السلام عليكم ورحمه الله وبركاته
انا كل ما ادور وابحث عن وظائف لازم خبره ولا واسطه وخاصه اذا حكوميه احنا راضين بشركه او مصنع يكون راتبها حلو ودامهم مريح شوي لين الله يرزقنا بالفضل منها واغلبهم المصانع والشركات بيقبلون اي شهاده ونادا الخبره لان اشوف ناس كثير ماعندهم مؤهل واذا لقت وظيفه قالوا لها مؤهلك وهي تكون محتاجه للوظيفه
يعني الى حبيت اوصله لكم ان اي وحده تعرف شركه او مصنع او اي مكان تشوف فيه تقديم للوظائف تكتبها هنا ونستفيد
بس ان شاءالله انكم تتفاعلون وتكتبون الى عندكم اذا تعرفون ولا تبحثون واقل شي ترفعونه
راح ابدا انا ..
هذا مصنع اسمه مصدر الحياة
012656000
انا كلمتهم قالت الدوام من 8 اصبح الى 4 العصر خميس وجمعه مافيه دوام قالت الراتب 3000 ويزيد بس الله واعلم كم وهم ياخذون التامين منه ولا كيف بس استفسروا اذا كلمتوهم او رحتوا لهم
موقعهم في الصناعيه الثانيه عند اسكان الخرج هناك اغلب المصانع
شغلهم وحده قالت ليه شابوره ووحده قالت لي لف ورق عنب بس ماادري بضبط ايش يمكن فيه كل شي .
وهذا مصنع ثاني بلاستيك زي العلب والبرطمانات
014471175
انا يوم كلمتهم قالوا يقبلون اي شهاده الراتب 3000 الاف خميس وجمعه مافيه دوام دوام من 8 اصبح الى 2 اتوقع لاني كلمتهم من زمان وكان المصنع جديد كلمني المسؤل وقال بعدين بيكون التقديم لان كلمتهم اكثر من مره وقدموا بنات ولا يبغون زياده قال نشوف الشغل وبعدين نقبل
وفيه شركه ثانيه حقت خياطه كلمتني مصريه ما ارتحت لها و الراتب قالت 2500 ومن 8 الى 4 العصر وحذفت رقمها على طول بس بحاول اذا قدرت اجيبه لو احد محتاجها
وهذي رساله جتني على الوتس قبل فتره معهد يدرب وبعده يوظف فتره التدريب يصرفون 2000 ريال وبعد التوظيف 4000 ريال فتره التدريب 3 شهور انا دقيت وقتها مقفل بعدها مادقيت بس برجع اشوف 0505937317
وهذا رقم النهضه تكلمينهم وهم يدورون لك وظيفه او اذا تبين تدريب يدربونك انا قالت شهادتي ثانوي وحاسب فيه تقديم لوظائف قالت ايه بعدين قالت لي معك بطاقه شخصيه قلت لا قالت مانقبل الا البطاقه وخليت وحده تكلمهم وقالت جامعيه انتي قالت لا قالت مانقبل ولا ادري ايش بيقبلون بس ناس كثير وظفوهم طبعا مصنع ولا شركه 014650029 التحويله 196
وهذا اعلان بس يبون خبره
تعلن شركه المختبرات المستقبليه للتحاليل الطبيه ..فرع الجزيرة ..
عن وجود وظايف شاغره في المختبر ,,1 فنيات مختبر 2موضفات استقبال
مع العلم ان الاولويه للسعوديات وذوات الخبره
2869553---- 2862023-----2860996
انا ماكلمتهم عشان يبون خبره ولا ادري اختلاط او لا
اتمنا يكون فادكم الى كتبته وتفيدونا
ولا تنسوني من دعائكم ان الله يرزقني بزوج صالح وتقي لي ولجميع المسلمات ويرزقنا بالوظيفه الى ترضينا
استغفرالله الذي لااله الاهو الحي القيوم استغفرك واتوب اليك
حنــوونــه @hnoonh_11
عضوة نشيطة
الى شهادتها ابتدائي ومتوسط وثانوي والجامعيه وغيرنا ندرور لبعض وظائف/ قديم
21
68K
هذا الموضوع مغلق.
حنــوونــه
•
بنات لاتحطموني ولا احد رد
الله يرزقك من واسع فضله والله لو عندي معلومات كان اضفتها بس من تزوجت وزوجي خانقني كل مالقيت وظيفه بمصنع ولا حتى في مول يرفض مع ان حالتنا الماديه سيئه وودي بوظيفه كفايه حافز راح كله خصم ...
الله يجزاك خير ويرزقك ويرزقني بأحسسن الوظائف انا من الخرج اللي يعرف وظائف يرسسلي ي عسولات.
اذا لقيت وظائف راح انزل بنفس الموضوع
اذا لقيت وظائف راح انزل بنفس الموضوع
همس المشاعر الله يكون بعونك ويسهل عليك يمكن زوجك يمنعك عشان اختلاط ولا دوام طويل
حاولي تقنعينه ان فيه مصانع مافيها اختلاط وان شاءالله يقتنع
حاولي تقنعينه ان فيه مصانع مافيها اختلاط وان شاءالله يقتنع
الصفحة الأخيرة