رغم اني احرص ما انبه واوجه مباشرة
لان اللي عندي مراهقين وما يقبلون حتى من ابوهم التوجيه

لكن انا اقول نفس الشيء ان شاء الله اذا كبروا وتزوجوا
وفكروا زين انا ما عمري اخطيت عليهم..
واغلب كرههم لي..ويقولونها صريحة
انه ليه هي عندها وحنا لا...ليه هي تطلع على كيفها وحنا لا

يعني غيرة..

فأقول اكيد بيتحسن تفكيرهم

.


.

مم بصراحة انا نفس الفكرة..
يعني كنت اتضايق لما زوجة ابوي تمنعني من شيء
لكن مرة ابوي ما كانت حنونة....لذلك كنت ما اقبل منها
لانها كانت تقول حنا لازم نحسن وضعنا..ونمشي حياتنا سوى
عشان الناس..
وبصراحة انا ما حبيت هالفكرة..
لأن الناس ما لهم دخل بحياتنا..وان كنا ودنا نتحسن ونكون اسرة وحدة
فلأنفسنا موب للناس..

..

مم..نصيحة جانبية عن تجربة
اللي نمى غيرة بنات زوجي
اني اول ما جيت كنا نقضي يوميا
وقت مع بعض..لوحدنا..
ونتكلم..ونشوف تلفزيون..
وأنا كنت اتكلم باريحية..واوريهم الاغراض اللي شريتها
لأختهم اللي ببطني..
فمن هنا بت الغيرة وكانوا يرمون كلام..ان اغراضها كثيرة
لكن انا ما فهمت..
واستمريت..اقول لهم وش بحط توزيعات..وافكار للنفاس
فصارت غيرتهم اشد..
لدرجة يغارون من مراجعتي للدكتورة..
واني اتدلع..مع انه جاني نزيف كم مرة..

فمن هالتجربة..عرفت نقطة مهمة
وهي ان الرسمية هي الافضل..


ممكن نجلس سوى ..ونستهبل..ونضحك
لكن ما نتكلم بامور خاصة..الا بامورهم هم..

وبكذا صاروا ما يدرون وش عندي..
او ليه طلعت..

فأحس انه ارتحت وريحتهم..شوي
رغم ان الغيرة صعب تروح..

كنت اتوقع اني القى شوي تفاعل
كنت انتظر نصائح...آراء
لكن ما شفت شيء عملي..غير ان الموضوع يرجع وراء

وممكن لو اني قلت انا ضربت عيال زوجي
كن الموضوع انتلى ردود..

لكن يوم اقول ابي نصايح انا وخواتي زوجات الاب
ما احد يهتم..

اشكر اللي دعوا واثنوا..
لكن كنت اتمنى ان الدعاء يكون بظهر الغيب
والنصائح هي اللي تكون هنا..


ما زلت انتظر تفاعلكم

الله يجزاكي خير ويكثر من امثالك والمعلروف مايضيع ابدا
انا اعرف زوجة اب رائعة بصراحة الكل حبها من اسلوبها مع عيال زوجها هي تطبخ لهم وتراعيهم وبنفس الوقت ماتتدخل فيهم فحبوها رغم انهم كانوا مرة رافضينها وهذا شي طبيعي
بكرة يتزوجون وترتاحون كلكم

رفع

حروف الماضي .. ما شآء الله تبارك الله .. قمة الحكمة .. !!

لا أعتقد ان لدي أفضل مما لديك من حسن التصرف ..
أتمنى أن لا تكون هذه البداية ,, ومن بعدها تملين ,, !!

ثبتك الله وجزاك الله خيرا ,,