الى بنات الكليات ولا يهون الباقيييييين

السلا م عليكم ورحمة الله وبركاتة
اخواتي العزيزات وخصوصا اللي لسه يدرسون بالكليات اكيد كل وحده منكم مرت بالمشكلة اللي انا مريت فيها الامن رحم ربي الا وهي <<<الكتابة بالمحاضرات>>>
انا لسة بالسنة الاولى بالكلية وياما وياما حصلت لي مواقف بسبب الكتابة في المحاضرة :16:
كتابتي بالمحاضرة سريعة وتمشي الحال صحيح انه يكون فية نقص بس دايما كنت اقول الكمال لله وحدة :D اما هذا الترم الله بلانا بأستاذة سرييييييييييعة بالشرح جدا وانا ما يمديني اكتب معها واللي مزود الطين بلة انه محاضراتنا كلها بالانجليزي :icon33: يعني لو قالت الاستاذة كلمة غريبة وما عرفتها اكتبها برموز خاصة يعرفونها اللي يدرسون انجليزي عشان اطلعها من القاموس بعدين وهذي لحالها يبي لها وقت على ما تعرفينها :icon33: والله يابنات من ابدا المحاضرة اكتب بداية الجملة مع الاستاذة ولا يمديني اكتب نصها الا هي قايلة جملة ثانيه بعدين احط نقط واكتب نص الجملة الثانيةوالا هي قايلة جملة ثالثة وانا النقط تبدأ تشتغل وهكذا واذا رحت للبيت مدري وش انا كاتبة ولا اقدر افهم او استنتج لانه المادة دقيقة جدا ولا فيها اي مجال انك تشرحين حسب فهمك والله يا بنات جتني حالة نفسية خليني اعصب واترك الكتابة في المحاضرة بعد ما كنت مضرب المثل في المثابرة والمحاولة وعاد طبيعة محاضراتنا انه شرح على طووووول لا فيه كتابة على السبورة ولا بروجكتر ولاملازم ولا يحزنون وهذا كلة يهون عند الطرارة من البنات المحاضرات بعدين وعاد معروف قسمنا بالنذالة والحسد والله يابنات انه صار فيني موقف قبل كم يوم بسبب طلب المحاضرات لا زلت اعاني من آثارة النفسية الى الان ولا زالت تخنقني العبرة كل ماتذكرتة :( لاني تعرضت للغدر من اقرب القريبات <اللهم لا اعتراض >
وامس جلست مع وحده بنية حلال وجلست اشكي لها من الحالة اللي انا فيها قالت لي ليش ما تسجلين المحاضرة بمسجل واذا رحتي للبيت تكتبين المحاضرة منه قلت لها انه فيه وحدة جابت مسجل صغير <اللي اشرطته عادية> وسجلت طلع الصوت مو واضح وزيادة على ذلك ازعاج البنات ياخذ النصيب الاكبر من التسجيل وبالنهاية صوت الاستاذة مو واضح ابدا قالت لي انه فيه اجهزة تنباع عند محلات الاكترونيات مثل محل الكترو تسجل بدقة عالية عاد انا دخلت مزاجي بس المشكلة انه الكلية يسوون احيانا تفتيش واخاف يلقونه ويسوون لي سالفة يعني لا يرحمون وينزلون لنا ملازم ولا يخلون رحمة الله تنزل ونسجل المحاضرات :icon33:
الله يعافيكم يا جماعة الخير اللي عندها حل لا تبخل علي فيه ابدا واللي استعملت اجهزة التسجيل هذي تقول لي عنها وطريقتها بالتسجيل لاني ان ما لقيت حل مناسب باضطر اني اتوكل على الله واستخدمها والله يوفق اللي ترد علي والله لادعي لها بآخر الليل