الى العضوه صاحبة احلى دلة قهوه

ياعمري يا منى الله يسعدك ويوفقك يارب
انا اطل واروح لكن ما كنت اقدر اكتب لان نفسيتي ها اليومين سيئه والسبب بعد ما قربت رجعتنا وفرحانه بالاستقرار اللي كنت استناه من سنوات وكل مره اقرب منه ارجع وابعد خطوات بداية من اول غربه وفي نهايتها وفرحانه بالرجعه الاقي زوجي يقول انه بيبتعث للماجستير بعد اقل من سنه واختفى الحلم وسافر والحين على نهاية الماجستير قال باقي ماده وبياخذها في الصيف وبتتاخر الرجعه 3 اشهر وقلت معليش الحمدالله 3 اشهر ونستقر وقبل كم يوم جته مكالمه من رئيس عمله في السعوديه يقول ان تم نقله من الرياض للشرقيه لان الظهران محتاجين لتخصصه خصوصا بعد الماجستير وها الخبر حطمني انا فرحانه لزوجي لكن مشكله بالنسبه لي كيف اترك الرياض وابعد عن اهلي؟ طيب ووضيفتي مستحيل انقلها لان اساسا مو موجوده خارج الرياض؟ والادهى والامر انه يقول بيحاول تكون فتره مؤقته وبيرجع لكن ما يضمن والحل ان اول سنه يروح لوحده وانا اجلس في الرياض لحد ما تتضح الامور يعني رجعنا لعدم الاستقرار الى اشعار اخر:(

معليش منى طولت عليك لكن انتي جبتي لنفسك:42: :26:

وهذا احلى فنجان قهوه لك

معليش ياحمالة الاسية الله يكون بعونك وانشالله يتراجع عن قرارة ويقعد بالرياض يارب والله ضاق صدري عليك ياقلبي ......

اهلا حموله
الخيره في ما اختاره الله
وعسى ان تكرهوا شئ وهو خير لكم
هونيها بتهون ويعني انت نازله نكد ونق على حالك من الان
انت ما بتعرفي انه انتظار المصيبه اصعب من وقعها الله يبعد عنك وعننا وعن جميع خلقه المصايب
وشكر على فنجان القهوه:icon28:

الله يعينك يا حمالة الاسية .. ويكتب لكم اللي فيه الخير .. اللهم امين

الله يعينك ياحمالة لف راسي يوم قريت اجل انتى وش تسوين بس كله يهون دام الواحد في ديرته والمشوار من الظهران لرياض مهوب شي وسعي صدرك ياشيخه