الى بنات الكويت سؤال عن الطحين الكويتي

صلي على الرسول
شوفي حبيبتي انا اول ما شفت الى بنات الكويت قلت لازم اساعد الحبيبة لاني من الكويت ... شوفي حبيبتي في عبوة صغيرة 1 كيلو وفي عبوة 5 كيلو واعتقد ان في عشرة كيلو بس انا بصراحة من بداية السنة اشتري مرة وحدة 50 كيلو وعلى اخر السنة يطلع خالص عاد انتي تعرفين الفطاير والحلو وغيرة على طول شغال

1 كيلو... 145فلس من مركز سلطان بالجهراء
5 كيلو.. 495فلس من مركز سلطان بالجهراء
50 كيلو... 2,500 دينار كويتي او اقل شوي على ما اعتقد وحيل حلو اشتريه من سوق الجملة في الجهراء
وكل الانواع في منها ابيض وفي اسمر ان شاء الله اكون وضحت المطلوب :27:

السلام عليكم

الشافعية وليش وديتي البنت الجهرا عشان الطحين ..حرام هذا طريق سفر هههه

الطحين متوفر بكل مكان بالكويت حتى بالبقالات ...وسعره صراحة مايسوي انها تتعنى وتروح منطقة الجهرا

كله دينارين والا بالكثير ثلاث دنانير ...اعتقد 15 ريال

حيااكم الله

جزاكم الله خير على الردود..

مشكووووووورة اختي محبة الشافعيه وتسلمين على هالتفصيل الحلو.. والله انا ما ادل زين بالكويت لكن رح اشوف بالجمعيات القريبة اذا لقيت والا اروح او اسافر على قولة ام طلال عشان هالطحين!!

لانه بصراحه ممتاز لكن عندنا بالسعودية غالي يعني الكيلو الواحد ضعف السعر اللي قلتيه تقريبا ربع دينار اللي هو ريالين ونص او ثلاثه سعودي مع ان الطحين السعودي الكيلو بريال او اقل بس الكويتي حيل غالي..

فقلت خليني اشوف اذا يسوى الفرق لاني جايه الكويت قريبا فأجيبه من هناك احسن..

بس ياريت تقوليلي وين سوق الجملة بالجهرا؟ يعني معروف اسمه سوق الجملة والا شنو؟

وين الاقيه احنا نسكن في الشويخ.. لاني اذا بشتري باخذ الخمسين كيلو..

مع كل الشكر والتقدير..

***********

اختي ام طلال تسلمين يالغاليه على الرد اكيد الطحين متوفر بس انا حبيت اشوف الاسعار واقارنها باللي عندنا لاننا نستهلك الطحين وطحينكم ممتاز للحلويات والمعجنات.. عشان كذا ابي اخذ كمية وبارخص سعر يعني نوفر :)

الدينار الكويتي الواحد = 12:5 ريال تقريبا

فاذا ب3 دنانير يعني 38 ريال سعودي واحنا خيشة الطحين السعودي الخمسين كيلو 30 تقريبا يعني ماكو فرق ويستاهل العنوة..

جزاك الله كل خير ودمتم يا اهل الكويت الطيبين..

حبيبتي ام طلال شكلج فهمتيني غلط :angry: الغالية نورة تسال كل بنت بالكويت من وين تشتري الطحين وبكم وبصراحة انا من الجهراء اكيد رح اعطيعا المكان اللي انا فيه ولا تبيني اقولها روحي اشتري من المكان الفلاني وانا ما اشتري منه وانا مااعرف وين رح تجي يعني لاي منطقة بالكويت وانا صراحة حبيت اعطيها التفاصيل بدقة :D

وترا انتي قلتي انو ال3 دنانير تساوي 15 ريال وهذا الكلام مو صحيح لانه الدينار الواحد يسوي 12,5 او 13

الحبيبة نورة ترا المسافة بين الشويخ والجهرا مو كل هالشي عاد انتو معقدين الامر وسويتوها سفركلها نص ساعة وترا مشوار حلو لانو طريق الجهرا صار حيل حلو احلى من كثير من الطرق وانتي يا حبيبتي سالتي عن سوق الجملة نعم اسمه سوق الجملة ويقع مقابل مستشفى الجهرا او قرب سينما الجهرا اسالي عنه وانشاالله تدلييه :)
يلا طولت عليكم الكلام مع السلامة

ويالشافعية انتي اللي فهمتيني غلط

انا اقصد البنت اذا جات عن طريق البر من السعودية مناطق الكويت اقرب لها
من الجهرا مثل الفحيحيل الفنطاس الاحمدي

وحتى لو جت بطيارة في عندها خيطان الفروانية كلهم فيهم سوقة مركزية

الزبدة

شوفي حبيبتي عندج افرع شركة مطاحن الدقيق بكل منطقة بالكويت تقريبا
اعتقد في بالفحيحيل والاحمدي وخيطان والفنطاس
روحي سألي هناك واخذي كمية من نفس الشركة احسن لج وارخص وطازج
ماتدرين السوقة المركزية من متى مخزنينه عندهم يمكن قديم

افضل تاخذين من نفس الشركة
والحمد لله الشركة لها افرع بكل مكان مو شرط تروحين للشركة نفسها

وحيااج الله