الى الفاشلات بالكيك عندي طريقه اتحداكم تفشلوا فيها وطعمها جنااان

انا كنت افشل وحده تسوي كيك بس لقيت طريقه تجنن اعطتنيها صديقتي ومن يومها وانا اضبطها وكمان طعمها روووووعه وطريه وصدقوني ماراح تفشل معكم ابد..

لاني حاسه بمعاناتكم وبالاحباطات اللي مريتوا فيها راح اكتبها وهي,,,

تخلطي بالخلاط الكيك او البلندر كاس المولينكس 3بيضات مع فانيليا لمدة 8دقايق

وبعدين اظيفي نص كوب سكر واستمري بالخفق لمدة 5 دقايق ,,

واضيفي فوق الخليط 3 بيالات شاي زيت عافيه واستمري بالخلط لمدة 3 دقايق وبعدين

احضري كوب طحين ابيض عادي مع 2 م صغيره بيكنج بودر مليانه .. وتخلطيهم مع بعض وتضيفيهم فوق الخليط السابق بس على سرعه بطيئه لازم

واخر شي اضيفي 2 بيالة شاي حليب نستله المركز وخلاص صبيه بالصينيه ودخليه الفرن

وفي اضافه اذا تحبون هالخلطه على الوجه قبل ماتدخلونه الفرن وهي

تقطعي التفاح مكعبات وسط وتسلقيها بشوية مويه وبيالة شاي سكر مع ملعقه صغيره قرفه لمدة 8 دقايق او حتى يستوي التفاح

من غير مبالغه جداااااااا لذيذه طعم هالكيكه وسهله وراح تضبط معاكم من اول مره

وحاولوا تحطو الكيكه بصينية المافن اللي تجي كذا حبه بصينيه وحده وبقلب كل حبه ورق المافن وفوقها التفاح تطلع رهيبه

ادري طولت عليكم بس علشان تعرفوا كل شي ,,

بس مو تنسوا ادعوا ان الله يستر على عيالي ,, والله يوفقكم