ياحليلكم بنات ولدي لو تسمعون كلامة والله احيانا امسك نفسي مااضحك قدامة وش يقووول > يقولي في ولد بالمدرسة شكله نقطة>>هو قصدة صغير مرة وبعد يقيسه باصبعة الله يصلحة بس.......وياختي غدو لاتهتمين احسن خلي بنتك تتعلم انجليزي في فترة غربتكم اذا مو مطولين يعني سنتين او ثلاث لانها هي بتتعلم بتتعلم ان شالله عربي لما ترجعون بالسلامة بالاختلاط مع الاطفال ويمكن تنسى بعد الانجليزي وان شالله ماتنساه تشترين لها كتب وقصص بالانجليزي والله يسهل لك:26:

هلالالالالالا غدووووووو :26:

تعلم الحروف يعتمد على الطفل نفسه يعني الأطفال مو زي بعضهم << أقول أخلصي >>
أنا بنتي بالروضه بس ماشاء الله عليها تقرأ عربي مثل أخوها اللي بثاني < تدريس العربي بالبيت فقط >
أنا باقولك وش كنت أسوي معها وإنت إختاري اللي يناسب بنيتك الله يحرسها :27:

- كنت أحفظها قرآن وهذا ساعدها في النطق .
- ما عندي تلفزيون أمريكي فالفديو كله عربي وفيه أشرطه عن الحروف .
- كنت معلقه سبوره بالصاله وعندها ألوان ومساحه ونص السبوره لها مكتوب في الأعلى أسمها بالحروف طبعا ومكتوب عندها أرقام وباقي السبوره فاضيه تلعب فيها - هي بتحاول تسأل عن الحروف والأرقام وبتحاول تكتبها .
- إذا كنت بالمطبخ أحاول العب معها لعبة الحروف - بالقلم اللي ينمسح أقسم باب الثلاجه قسمين أسمي وأسمها وكل واحد يعطي الثاني كلمه ويقول وش الحرف اللي تبدا فيه الكلمه ومعها القلم اللي يفوز تحط تحت إسمه صح
طبعا أنا أعطيها كلمات سهله جدا وأحاول يكون الصح عندها أكثر علشان تتشجع .
- أحاول أذكرها بالحروف بطريق اللعب يعني كمثال أقولها عندنا شي في الثلاجه أحمر مدور يبدا بحرف التاء وتبدا تفكر وإذا ما تذكرت تروح تدور بالثلاجه وأنا أساعدها .
- عندها لعبة بابا مشمش تلعب فيه .
هذا اللي في بالي وإذا تذكرت شي رجعت لك < يا كثر قرقك >
أي سؤال أنا بالخدمه :time:


















هلالالالالالا بالمشتاقه للديره :26:

نصيحه من أخت لا تدخلينها لحد ما تتقن العربي تمام :27:

إذا أتقنت العربي دخليها بس ساعتين ونص كنوع من التغيير
لان الطفل بالعمر هذا يحتاج حنان أمه أكثر :04:

إنتِ إستخيري والله يكتب لك ولبنيتك الخير :26:

