الى ام عزيزان

اول شي تسلمي على هالثقه اللي اخترتي ام عزيزان فيها للمساعده

ولو حطيتي عنوان واضح للموضوع راح يساعدك الكل ويمكن يعطونك افكار احلى من افكاري

مع ان افكاري قليله جدا في مجال التدريس والمدارس والمجسمات

وماراح اخيب ظنك ان شاء الله بس يا ليت توضحين لي شنو محتوى المعرض ؟؟

عشان نقدر ننسق مع بعض ....

ويا هلا فيك حبيبتي

:)

حبيبتى ام عزيزان المعرض لوحات ومجسمات واشغال يدوية من الصف الاول الى الصف الخامس يعنى معرض طلاب ابقى توزيعات للضيوف إلى بجون المعرض وافكارش تعجبنى يا ام اعزيزان

طيب عزيزتي

طبعا ممكن انك توزعين الاعمال حسب الماده اللي تحتويها يعني الرسومات بقسم والاعمال بقسم والمجسمات بقسم

او

تقسمي المعرض الى خمس اقسام كل قسم يحمل اعمال الصف الاول والثاني وهكذا للخامس

طبعا بعد ما تفرشي الطاولات بالمفارش المناسبه

توزعي الاعمال عليها بشكل منسق

وممكن تحطي مابين هذى الاعمال شموع وزهور وممكن تنثري اوراق الورد .... ممكن تحطي احواض ماء زجاج وفيها شموع ... وممكن تحطي العاب من القطع مثل دبدوب او ارنوب .... وممكن تنثرين بعض الخرز .... وممكن تحطي سلال من الورد وتوزعيها بشكل حلو .... وممكن تنثري قواقع وبعض الشباك .... وممكن تنثري بعض الاعمال المستخدمه مثل قلم الرصاص وادوات المكتبه يعني وتحطي معاها الوان شمعيه وشينيه .... وممكن تنثري اوراق الزينه الملونه واللامعه بعد ما تقصصيها.... وممكن تعملي فيونكات من اشرطة الستان باحجام مختلفه .....وكل هذاااااااااا توزعينه مابين الاعمال على الطاوله حتى تمليها وماتخلين فراغ على الطاولات وراح تعطي نتيجه حلوه

ونفس الشي على الجدران اذا كنتي حابه تعلقي عليها .... واستخدمي البالونات وزنيها بشرائط حلوه


ولا تنسين تسوين لوحات حلوه من الورق تكتبين عليها اعمال الصف الاول والثاني وللخامس

او تكتبن قسم الرسومات وقسم الاعمال اليدويه وقسم المجسمات .... وحسب اختيارك للتقسييييييم

ومع العمل راح تطلع معاج افكار اكثر

وان شاء الله قدرت افيدك ولو بشي بسيط

وان شاء الله البنات بعد يعطونج افكار اكثر

ويا هلا فيج

:)

السلام عليكم
أعتقد يا أم عزيزان أم سعيد تقصد الهدايا اللي تتوزع على الضيوف
مثل هدايا الولاده والاستقبالات
والا أنا غلطانه

فكره للهدايااااااااااا؟؟

ههههههههههههههههههه

ننتظر ردها

:)