من قال ان الزبادي مايصلح ؟؟؟؟؟؟ ينفع للاطفال ومفيد بعد لانه مختلف عن اللبن الطبيعي لان فيه خمائر وانزيمات تساعد على الهضم,,,,,وانصحك بزبادي الاطفال من المراعي......كلامي هذا من واقع تجربة +سؤال الاطباء+الجداول الغذائية الي يعطونيها الدكاترة كلها فيها الزبادي+في عيادة الرياض مرة جاء موضوع عن تغذية الطفل وقالو ان الزبادي ياكله الطفل من الشهر الرابع,بس اهم شي تكونين ممهدة الطفل للبداية بالاكل يعني مايكون الزبادي هو اول شي ..تبدين مثلا بالسيريال والحبوب بعدين الزبادي.......ويمكنك ياام شيما تسالين ضيف النمتدى اخصائي التغذية الدكتور العثيمين للتأكد.......

ماحد قال ان الزبادي مافيه فايده للرضع بالعكس بس لازم يكون مصنوع من حليب مخصص للرضع (تحت عمر سنه)مو الزبادي العادي اللي يصلح للكبار(بما فيه زبادي المراعي للاطفال) لان هذا النوع يترسب في الامعاء ولا ينهضم فيسبب له امساك وغازات والم في البطن وهذا الكلام كلام اخصائية تغذية اطفال وحتى البرنامج اللي يجي في السعوديه الصباح ناقشوا تغذيه الرضع وركزوا على هالنقطه وانا عن تجربه تاكدت من هالشي مع اطفالي الاول كانو يقولون لي عطيه زبادي من عمر اربع شهور وعطيته وسبب له الام ومضاعفات ماالله به عليم على عكس اخوه اللي ماعطيته الزبادي العادي الابعد سنه والحمد لله ,ويشهد الله ان كلامي صحيح 100%واللي تقدر تعمل زبادي في البيت باستخدام الحليب المعد للرضع فهذا عز الطلب وعليه بالعافيه .

والله يا اختي انا ولدي عمره 10 شهور وعطيته الزبادي من عمر 6 شهور وكان في مرحلة التسنين ويرفض الحليب وكان الدكتور يقول لي عطيه زبادي لانه افيد من الحليب..وبصراحة انا يوميا اعطيه وحتى ما اعطيه زبادي الاطفال لان فيه سكر..وبالنسبة للاكل اختي انا ولدي لين اليوم ماياكل الكمية اللي المفروض ياكلها الطفل في عمره..ولما يطلع له ضرس طبعا ماياكل بالمرة..

أشكرك اخواتي دوودي واغصان وام علاوي على ردودكم

من خلال تجربتي مع الدكاترة شفت ان آرائهم مختلفة عن بعض

وبخصوص الزبادي

يمكن الزيادة منه اكيد بيسبب الإمساك من خلال تجربتي مع طفلتي

واذا الشي زاد عن حده انقلب ضده

الصراحة هي ما كانت ترضي تاكل غيره فكنت اضطر اني اعطيها كل يوم

بس شفت ان هذا الشي مب من صالحها وقمت اعطيها اشياء ثانية ما كانت تتقبلها قبل بس لاحظت انها تتقبله هذي الفترة بعد ما كبرت وهي قريب بتكمل 10 شهور ان شاء الله

بس والله احس بفرحة كبيرة يوم اشوفها تاكل ويوم ترفض تاكل اكون مهمومة علشانها

اسمحوا لي طولت عليكم وايد

اشكركم على ردودكم مرة ثانية وجزاكم الله كل خير

الاخت شيماء
قبل نوم سويله رضعة نعناع مع ينسون مع تد ليك بطنه بزيت الزيتون الدافي