في خياطه سمعت عنها انها ممتازه لكن مجربتهاش بصراحه قالوا انها في شقة فوق دلتا ماركت في شارع سعيد .. طبعا دلتا ماركت قفل ومكانه محل تاني بس للاسف مش عارفه اسمه بالظبط .. يعني لو فاكرة المكان بتاعه القديم هتعرفي مكانها..

الخياط الي جربته عملت عنده ( عباية) لما كنت لسه والده لاني مش من هواة التفصيل عامة وبشتري جاهز افضل لكن كنت محتاجه شيء مفتوح من قدام ففضلت افصل .. مكانه في مول الكرنك الي في شارع البورصة والتسليم كان في الميعاد والخياطة معقولة بس اساسا الموديل مكانش فيه شغل كتير يعني كان بسيط .. والسعر كان 30 جنيه الكلام ده من ثلاث سنين تقريبا معرفش دلوقت بقى بكام..

وسمعت عن وحده اسمها هاجر بتعمل سواريه كويس بس معرفش فين مكانها بالظبط لو عاوزه اسأل لك ..

بس على فكرة ياريت تشتري جاهز افضل ومتكتريش لان الجسم بيتغير بعد الجواز كتير وغالبا الي هتفصليه مش هتلبسيه ولو جبتي القماش خلاص اعملي جزء منه واشتري عليه جاهز واحتفظي بالقماش الباقي هينفع برضه مفيش حاجه بتخسر..

ومبروك مقدما..

up

أنا اسفة جدا على تأخيرى بس صدفة لقيت ردك على وعموما يمكن تكونى لسة محتاجة ترزى هو عم ابراهيم فى العمارة اللى لها ممر قديم شوية أول ما بتدخلى شارع مستشفى المنشاوى من سعيد على ايدك اليمين فى الدور الاول علوى تقريبا تانى عمارة من الشارع
وعموما لو لقيتى خياطة ست يكون احسن
هو ايام ما كنت بتعامل معاه كانت مواعيده مظبوطة جدا أول اسبوع بروفة التانى على طول بستلمى حاجتك
أسعاره غالى شوية كان بيعمل العباية قبل الغلا اللى احنا فيه دلوقتى ب 80 جنيه دا اللى انا فاكراه دلوقتى
لكن تفصيله فوق الهايل