اخباركم ياحوائيات ان شاء الله انكم بخير وبصحه وعافيه
حبيت اقولكم راح اغيب عنكم فتره محدوده عشان اختباراتي قربت
انا خريجة حاسب من ست سنوات وحاليا ادرس ادارة اعمال عن بعد
والحمد الله انه جاني اعفاء من الرسوم من الضمان وخلص مابقى شي قربت اختباراتي
لكن والله اني شايله همها واحس فقدت احساس روح الحماس والطموح ماني مثل قبل كان لي نفس بالمذاكره للاسف فقدت هالاحساس .وبالغصب مع نفسي اشجعها واغصبها على المذاكره
تجيني افكار شيطانيه تحطمني ليش تذاكرين وانسحبي واتركي عنك الدراسه مامنها مستقبل
ومصيرك تقعدين سنوات طويله بدون وظيفه واقوم اتعوذ من الشيطان واكمل مذاكره
ياحبيباتي ابيكم تدعولي تكفون ادعولي ان الله يفرج همومي ويشفي لي والدتي ويرحم والدي
ويدخله فسيح جناته وانه يوفقنا دنيا واخره ولاتنسين انه في ملك يقول لك ولك بالمثل
و اذا زعلت وحده منكن او اخطئت بحقها اتمنى اتمنى منها انها تسامحني وتحللني
والله اني احبكم كلكم حتى لو اختلفت معكن ببعض وجهات النظر
مهما كان حنا اخوات ومايفرقنا احد عن بعض والله يسامحنا ويغفرلنا ذنوبنا جميعا
ويكفيني شرف ان عرفت هنا عضوات محترمات خلوقات فيهن من الطيبه وزينة العقل والحكمه
قضيت معهن اجمل الايام واستفدت منهن الكثير وتعلمت منهن كل اللي يفيدني بحياتي
ومازلت بحاجه الى المزيد من علمهن وحكمتهن
لهن مني كل الشكر والتقدير ولو انه قليل بحقهن كلمة الشكر
ماراح انساهن من دعواتي الطيبه بظهر الغيب
