الى الغاليات اللي ببريطانيا سؤال سياحي

وعليكم السلام ورحمة الله
هلا اختي القصيمية السنعة
عدريني على المداخلة لاني ماني من بنات بريطانيا لكن لي خبرة بسيطة توديني وين ما ابي
شوفي حبيبتي انا ما أدري انت وين في بريطانيا بس عندك اسهل الطرق الطائرة طبعا اريح واسرع
فيه بعد القطار حتي لو كان طويل بس متعة , ادا كان معاك اطفال بصراحة مو متعة لان الاطفال بالمسافات الطويلة لا يحتملون
googleبالنسبة للفنادق ادخلي على اي محرك بحث مثلا
Hotels Genèveوكتبي
Hotels Berne
المهم تطلعين قائمة الفنادق بالمدينة الي تبين, من خلال بحثك تحاولين تعرفين وين السنتر وين الاماكن الي تحبين تروحين لها وهكدا.... البحث يطلعلك شغلات ما لها اول ولا تالي
ادا فيه اي استفسار انا حاضرة وان شاء الله اكون فدتك بشئ
موفقه حبيبتي ورحلة ممتعة ان شاء الله

انا يمكن ما اقدر افيدك كثير..
لأن ما صار لي كثير اختي بالبلد هنا
بس سألت زوجي بأي طرية افضل السفر قال الطائرة اسرع و اسهل..
و سامحيني التفاصيل ما افدتك فيها
و سفرة سعيدة

هلا والله بالقصمان
وانا اقول وراه المنتدى صاااااااااااار يلق لق

اثر القصمان مسيرين علينا

شوفي تراي داخلة اقولك لك
كانك مررررة ملزمة تروحين سويسرا
مريني عشان اكون لك مرشد سياحي وباللهجة القصيمية<<<ترى ماعندي ماعند جدتي
ولا عمري طبيتها بس لي خويه سويسرية ابجيبها معي محرم كخخخخخخخخخ
وابسالها وهي تعلمني وانا اشرح لك بالقصيمي هاه وش قلتي؟؟؟

يعني خوذي حسابك لاربع انفار زيادة
دختوري طبعا مايصير نخليه بلحاله والا وش رايك يابعدي وعشان يوسع صدر ابوكم بالرحلة
ووليدي طبعا عشان ماعندي احد اخليه عنده
والسويسرية خويتي طبعا مربط الفرس بس ترى بنعصب عيون رجاجيلنا
وطبعا المحروسة انا؟؟؟؟

اذا عجبتك الخطة ابشري باللي يوسع صدرك
ههههههههههههههههههههههههههههههه

قولي ابي السلامة هالمرة

على الطاير

سويت بحث >>تكفين لاتقولين وش هاللقافة ؟؟؟<<<وقريت اغلب ردودك واحببت ان اقولك
احبك في الله

وزي ماقالت غدو اين كنت عنا؟؟؟فنحن في قحط شديد لامثالك غاليتي

اختي تراث تسلمين على رايك وبالنسبه للقطار ماظنيت وهالمبزره معي

اختي ابيسه
ياخزياه ابوكم درا عن سالفتي وه بس

حرم الدختور قصدي الدكتور
وش قالولتس قاعده على بنك HSBC ( على وزن قاعده على بنك الراجحي )
ولا وبعد بارتن بابوكم وولدتس
وجارتكم اللي ايقاله مرشد
وانتي مترجمه لا عز الله صارت السفره خرخر
الا وش رايتس تصير السفره على حسابكم ونصير حنا اللي اقترحنا السفره وبرينا بكم
وبعدين على موضوع اللقافه
ماتصيرن مره اذا مااشرفتي
حريّم لازم الاشراف عسى بس نمتي عقب ماشرفتي
(من النوع اللي ماتنام اذا خبرت سالفه ولاعرفت تفاصيله)
على العموم تشرفنا
بس الله يعافيتس المره الثانيه لادخلتي على موضوع اطلعي وانتي مقدمه فايده
هههههههههههههههههههههههههههههه
يله في امان الله