يارب يسعدك ويهنيك ويجعلك زوجة صالحة

ويارب تسخرلها زوجها وتحنن قلبة عليها

وحياك الله في الحياة الجديدة

ولي رجعة

ام محمد

السلام عليكم ورحمة الله وبركاته
أختي كيف حالك والف مبروك مقدما والله يهنيك في حياتك ويجعلها كلها سعادة وعامرة بذكر الله ..
ماشاء الله اميرة الغامدي ما قصرت ...

وبحاول اجاوبك على اسئلتك ...

الغسيل كيف طريقته ؟
تقسيم الملابس وفرزها
الابيض لوحده ...
الملابس الملونة (اللالوان الفاتحة لوحدها _ الاحمر لحاله والاسود لحاله ....الجينز مع بعض ...
وفي نوعية ملابس تتغسل بالشامبو زي العبايات والملابس السوداء عشان ما تبهت ...
وفيه مواضيع لطريقة غسل الملابس جزاهم الله خير البنات ما قصروا ابحثي عنها


وكنتوا تعرفون للغسيل قبل تتزوجون؟
بصراحة مو مرة لأن الوالدة الله يرحمها كانت ماسكة الغسيل والطبيخ وأحنا كنا ندرس بس كنا نساعد في تنظيف البيت وغسل المواعين واتزوجت وكملت دراستي وهناك
بدعت وكنت اصبغ الملابس صبغ ولكن التكرار والتعليم والمحاولة وعدم اليأس والخطأ هو بداية النجاح خخخخخ

بس بنات دحين ماشاء الله المفروض تأهل نفسها كويس وتساعد امها في اشغال البيت عشان مافي شئ يصعب عليها ...وتكون ست بيت من الدرجة الاولى ...وكمان في عالم النت الي بتلاقي فيه التجارب ...

والشي الاهم الطبخ؟ وش اعتمد عليه واعرفه قبل اتزوج؟
ماشاء الله قسم الطبخ فيه مالذ وطاب وعندك مواضيع فيها الاكلات المجربة وانتي في بيت اهلك كل مرة اختاري طبق وجربي
حتى لو فشلتي مو معناته ما تعرفي بالعكس أنا كانت البسبوسة معاي تقولي حجر
والباشاميل والكشري يصير في المطبخ دمار شامل والكبسة معجنة ...
بس احب احاول والحين الحمد لله ماشي حالي وينمدح طبخي
ومو مشكلة لو خربت او مازبطت معاكي في المرة الاولى لكن بعدين بتصيري شيف :cook:

حاولي في بيت اهلك تتعلمي كيف تغسلي الدجاج وتقطيع اللحم والاساسيات في الطبخ زي ماقالت اميرة الغامدي
وترى الطبخ مافي اسهل منه ..
حاولي دائما تفرشي سفرة او جيبي زبالة صغيرة اكرمك الله عشان تحطي فيها زوايد تقطيع البصل والخضرة عشان يفضل سطح مطبخك نظيف ...

والسراميك كيف تنظيفه والمساحيق الي نستخدمه له؟
المنظفات متعدده بس انتي دائما اكنسي الارضية ومسح الارضية خليها كل يومين وحسب الحاجة
ودائما انتي بتمسحي بخري البيت تمسك الريحة ..
التروبية نظفيه كل 6 شهور ..
بالنسبة لمسح الارض في بنات يمدحوا المساحة العجيبة بس انا ما عندي
عندي ابو شعر معاها سطلها بعد ما اكنس
احط موية وشوية كلوركس وامسح واحب كل مرة اشكل وانوع ما استمر على شئ واحد من المنظفات ...



وربي محتاجه لمساعدتكم والتنظيف كيف توفقون بوقته خاصه اول شهر زواج
وبما انك لسى عروسة بيتك حيكون نظيف وفيه اساسيات ومو اشياء زايدة
حاولي مع الزمن ما تكدسي اشياء مالها داعي والوقت بتقدري تنظميه حسب شغل زوجك ..
وترتيب البيت ما بيأخذ من وقتك شئ رجعي كل شئ مكانه وترتيب سريع وتكنيس ومسح
أما التنظيفات العميقة حاولي تشتركي في حملات في هذا القسم ان شاء الله تعينك بعد الله ...
شوفي النظافة هي الاساس تشرح الصدر وتفتح النفس وخلي زوجك دايم يشوف منك كل شئ طيب
وان شاء الله مع الوقت بتلاقي نفسك مسيطرة على الوضع ...
ولا تنسي ذكر الله في جميع اعمالك واحتساب الاجر والنية وان شاء الله ربنا بيوفقك ...


هذا الي ربي قدرني عليه وان شاء الله أكون قدرت افيدك ولوبشي بسيط
ربنا يسعدك ويوفقك ...

الاخت اميره الغامدي كفيتي ووفيتي
وأختنا لي الله
الله يوفقك ويسعدك اهم شئ الترتيب اول بأول وعدم التكاسل
تصفحي كل المواضيع الي في قسم التجارب المنزليه وراح تستفيدي إن شاء الله

اميره الغامديه

الاميره توته

alsamt


ام ليان


الله يجعلكم مع الابرار ويرزقكم الذريه الصالحه الباره بكم

ويسعدكم دنيا وأخره ويجعل السعاده بالدارين من نصيبكم

ولايريكم مكروه بغالين لكم ياااااااااااااااااارب

وينور ايامكم ودرببببببببببببكم

وربي استفدت منكم الله يسهل دربكم ويجعلكم مع منزلة الصالحين والابرار يارب

الله يجزاكم الجنــــــــــــــــــــــه يارب ويسعدكككككككككككككم