اهم شي اوراق البيبي تخلص

او انك تطلعين له جواز سفر مؤقت من الملحقية

طبعا بعد ماتطلع شهادة الميلاد

الله يسهل لك ولادتك يارب وترجعين لاهلك بالسلامه
انا مرره حاسه بالي تحسين فيه
ولا تشيلي هم ابدااا
عادي تقدري بعد اسبوعين تركبي الطياره وتروحي لاهلك

بالمطار:
اذا وصلتو عطو احد المسؤولين خبر انك توك عامله عمليه عشان يجيبو لك كرسي واحد يدفك بالمطار عشان لا تمشي او توقفي طابرو للتفتيش او اي شي, راح ويوصلك الين باب الطياره بدون تعب ولا انتظار.
وراح تلاقيهم كثير متعاونين ان شالله


بالنسبه لك انتي
تقدري تسالي الدكتوره الي تراجعي عندها وتساليها عن امكانية سفرك وراح تقولك انه جدا عادي ومافيه ظرر عليك ان شالله ,,
طبعا هذا الشي يختلف من وحده لوحده حسب الوضع الصحي للمراه الوالد , والعمر , اذا كانت تعاني من مرض او لا , الخ الخ,
بس اذا انتي مافيك شي ان شالله انه عادي جدا ومافيها شي خاصه لو كنتي والده طبيعي
وارجع اقولك ان اسالي الدكتوره محد مننا راح يقدر يفيدك ويعطيك الشور الصح اكثر منها.


بالنسبه للبيبي :
برضو لو هو مولود سليم باذن الله ومايعاني اي مرض فهو عادي ان شاءالله ركوبه الطياره .
وطبعا انتي بعد كم يوم من ولادته لازم انك تروحي تراجعي دكتور اطفال عشان يعمل فحص كاامل للطفل غير الي تعمل بالمستشفى ولما يخلص من الفحص وان شالله ان يكون الطفل مايعاني من شي.
بعدين اسالي الدكتور اذا عادي ان الطفل يركب طياره ويسافراو لا ؟؟ واسالي عن اي مخاوف تكون ببالك
مثلا اساليه هل ياثر ظغط الطياره عن اي حاسه من حواس الطفل ؟ هل ياثر على سمعه ؟
وان شالله يجاوبك بالي يريحك, عشان تسافري وانتي مرتاحه وماتندمي على شي لا سمح الله.
واحتمال يعطيك قطرات للطفل لاذنه عشان ظغط الطياره, او مسكنات , حسب حاجه الطفل وحالته
او اي علاجات اخرى احرصي انك تحطينها بالشنطه على طول عشان لا تنسي لا سمح الله


بس انتي لازم تاخذي مشوره طبيب لانه هو صاحب الخبره وهو الي ادري وافهم واعرف بحالتك وحاله البيبي وهو الي يقرر اذا ممكن تسافري او لا .

بالنسبه للاشياء الي تحتاجينها بالطياره:
انتي اذا ولدتي بالمستشفى راح يعطوكي حليب مواليد بعلبه زجاج ومغطيه ومعاها حلمات مغلفه ببلاستك بس تفكيها وتركبيها وبعدين ترميها يعني مرره سهله ممكن تاخذي لك كم حبه معاكي بالطياره .
او خذي الحليب بودر مع رضاعات بس كثير عشان ماتصيري تحتاجي تغسليها وكذا, المويه الدافيه ممكن تطلبيها من المضيفه , واذا كنتي ترضعين البسي شي بازارير عشان يسهل لك الترضيع.
وطبعا لازم بامبرز , قطن , كريم تغير للبيبي,غطاء بلاستك للتغير,وجيبي كذا لبس للبيبي يكون مريح وسهل لك في التغير , كمان جيبي ترمومتر بالاضافه للقطرات او العلاجات الي يكون كتابها الدكتور له

بالنسبه لاوراق البيبي :
ممكن للطفل انه يسافر بتذكره مرور تطلعونها من السفاره وهي تطلع بيومين ماتتاخر وتكون بديل عن جواز السفر
اول شي تدخلي على موقع السفاره وتعبي البيانات وترسلينها بعدين يروح زوجك ويعطيهم جوازك وجوازه ويطلعون لكم تذكره مرور للبيبي تمكنه من السفر مؤقتا بدل الجواز الين ماتطلعون له جواز بعدين

وانتي الحين استخيري قبل تولدي ولو فيها خير راح تلاقينها اتسهلت كل اموور السفره وارتحتي نفسيا لها
يارب انه يسهل ولادتك وولادت كل حامل ويرزقكم الذريه الصالحه يارب


سبحانك اللهم وبحمدك عدد خلقك ورضاء نفسك وزنة عرشك ومداد كلماتك