الى كل أم عانت من مولودها الصياح اليك...الحل

بالنسبه لي انا عندي بنت وهي الاولى الله يحفظها ويخليها ان شاء الله بصراحه ماكنت اتوقع ان الطفل أول شهوره صياح لهدرجه بصوره مو طبيعيه
يعني الحياة تنقلب فوق حدر لا نوم ولا راحه طبعا للمولودين الصياحين لان في أطفال هاديين ما شاء الله
كنت ماأعرف ايش اسوي أنا وأبوها
والصياح بيكون اما الغازات او الام في البطن

لكن لاحظنا ان وأبوها شي اننا لم نطلع مجمع أو مكان ونحطها بعربيتها حقت الطلعه انها تسكت يعني لمل نمشي فيها تسكت وتنام

وفعلا فكرت وقلت لأبوها انت مالاحظت عليها انها في العربيه تسكت وتنام قال ايوه
و قمت بتوفير عربيتين وحده في السياره ووحده شقتي وصرنا بالهاليل اذا صاحت نحطها في العربيه وندفها كننا مجانين
ونمشيها من غرفه الى غرفه وتهدى بعض الاحيان تنام وبعض الاحيان تسكت بس تكون قايمه واغلب الاوقات تكون قايمه لان انا بنتي من النوعه اللي تكره النوم مادري ليه يلا الحمدلله بس أهم شي تكون هادئه وصارلي 11 شهر على هالحاال
ولما بدت تفهم صرت احط لها ألعاب على العربيه.

وهذي الفكره طبعا حلوه للام اللي ماعندها احد يساعدها
مثلا وانت تطبخين حطيها وربطيها وبعديها عنك خليها تشوفك من بعيد

أو انت تتروشين حطيها بره الحمام وخليها تناظرك وعينك عليها عشان ماتحاتيها

او وانت ترتبين المكان خليها عند التلفزيون حطيلها قناة المجد وحطي لها الصوت وخليها

واهم شي لما تحطيها في العربيه تكون شبعانه اكل ومافيها نوم على فكره بعض الاحيان انا انوم بنتي في العربيه اذا كنت ابيها قبال عيني

والملاحظه المهمه:
لاتخليها24ساعه في العربيه عشان مايتعب ظهرها فقط في الاوقات العصيبه والمهمه
واذا كنت فاضيه لعبيها

وفائدة العربيه انها امنه يعني حزام على البطن وحزام على الظهر حتى اكون ان وهي في امان

وان شاء الله تستفيدون من الموضوع لاني اعاني منها
والله يحفظ عيالنا من كل مكروه ان شاء الله

وارجو ان الدعاء لابنتي بالصلاح والهدايهوالتوفيق لي ولكم