِّ اجْعَلْنِي مُقِيمَ الصَّلاَةِ وَمِن ذُرِّيَّتِي رَبَّنَا وَتَقَبَّلْ دُعَاء
رَبِّ هَبْ لِي مِن لَّدُنْكَ ذُرِّيَّةً طَيِّبَةً إِنَّكَ سَمِيعُ الدُّعَاء .. اللهم امين