موضوع جميل أختي المتفائلة .. :)

أنا كثييييييير أفكر في الشغالة لما أرجع إن شاء الله ..
من كثر الكرف اللي عشناه في الغربة!!

لكن و الله أنا ماأرتاح لوجود الخادمة في البيت ..
خصوصاً إن لم يمر على الزواج كثيراً ..
يعني بالعامي ..
مادامي أقدر أخدم زوجي وعائلتي ومازلت في صحتي ولله الحمد
ومازلت أقدر ألبس على كيفي بدون قيود ..
حرام أحرم نفسي وزوجي الخير!

وغير كذا .. أنا طبعي اتكالية ..
يعني لو تجيني الشغالة الله يعينها علي :D
أخاف أخليها تلبسني ههههههههههههه
بسم الله علي "من غير شر" << الخوف مليح!! :D

عاد توي جاية من المجلس العام ووحده منزلة موضوع عن جرايم الشغالات شي يشيب الراس

معقولة يا عالم انهم مسلمين؟ والله ما أدري كيف يعلموهم الدين هناك

المشكلة المفروض الحكومة عندنا تتحرك على مستوى رسمي بما انه الوضع فقد عن السيطرة بموضوع السحر وعمايلهم المهببة..فتحذر الدول انها تحرمهم من الاعانات..وكمان توقف تستورد منها العمالة,,وأي شغالة يضبط معاها سحر تعامل كالساحر ويطبق فيها القصاص

الله يعين يارب

اختي الفتاه المتفائله انا راي زي راي الاخوات هنا الظروف في الغربه غير حتى لمن نجتمع مافي رسميات لكن الوضع لمن نرجع مختلف كليا وانا كانت عندي شغاله ومرتاحه لاني كنت متفرغه لتدريس فيصل وخصوصا انه كان اولى ابتدائي لكن دحين مالي نفس ادرسه لانه بالي في اكثر من شي وغير كذا حتى لزوجك تكوني متفرغه
بس ان شاء الله ربنا يغنينا عنهم لانه باحاول اذا رجعنا انظم نفسي قدر المستطاع
وبالنسبه للدراسه او التدريس انا كنت ادرس وانا عندي طفلين وماعمري سبت عيالي عند الشغاله كنت اوديهم في بيت اهلي وبعدين دخلت واحد حضانه وانا عندي شغاله

dhay هلا فيك اختي لكن الظاهر انك فاهمه الموضوع غلط

اختي الفاضله ام عبود
حياك الله انا معك ان البيوت هنا صغيرة وكل الكلام اللي قلتيه لكن لما نتذكر خطر الشغالات يختلف الوضع .
انا كنت موظفه قبل المجئ الى امريكا وكان عندي شغاله لكن احس ان الوضع الان اختلف بعدما سيطرت على الوضع تمام حكمت بيتي واستغنيت وكم افكر فى اذاهن اقول لن تدخل بيتي خادمه بعد اليوم. الله يجزاك خير واحترم وجهة نظرك وشكرا على مداخلتك الكريمه
اختي الغاليه بشاير
هلافيك وفي مشاركتك انتي صادقه ان الحمل والولادة لها تأثير وابرة الظهر الله يعظم اجرنا واجرك ومشاكل البيبي كل هذا يحتاج منك وقت وجهد عظيم ولكن بعد ماتنظمين كل تشعرين براحه نفسيه رهيبه .
ترى على فكرة انا معاكن الشغالات شر لابد منه لكن قلت لابد ان نقف على ارض صلبه تجعلنا نستغني عن ها لشر .
غالييتي حفظك الله شكرا على مداخلتك الغاليه

اختي مشتاقه للديرة
حياك الله وبياك عزيزتي رايك في محله ظروف امريكا او بريطانيا او اي مكان في الغربه غير والعودة الى ارض الوطن غير ؟؟ لكن السؤال لماذا نحن مانصر على عزيمتنا ونقويها وننسى امر الخادمه , والله بشاير صادقه كل مااقرأ في اي منتدى مصايب الشغالات ينقبض قلبي .
الله يحمينا ويحمى عيالنا من شرهن .

بعدين يااخواتي دائما لهن مساوئ خطيرة وكلها تمس الدين من سرقات الى انتهاك حرمات الى قتل والعياذ بالله والشر اللي ماوراة تلاقين الوحد ة تصلي وتصوم ومتحجبه وشوي تلاقينها خاطفه رجال البيت ولا احد العيال ولا سواق الجيران شئ يقشعر له البدن وترتجف منه الروح تشاؤم .
وخطرهن على تربية الاطفال والله مؤلمه جدا . ماادري وش هو الحل اصبحوا مرض عضال
اختي ام دحومي
شرفتيني بحضورك هلا فيك . ياغاليه هنا مربط الفرس مادامي اقدر اخدم بيتي وزوجي بنفسي وشوله وجع الراس , ليه مااشتري راحة بالي واستخدم البديل شغاله مؤقته لعدة ساعات تفي بالغرض مو وحدة تقاسميني حياتي !
الله يعطيك القوة والعافيه ونحن وجميع اخواتنا المسلمين