الى فتيات الامارات مع التحية

السلام عليكم

انا من الدوحه بس اعرف ان باريس جاليري موجود بستي سنتر وعندة ماركات المكياج المعروفة
جربي عندهم اللي تبغينه

دبنهامز في سيتي سنتر فيه كل اللي طلبتيه

مرحبااااااااااااااااا
اذا كنتي من دبي عندج ستي سنتر مثل ما قالن الاخوات والمراكز الثانية مثل لامسي
واذا من الشارقة عندج ميغامول
واذا من بوظبي عندج مارينا مول
واذا من العين عندج اريج والعين مول فيه محل باريس غاليري ومحل السلام وفيه محل فور ايفر وعندج محل المركز الفرنسي

وان شاء الله تحصلين اللي تبينه

تسلمون يا بنات الخير ما قصرتوا

حياج الله في بلادج

اول شي ،،، اشهر محلات المكياج هو باريس جاليري وفيه العديد من الماركات المشهوره ويبيع بعد ساعات وعطور وشنط واقلام، الخ ،،، وهو موجود بمعظم المراكز بس يعتمد على كبره في كل مركز واكبر واحد فيهم هو اللي بالسيتي واسمه باريس بالاس واللي اصغر عنه اسمه باريس جاليري



اوكي بعطيج المراكز واهم محلات المكياج اللي فيها ،،، طبعا بدبي

* مركز برجمان = باريس جاليري "حجمه متوسط" ،،، اريج "حجمه صغير ،، فيه بعض الماركات + عطور فكتوريا سيكريت" ،،، ليوا "فيها فيرجن كوزميتك"

* مركز الغرير = ريد ايرث ،،، وجوه "فيه عدة ماركات" ،،، فيرجن كوزميتك

* ميركاتو = ريد ايرث ،، ماك

* السيتي = باريس بالاس ،، باريس جاليري ،، ريد ايرث ،، مكياجي ،،، ماك ،،، بودي شوب

* مركز جميرا = بودي شوب

* وافي = بوبا ،،، ماك ،،، باريس جاليري ،، ميكب فور ايفر

* مركز لامسي = باريس جاليري "حجمه كبير"

* مركز تاون سنتر = باريس جاليري "حجمه كبير"

* مركز البستان = "حجمه متوسط"

* مركز الواحه = اريج "حجمه كبير" ،،، لايف ستايل "فيه بعض الماركات اللي بالاسعار المتوسطه"


صحارى اللي بالشارجه = ماك ،، دبنهامز "فيه سماش بوكس" ،،، مكياجي ،،، فيرجن كوزمتيك ،،، زهور الريف


اتمنى اني ذكرت اهم المحلات والسموحه اذا نسيت اي محل