الى حكيمات المنتدى (المتزوجاااااااااات) انقذوني

السلام عليكم يانساء الكون

كلما جيت بقولكم قصتي طب علي ابو الشباب:hahaha:

بفضفض بس ماادري من وين ابدأ لاتلوموني يمكن تشوفني الف يمين وشال واشوي اصعد وبعدين الف يسار عااااااد تحملوني

احس اني زهقااااااااانه بتطلع روحي واحس اني داااااائما حزينه قليل ايام الراحه الي امر فيها مع اني مؤمنه واستغفر

وانا بنت كنت دااااااااااااااااائما بشوشه وبسرعه انبسط واضحك وكل شيء يرضيني
لما تزوجت بالموت اضحك واذا ضحكت معناها من القهر ومافي شيء عاجبني من زوجي ..اذا خبرني انوا بنطلع طلعه لما كنت بنت اوصل للسما من التنقز ..الحين اقوله انزين واذا قربت حزة الحزه جهزت واروح الطلعه مع انوا ادري اني احبها بس مااحس بالمتعه ..اذا طلعت معاه مااحس بالمتعه ابداااا حتى هو مايحس انوا مسويلي شيء
اذا برا البيت ارتاح واصير فرحانه واضحك يعني اخذ راحتي ومن يجي اكتم واتحلطم في نفسي اذا قال كلمه اقول في خاطري صج غبي او مغرور ..يمنكن حديث النفس هو الي مدوخني اذا سافرت مع اهلي او بقيت عندهم عندي هاذي احلى الدنيا احس بالسعااااااااااااده جدااااااااااااااااااااااااااااااااا
يمكن لانوا احسهم يفهمون علي وافهم عليهم
اما هو في عالم ثاني ودائما يسوي نفسه شاطر وفهيم ويتحذلق وكل شيء يفهم فيه وانا بصراحه احس انه مايفهم شيء الا بالنت هذا حده واذا ناقشته احس انه غبي حيييل او يقلب الكلام الي اقوله
يعتبر نفسه كريم جدااااااااا..بصراحه ساعات يكون كريم..لما اطلب منه شيء مثلا لبس او شنطه يقول ليش ..انا انقهر اقول له محتاجه لبس او شنطه يقولي شنط مافي اكثر منهم ..اقوله صحيح بس قديمين ومن انا بنت محتفظه فيهم وبعدين تخيلوا من سنه ونصف ماشريت شنطه ويتمسخرون الناس علي اهلي واهله يقولون اغراضك ماتغيرينهم ..عاد انا لما احس بحاجه لشيء اصير حزينه لانوا مااعرف اطلب وحتى اذا طلبت يواجه بالرفض مع انوا افهمه انوا المره تحب هالاشياء وتحب التغيير والناس يطنزون عليها واول ماتتزوج يطالعونها اذا زوجها مقصر او لا يقول الحمد لله انا مو مقصر وماحد يحصل مثل الي تحصلينه انتي انا عازك وكارمك مع انه هو مايقصر على نفسه بشيء ابدا بس يحس انه يبي ثياب او شيء حق كمبيوتره في نفس اليوم يروح يشتريه وبعض الاحيان يشتري له كم قميص يلبسهم لبسه وحده وبعدين يوزعه او يركنهم بالدولاب ..تخيلوا مره قلت له علشان احسسه انوا احنا محتاجين انا وولده لاغراض لنا ..رحت رتبت ولدي وعدلته وكنت بطلع عند الجيران قلت له لازم نترتب حيل علشان يحسون انوا انت مو مقصر علينا قالي لاينظلونكم قمت اضحك في داخلي ..قلت الله يخلف وين ينظلونا..قلت له ..لا ماينظلون بس الناس تفكيرهم كذا اذا شافوا شيء على الوحده هي وولدها وكل شوي تغير يقولون ماشاء الله مو مقصر عليها زوجها(عاد انا قلت لك كذا علشان انه يحب المظاهر يحب يطلع بمظهر الكشخه) تصدقون حتى ملابس عيد مارضى يشتري لي ولولد بالموت وبالصيح شرى له لاه ومو بس كذ1 سوووا لي هذررره طويلة عريضه امتدت لاسبوعين وهو يزيد ويعيد فيها ويقول صج قهر .(اقوله العيد الكل يشتري جديد حتى الفقير مووت يشتري له) عيد الفطر قمت صياح وشرا لي وعيد الاضحى صحت وانقهرت ومارضى يشتري ..مع انه شرا لاهله من والى كل شيءءءءءءءء ومن جنوني عطاني قدامهم في السوق مصروف لي يعني احم احم انا اعطيها فلوس واجد مااقصر عاد انا بحسن نيه شفت نقصهم شيء قمت عطيتهم فلوس مني ومابقى شيء عندي الاقليل قلت ابي اشتري شيء قال لي وين فلوسك قلت له عطيتهم اخواتك ناقصهم وعطيتهم قال الي عطيتيهم روحي اخذيهم منهم.....هذا حاجه من الحاجات ..غير هالشيء انوا انا بعيده عن اهلي مايرضى يوديني لهم حتى اذا نزلنا لهم نجلس بيت اهله مع تاهله في غرفه مشتركه والله اني اتلعوز ماغير علي عبايتي ومااقدر اتمدد او انام وانا حامل طلعت روحي كل اسبوع ينزلني عند اهله والله تعبت حتى ولدت مبكر وبعمليه بعد واذا نزلنا مايرضى يوديني اشوف اهلي الا ساعات بالحنه والقهر يوديني ساعتين منحسوبه بالضبط بس بين الطريق لاهلي واهلي صراااخ علي
انا شايله البيت وكله متزينه واغير واسوي حركات رومانسيه وكلامي عسل وفنانه في ال... بس بس كله يقول انتي موعاجبتني يقول انا احب التغيير وانا اغير ماااقصر هذا حالتي بس بصراحه مليت من الي اسويه وهو موراضي يتغير (الحين اربعين جدي ومارضى ينزلني عند اهلي )وهو زعلان من اهله علشان كذا مراح يروح لهم وانا معناها ببقى جنبه وموراضي يوديني لهم يقول انا ماعندي احد هناك ..وانا اعرف لوقلت له بنزل لهم بالقطار ورحت لهم لا يقلب علي الدنيا ..مع اني اساعده في كل مشاريعه وحتى بقية مهري عطيته اياه ايام زواجنا حتى يأثث الشقه لانه ماعنده واقوله نصبر قال لا مابصابر وخذ فلوسي ولارجعهم للان ولاراضي اشتري شيء لي حتى ذهبي والله كله محصلته هديه وهو ماشرا لي الا الشبكه وانا ماشريت شيء يابو زعم اجمع لفلوس علشنه بعدين يعوضني يروح ويجي عليه .. مع انه بخييييير ونعمه ماتصصورونها
انا احب الرجال الرزين الهدايء العاقل ..وهو عصببببببببببببببببببببي ولسانه اطول منه هو انطوائي بس شغلته انه 24 ساعه على النت ويقولي حمدي ربك اني موجود جنبك على طول (هو جنبي مو جنبي ) قمت اجلس معه على النت 24 ساعه بس مليت ابي اروح لاحد ابي احد يزورني مافييييه حتى اخواته مايرضى لي اروح لهم ..انا ماعندي احد
والي يقهرني اكثر واكثر انوا اذا في محل يبيعون في حريم يعطيهم وجه ويضحك معهم وقدامي عااا انا اتهاوش معه بس اكيد بهدوء وهو يقول عادي يلعبون مع ولدي بضحك معهم

