الى بنات مصر الحوامل

حبيبتي انا مش حامل لسه ادعيلي
اعلاف دكتوره شاطره جدا
وهي استاذ دكتور في جامعة الازهر
وهي في مصر الجديده
اسمها دكتوره منيره جاد
في شارع الاهرام امتداد الحريه مول...في عمارة بي تي ام..امام محلات رسميه

وهي كويسه جداجدا
وبتولد في مستشفى كيلوبترا او القاهره التخصصي..واعتقد ممكن عادي في اي مستشفى في مصرالجديده

واي سؤال انا حاضره
ولا تنسي تدعيلي ضروري..لان ميعاد تحليلي الاسبوع الجاي ربنا يكرم يارب

السلام عليكى اختى العزيزه

أشكرك جدا جدا على اهتمامك
انا فعلا روحت عندها مره وفعلا هى ممتازه بدليل ان العياده كانت زحمه موت وللسبب ده زوجى رافض انى اروحلها لأنه مش بيحب الزحمه ولا الأنتظار تحكم رجاله بقى
وعموما انا متوكله على الله انه يرزقنى بدكتوره كويسه وشاطره اصلى بصراحه خايفه جدا من الولاده اللى فاتت اتعذبت فيها والحمد لله على كل شئ

الصفحه مش كفت ادعيلك فكتبت رد تانى

يارب يا رب يا رب يكرمك ويرزقك بالذريه الصالحه التقيه ويرضيكى دنيا وآخره

اختك القريرة

حبيبتي شكرا الف شكر على دعوتك .....وربنا يسمع منك يارب
وبالنسبه للزحمه..انا كنت بروح في ميعاد بتاع الفتره الصباحييه حلو اوي ورايق
يعني يقوللي هتيجي 12 اروح 11ونصف ادخل اول واحده ولو بتيجي واحده اروح 12ونصف وادخل برضه الاول...


وفي دكتوره تانيه شاطره برضه كانت نصحتني بها الدكتوره رانده في المنتدي
اسمها دكتوره فكريه
في شارع اسوان...متفرع من شارع بيروت مصر الجديده
عمارات الشريف..هي مجموعة عمارات مع بعضها..وامامها جزاره كبيره اسمها جزارة الشيخ

وربنا معاكي ان شاء الله وتقومسي بالف سلامه

شكرا ليكى حبيبتى وربنا يجازيكى كل خير

معلش هى اسمها الدكتوره فكريه ايه وكمان معلش لو تقدرى تبعتيلى نمرة العياده بتاعة دكتوره منيره لأنها ضاعت منى وربنا يسهل اقدر اروحلها فى الفترة الصباحيه انا ماكنتش اعرف ان فى الصبح كمان



ربنا يجازيكى كل خير ويرضيكى ويرضى عنك يا رب

القريرة