يالله ننتظر جد نبحث عن التميز وفي الشرقيه الله يخلف ماعندنا شي مميز ابد حتى المصممات مو ذاك الزود وغالين والله يوفقك واهم شي البدل الفخمه اللي تنلبس بعروس ناس بعيده مو قرايب والعزايم الكبيره هذي نفقدها بسوقنا ماعندنا الا فساتين والا سبورات غيره مافيه

-تحبون اللبس يكون حق عروس او كاجول اوبدلات او دراريع الكويت لاني انا من الكويت واقدر اوفره لكم بسهولة.

خليكي تخصص بدل راقيه مع كاجول السهرة بكل مكان موجود البدل الراقيه مش يكل مكان

2-تحبون الشغل يكون ناعم او يكون فيه حركات او تكون الشغل يكون من القطعة نفسها والحركة تكون بالقصة.

نوعي من كل شئ شغل ناعم على ثقيل على حركات بالبروشات ومركبه وياها دانتيل ومخمل
سوي بدل فيكتوري ستايل راجع بقوة الحين الي يكون داخل فيها المخمل مع الدانتيل

3-الاسعار يعني عادي تشترون غالي يعني من 1000وفوق بس يكون سعرة فية او تدورون على الجاهز اسهل.

اذا البدل تستاهل ومتعوب عليها وشغل نظيف نشتري بالفين مش الف بس بس اهم شئ نظافة الشغل
وابتكار الموديلات والاقمشه الحلوة يعني مايكون تكلفة البدله كلها ب 300ريال وتبيعينها ب1000 ريال هنا بيطلع عليكم كلام وانكم
جشعين وغيرة وغيرة م الكلام الي ينكتب بالمنتدى حطوا اسعار معقوله بربح معقول وان شاء الله تتوفقون بتجارتكم ويصير مشغلكم اشهر من نار على علم والناس ماتنسب الكشخه الا على تصاميمكم ان شاء الله

4-تحبون اتواكبون الموضة بكل شي جديد او اهم شي يكون عاجبكم حتى لو موديله قديم مثلا..

اكيد نواكب الموضه وهذا أهم شئ عندي لك فكرة رهيبه شفتي موضة الشماغات اشتري الوان وركبي عليهم ورد وتطريز
وكريستالات نازله منها وبيعيهم والله ماراح تلحقين من الطلبات عليهم هذي من الاشياء الكاجول وخليكي ذكيه وبعيهم مع تيشرتات
ساده تكونين مطقمتها وياهم وتركبين بروش وياهم ممكن قمصان بيضاء وتثبتين الشماغ عليهم بورده الوان يعني قميص ابيض
شماغ فوضي ورده سودا او صفرا وخليه مثيت اطراف الشماغ كراكيش

حاول تبدعين بالافكار ودايما خلي معاكي دفتر كتبي عليه الابداع من هنا
جمعي فيه دائما الافكار وكتبيها عشان ترجعين له

5-شنو انواع الاقمشة اللي تحبونها.

الاقمشه كل شئ حلو لو فصل بطريقه حلوة الحرير التفته المخمل الشفون الكتان الدانتيل
كلهم حلوين ترى اهم شئ الذوق والخياط

الله يوفقك ان شاء الله

بصراحه انا اقول نبي بدل قصات واطقم لانا فاقدينها عندنا بسوقنا انا بتزوج قريبوعجزت الاقي بدل ناعمه كامله
الكاجول صار هو الي مسيطر على السوق

فساتين السهره صارت هاليومين ناعمه والاكسوسوار الي يميزها اكثر
الفرق بينا وبين الكويتين انا نحب الشغل الناعم في الفساتين والبدل وهم يحبون الشغل الثقيل والفخامه الزايدة
الاسعار احنا تناسبنا من لا البدل حلو 500 و600 اما الفساتين من 1000 وطالع بعد ممتاز جدا
اتمنى لكم التوفيق واذا عندكم بدل وتقدرون تجيبونها عطونا خبر محتاجين مره

الف شكرررررررررر بنات ع الرد اللي يبرد القلب جد يعطيكم العافية

جوجو مشكوررررة جد ارجو التواصل اكثر لاني محتاجة وحدة مثلج واوعدج يكون لج سعر خاص في حال فتحنا المشغل انا اوعدج:27:

:Dطيب يالطيبه مااقلتى المحل ويييييييييييييييييييييييييين بتفتحيه ـــــــــــــــ نرحلك المحل ؟

ومااتحتاااااااااااااااااااجى موظفاااات :32: