الى كل أم يعاني طفلها من التبول اللاارادي الحل عندي تفضلوا

انا ماكتبت الموضوع هذا الابعد ماجربت الوصفة بولدي والحمدلله فادت معاه بعد معاناة كبيرة اربع سنين من معاناتي معاه

خصوصا بفترة الشتاء كل شئ مبلل بسبب البول اكرمكم الله وكل سنة اقول يكبر وان شاء الله خلاص يوقف واشوف المشكلة تزيد

وصارت معاي اوجاع بالظهر لاني صرت اوديه للحمام كل ساعتين ثلاث واذا نسيت او انشغلت خلاص يسويها بالفراش

وطبعا اللي تعاني مثلي بتحسن فيني والوصفة هذي اخذتها من واحدة عندها خبرة بالعلاج الطبيعي وقالت لي

خذي بأطراف اصابعك شوية من حب الرشاد خليه يسفه ويشرب وراه حليب ( اذا مايحب الحليب العادي اعطيه حليب بأي نكهة او عصير - لبن اي شئ الافضل حليب ) واستمريت على الوصفة تقريبا من عشر ايام لاسبوعين هي ماحددت وقت بس قالت حتى تشوفيه خلاص وقف اسبوع اكثر اقل انتي بتشوفيه ,بس ياخذ الوصفة

قبل النوم ولازم تدخليه الحمام وبعدين ينام والحمدلله كل يوم يصحى فراشه نظيف وارتحت من المعاناة

انا شفت بمواضيع كثير حريم يعانون من اولادهم خصوصا اذا كانوا كبار وقلت اكتبها لكم علشان تستفيدوا مثلي

اتمنى لكم الراحة والسعادة دائما .

ودعواتكم للحرمة اللي عطتني الوصفة بالشفاء

ولاتنسوني ياحبيباتي من صالح دعواتكم

الله يسعدكم جميعا