الى الغير سعوديات المجهولات ومخالفات للاقامه هنا اخذ بيدكم واساعدكم

الْسَلآْإم عَلْيُكّمٌ وٍرٍحَمُةّ الله وٍبُرٍكآإتُهْ 

اخواتي الغير سعوديات اللي ماعندها اقامه (مجهوله)او هاربه من الكفيل او منتهيه زيارتها او جات عن طريق العمره والحج وجلست بالسعودية ،،

حابه اساعدكم واقولكم الملك عبدالله طول الله عمره وجزاه الله خير أعطى مهله 3 شهور لتصحيح الاوضاع وارجو منكم الاستفاده منها وعدم الخوف ،،
يتصحح وضعك بدون سجن وبدون عقاب وبدون البصمه وحطوا تحت البصمه ثلاث خطوط 

اولآ توجهي للسفاره التابعه لدولتك واطلبي منهم وثيقة سفر  وخلي معاك ورقة الزياره المنتهيه او الاقامه المنتهيه او  صورة جوازك  ،، 

ثانيا تاخذين الوثيقه وتروحين الجوازات تعطيهم وراح يعطونك تأشيرة خروج وراح تطلع خلال يوم او يومين بالكثير اذا مافيه زحمه ..


ثالثا خذي تأشيرة الخروج وروحي المطار واقطعي تذكره لبلدك وبكذا يكون خروجك نهائي  مع السماح بالعوده لك بتأشيره جديده ..


واذا ماعندك حق التذكره روحي الترحيل ومن هناك رحلات اسبوعيه مجانيه لدولتك ،،

حبيت ابلغكم هالكلام لان فيه كثير ما يدرون عنه والخوف مسيطر عليهم والاجرائات الحمدلله ميسره والجهل عدو الانسان،،

وانتهزوا فرصة ثلاثه شهور ولا تسمعون في الاشاعات اللي تقول مددوا الثلاثه شهور ،،


عندي رجاء خاص اللي يفيدها كلامي أرجوك ادعيلي دعوه من قلبك بظهر الغيب تفرحني يوم لاينفع مال ولا بنون واللهم صـل وسلم على نبينا محمد