الى المغتربات ترك الزوج في بلد الابتعاث

حرام عليها والشباب منفتحين ويعرفون كل شي والبلاوي بكل مكان لكن التربيه لها اثر اكبر وزوجها المسكين مو رجال وله شهوه وش هالكلام مربوط ومايقدر لا والله بعذره مسكين غربه ولازوجه ولاعيال وش تنتظر يروح للحرام؟؟؟

وعليكم السلام
اختي نصيحة قدميها لصديقتك حرام عليها تعصي كلام زوجها هناك فتن ما يعلم فيها الارب العباد انا عايشه بينهم وشايفه كل شي حتى لو هو ملتزم وعارف دينه بس هو في الاخر رجل قليلها تراجع نفسها وتسافر معاه واولادها هي تربيهم بطريقتها فيه مسلمين هناك يعني مو بس هي في مدارس اسلاميه في مساجد بس تترك زوجها وقدامه فتن عشان سبب في نظري تافه وبعدين ايش حكاية زوجي مربوط فيني وربي الرجال لو في راسه شي يسويه خصوصا اذا اكان الموضوع فيه حريم انا اعرف واحد متزوج وعنده بنته وزوجته معاه كل يوم في حضن اجنبيه ضم وبوس وقدام السعوديات والسعوديين وحاط صوره وصورهم في الفيس بوك لاتقولي مربوط يمكن الحرمه عندنا مربوطه بس الرجل لا

اكيد غلط
مو معقولة وش هالانانية !!!!!!
تفكيرها جدا جدا أناني ولا أعتقد أنها تحمل أي مشاعر تجاه زوجها !!
وش الي تحفظ عيالها عذر ماله أي معنى أولادها حولها وحول أبوهم وتحت عيونهم وين بيروحون !!
تحفظ عيالها من الحرام وتخلي زوجها في بلد كلة فتن !!
خاصة انة وضح لها انة يرغب بوجودهم عندة
اذا ماسندته بغربتة متى بتسندة وتوقف معاه ؟
من حقة يعيش بجو أسري بين زوجتة واولادة ويكونون حولة ..
5 سنوات مو شوي عمر بحالة والي بعيد عن العين بعيد عن القلب !!
وهي أنانية حتى مع عيالها ليش يعيشون بعيد عن ابوهم !!
من حقهم يكونون مع أب وأم
راح تترك فراغ كبير داخلهم وجدار كبير بينهم وبين أبوهم
ماراح يشوفون ابوهم الا شهر بالسنة او شهربن ..
و5 سنوات بعد ماتخلص شوفي كل واحد كم صار عمرة !!
حتى علاقتها بزوجها راح ينبني بينهم جدار كبييييير صعب تهدمة الايام .. وراح يترك أثر بنفسة طوول العمر ..
راح تترك أصعب 5 سنوات بعمر زوجها هي مالها اي وجود أو ذكرى خلالها !!

استغفر الله العظيم يعني خايفة على عيالها مو خايفه على زوجها شوفي ياقلبي انا اعرف واحد قريب لنا زوجته رفضت انها تسافر معه بنفس الحجه صبر سنه بعدين تزوج وسافرت معه الجديده لانه يخاف على نفسه من الحرام بعدين هالثقة في غير محلها معليش احنا شفنا الغربة وعارفين البلاوي اللي هنا الله يحمي ازواجنا ويحمينا

ممم الصراحه يتوقف على عمر أولادها لو صغار تروح معاه أكيد خصوصا هنا في ألمانيا طبعا فتنة المسلمات كمان موجوده وماهو شرط مربوط فيها الرجل لو وده شي بيتحدى كل الناس
بس لو كانوا أولادها كبار يعني مراهقه فرأيها سليم وهو الأناني يعني مستقبله على حساب إستقرار أولاده لأنهم لما يكونوا هنا وفي عمر المراهقه جداااا صعب خصوصا قوانين ألمانيا الجديده في المدارس صار درس السباحه إجباري الرحلات الجماعيه