مرحبا
و الله اني مشتاقه لكم بس الموضوع شيق و لازم اشارك
يا عمري يا غدو اجل انت في ورطه ..
انا ابي اقولك وش انا اسوي انا عندي بنت و بنتي ما شاء الله تتكلم العربي زييين ما عندها مشكله مع انها تدرس بالروضه دوام كامل و ما شاء الله تتلكم الانجليزيه بطلاقه .. لكن من اول يوم دخلت راحت فيه في الدي كير و انا اول ما ترجع للبيت و اسمعها قالت اي كلمه انجليزي اقولها تدرين هي ايش يعني بالعربي .. يعني مثلا اذا قالت ماما شوفي
Red ball
اقولها ايه صح يا ماما كوره حمرا .. من دون زعل و لا هوش و لا اتضايق بس اي شي هي تقوله انجليزي ارده وراها بالعربي حتى عرفة الالوان و الاشكال بالعربي يعني دائره مربع مستطيل ... احمر اخضر اصفر بنفسجي .. و هكذا ..
و يوم جتني يوم قالت ماما انا عرف اقول
A song
قلتها تعرفين انشوده .. يا الله قوليها و يوم قالتها صار
A b c d e f g h ….
يعني حروف الهجاء بالانجليزي .. قلت مرره حلو يا ماما بس تعرفين هذي وش اسمه بالعربي هذي اسمه حروف الهجاء و هي اذا قلناها بالعربي تصير غير .. وش رايك اعلمك الاشوده بالعربي قالت يا الله ... و صرت قاولها
ا ب ت ث ج ح خ د ذ ....
و نغنيها مثل افتح يا سمسم .. و صرنا نكررها طول الوقت بالسياره و البيت و كل وقت .. و هي تحمست صارت اذا سمعتعا بالانجليزي تقول انا بعد اعرفها بالعربي و تقولها .. طبعا في البدايه ما تعرف وش هذولي الحروف لكن مع الوقت على الاقل حفظت الحروف و نطقهها .. بعدين بديت في شي جتني من مدرستها حاطه اول حرف من اسمها على الورقه طبعا الحرف انجليزي و تقولي هذا اول حرف من اسمي قلت لها و تعرفين اول حرف من اسمك بالعربي قالت لا قمت علمتها و علمتها اول حرف من اسمي و من اسم ابوها .. و طبعا الموضوع برضه اخذ اسابيع علشان ما تنسى ... بعدين بعدها بفتره جت و قالت لي ماما انا اعرف
Spell my name
قلتها تعرفين تتهجين اسمك يا الله قولي لي .. و قالته .. قلت اكيد ودك تعرفين وشلون تتهجين اسمك بالعربي قالت ايه .. و صرت اعودها .. و اسمها بالعربي اقصر منه في الانجليزي فا حست انه ابسط و حفظته .. و اكيد مثل العاده اخذت حول اسبوع علشان تعرفه .. و هكذا ..
اذا عدت الارقام بالانجليزي ارد وراها بالعربي ..
حتى صارت المدرسه هي الي تعليمني متى ابدا اعلمها .. اي شي تتعلمه بالانجليزي اترجمه بيومها للعربي و هي صارت تتحمس اذا تعلمت شي صارت تقول وش يعين بالعربي .. و هذكا .. و اخر مره نزلت للسعوديه جبت لها تركيبات نفس التريبكات الي في مدرستها بس بالعربي الارقام و الحروف .. و صرت العب معها العاب فيهم حتى عرفت اشكال الحروف و الارقام بالعربي .. و تركيبه الحروف ورا كل حرف اسم يبدا فيه الحرف ... شوي شوي عرفت ان ب لل بطه و ث ثعبان .. و هكذا
بصراحه مو صعب ابد بس انا باديه من بدرررررررري مره يعني من اول يوم قالت لي فيه كلمة انجليزي اترجمها على طووووول ... و صارت مثل ما قلت المدرسه هي مرجعي لاني ما ادري من وين ابدا فصارو كل ما يعلمونها شي انا اترجمه .. و هكذا ..

و الحمد لله و ماشاء الله تبارك الله الحين صارت اسألها الغاز عن الارقام و الحروف و الكلمات و تجاوبني .. و في الفتره هذه بديت اعلمها الجمع بالارقام .. يعني تفاحتين و نحط عليهم تفاحه كم يصير .. و هكذا ...

ان شاء الله اكون افدتك .. و للمعلوميه بنتي ما تشوف تلفزيون عربي ابد و لا عندي لها ارشطه عربيه .. و لكن كل المعلومات الي عندها مني و من ابوها .. و بصراحه احنا نستغل كثير السفر و طرق السفر لان الطفل يصير طفشان و يجلس في مكانه يفكر فا كثير اني اسألها اسئله و لا ابوها يقولها مثلا عطيني كلمه تبدا بحرف ال طاء .. و هذكا بالاول تجلس تصيح اذا ما عرفت و الحين خلاص بدت تتعود ..

و اكيد اذا رجعنا راح تكون اضعف من الاطفال الي هناك بحكم الغربه لكن على الاقل راح يكون مستواها معقول ..

ان شاء الله اكون افدتك .. و اسفه على الاطاله

:17:

وينها بنت نت يا بنات؟ والله لها وحشه
اسمحيلي يا ام غاده ادري اني داخله عرض بس توقعت بنت نت اول المشاركات
:26:

السلام عليكم ورحمة الله وبركاته

هلا بام غاده وباقي الاخوات

ام غاده تجربتي مع ولدي قلتلك عليها من اول

كنت احب احطلك الموقع الي كنت اخذ منه الحروف والارقام بس ما ادري ايش فيه مو راضي يفتح من زمان

وطريقة الهنديه ررررررااااائعه


واحمد سار يسئل عن كل شئ اي كلمه بالعربي يقول ايش يعني بانجليزي حتى احيانا يحرجني وما اعرف اقله استنى اشوف دفتري ولا اسئل بابا

وهو يعرف الحروف والارقام بالعربي والانجليزي
انا ماخذتله سبوره من ارقوس حلوه تكتبي بالقلم وتمسحي

اعمله نفط وهو يمشي عليها

ومعلقه وسيله تعليميه حق الاحرف العربيه على باب المخزن ورايح جاي يرددها

ان شاء الله اذا لقيت شئ يفيد اضفته

وسامحيني على التقصير