الى بنات دبي او المعتاد على السفرلها

نسيت اقلكم مثل العبايات والاماكن والجلابيا وملابس الاطفال

بالنسبه لدبي فيها اماكن وايد حلوة عندج المراكز مثل السيتي سنتر والبرجمان والوافي والغرير وميركاتو والفنادق جراند حياة وفيرمونت ومينا السلام وملابس الاطفال عندج كتامينى في حمر عين وفي كل المراكز بتلاقين محلات اطفال

اضم صوتي لنسيمة الحجاز
ياليتكم يابنات دبي تعلموننا الشقق والا الفنادق اللي مافيها مراقص وغيره يعني محترم وللعائلات
والله ودي اروح لها وخايفه
هل بدت التخفيضات عندكم

مرحبا..
اولا ما شالله عليك بتروحين لدبي..وانشالله راح تستانسين فيها بس الله يعينك علي الرطوبه..
بالنسبه للاسواق..اللي اشتريت منها مركز الوافي كل شي فيه..ومركز حمر عين..يهبل مريح..ومركز الغرير..والسيتي سنتر ..بالنسبه للعبي بكل مكان بس يمكن ارخص اللي بمركز ابو هيل..وفيه اشياء حلوه مركز للعبي والملافع..والاسواق الشعبيه مثل سوق نايف وسوق المرشد فيها العطارين والجلابيات الرخيصه والملافع ..وفي الشارقه مركز علي ما اظن اسمه الملا حلو ومركز صحاري عجيب..وبالنسبه للسكن انا كل ما اروحلها انزل بفندق وايد حلو اسمه تاج بالاس..بس اذا كنتم عايله وبتطولون اسكنوا بالشارقه ارخص..وقبل لا انسي المطعم الهندي اللي بالفندق لا يطوفك اكله عجيب والقعده فيه حلوه..وانشالله قدرت اساعدك..وادعيلي ان امي توافق وتخليني اروحلها..

هلا اختي
تروحين وترجعين بالسلامه ان شالله
بالنسبه للسكن لايفوتك جراند حياة مره حلو والحين مسوين عرض خوذي ليلتين واليلة الثالثة مجانا ...وعندهم تحت مطعم حلوو وخاصه بوقت الفطور ...اللوبي حقهم حلوو ومريح للعائلات الي عندهم اطفال حتى للي ماعندهم اطفال حلوو شرح وجنب وافي سنتر وعندهم سينما وسوق في الفندق...واذا تبين شقق حلوه فيه السندس تبع المرديان حلوه وخدمتهم ممتازه وجنب الستي سنتر وفيه الكونكورد بس جراند احلى .... واذا جايه بالطياره احجزي من مكاتب الحجوزات الي في المطار ترى اسعارها اررخص ولا الفرق
بالنسبه للاسواق مثل ماقالو الخوات وازيد عليهم ابن بطوطه مول جديد ..وفيه سوق عكاظ حق جلابيات حلوه جنب سوق نايف... سوق جميرا بمدينةجميرا...ستي سنتر الشارقه... صحارى الي في الشارقه حلوو...في قهوه اسمها مق اند بين حلووه...
بالنسبه للمطاعم فيه مطعم ايراني بميناء السلام حلوو اكله بس غالي شوي ...فيه مطعم اسمه الباب المفتوح هندي مرره حلو بس ديكوره مو مره جنب برجمان لو تبين عطيتك رقم تلفونهم لانه مو معروف مره ...فيه مطعم بوافي سنتر اسمه قوديز لبناني بسس حلوو كبتهم حلوه ...فيه مطعم اسمه الملاح بشارع الضيافه مو لهناك بس عندهم كبة وسندويش فلافل حلو...فيه مطعم اسمه قصر الهند احليو اكله ...فيه صدف مو شين اكله ويسوي بوفية غداء يوميا الظاهر ..فيه مطعم اسمه اكبرس بشارع الرقه حلوو عندهم كباب بالجبن مره حلو....الهندي الي في تاج بالاس حلو...بس ترى السكن في جراند حياة ارخص من تاج بالاس واحلى ....
هذا الي عندي الحين ...واذا تبين اي شي انا حاضره ..ان شالله تنبسطين هناك:)