الى جميع مدرسات العلوم لثاني متوسط..مطلوب افكار للوسائل العلميه

جيبي كرتون يكون من الاخل اسود _ممكن تسوينه بنفسك من الفلين او تاخذين كرتون احذيه_ وحطي فيه فتحه صغيره من فوق وحطي من الجانب فتحه كبيره شوي وسوي لها غطا (ممكن يكون قطعة كرتون اكبر من الفتحه وتثبتينه بدبابيس)وتحطين في الكرتون من الداخل سياره صغيره سوداء اللون او نفس لون الكرتون من جوا وتصمغينها عشان ما تتحرك

المهم : 1-غطي الفتحه الجانبيه واطلبي من طالبه تطل من الفتحه العلويه واساليها وش تشوف بالكرتون ....طبعا بتقول ما اشوف شي واسالي وحده ثانيه وثالثه

2- شيلي الغطا عن الفتحه الجانبيه ودخلي منه ضوء مصباح وكرري الطلب مره ثانيه طبعا البنات هالمره بيشوفون السياره
(ومن هنا تستنتجين ان الضوء لا يصدر من العين بل تعكسه الاجسام )

===============================================
ممكن تجيبين صور لطرق الاضاءه قديما وتورينها البنات اذا تكلمتي عنها وممكن تلقين الصور
في الموسوعه العلميه الميسره

=================================================
اذا تكلمتي عن الفرق بين الاجسام الي تصدر الضوء والي تعكسه ممكن تذكرين ايه عن الشمس والقمر (ما اذكرها بالضبط ولكن على ما اتذكر فيها ان الشمس ضياء وتقدرين تبحثين عنها وتتاكدين )
==================================================
بدل ماتسخنين مسمار بامكانك تسخنين ابرة تلقيح وتلقينها في الوسائل التعليميه على ما اعتقد

وبامكانك تجيبين لمبه وتشبكينها في الكهرب وتخلينه طالبه تلمسها بس تاكدي انها ماتكون حاره
===================================================

تقدرين تقولين في المقدمه ماالفرق بين الليل والنهار

الطالبه :الشمس
انتي :ماذا تمدنا الشمس
الطالبه :بالضوء
انتي : كيف نشاهد الاشياء ليلا

بعدين تقولين الاعتقاد القديم الي هو ان الضوء يصدر من العين وتسوين تجربة الكرتون الي ذكرتها في البدايه عشان البنات يستنتجون انه اعتقاد خاطيء
======================================
واتمنى اكون افدتك

مشكوره الف شكر حبيبتي لونه
افكارك جدا رائعه ومثيره
وان شاء الله اطبقها
ومره ثانيه جزاك الله خير.....