هو يحب السوالف والهذره يحب احد يقرق على راسه وهو يسمع وينبسط على الضحك بس مااقدر احس نيران داخلي واذا شافني بس متكدره او زهقانه شوي (يعني باين علي ) يسوي لي حرب اقوله يعني الواحد مايتضايف مايزهق واحسه لو يشوف دمعه اشوي ويذبحني او يطردني
شخصيته متناقضه يوم يقولي شيء واذا اسويه يعكس يقولي ليش تسوينه اقوله انت قلت يقول ماقلت
اذا صحت ليش تصيحين ويسوي حرب واذا ماصحت يقولي مو هامك ولامهتمه اصلا

طبعا هالحاله خلتني مكتئبه ماعندي طموح وحزينه واحس بتعب وملل فضيع وكارهه الحياه بأجمعها ولاحس لها طعم
واحس انوا الموت يدور حوالي

الي في قلبي اكثر والي مألمني اكثر بس احراج وجعت لكم راسكم:26:
بس قلت انتوا اخواتي تنصحوني وتدعوا لي
الله لايضوقكم هالعيشه
بس على فكره اهوا لما اطلب منه شيء للبيت فقط مؤونه او اواني مايقول شيء يجيبه على طول

حتى اكون معكم صادقه عندي اسمغير هالاسم واشارك فيه بالمنتدى بس حتى ماحد يعرفني ومشكلتي من الاهل سجلت بهالاسم

مع تحيات زوجة"مثقف مفكر مبدع رومانسي اجتماعي :hahaha: (هذا مايقوله عن نفسه
الله يخليكم ادعوا لي
الله يخليكم ادعوا لي
الله يخليكم ادعوا لي