الى كل اخواتي بنات عالم حواء

بسم الله الرحمن الرحيم

يااخوات انا حالتي حالة حياتي والله غريبة

ان الاخت الكبرى فوقي ولد وتحتي مجموعة اخوة واخوات . انا احن البنات والعيال لدرجة واضحة مايطلبون مني شي
الا وانفذة تجي اللي اضغر مني وترمي علي كلام واسكت واذا رديت عليها رد بسيط انقلب البيت راسا على عقب
وكني كفرت . الاخ الكبير حاطني صفر على الشمال زوجتة كانت متضايقة لانة مدحنا وحدة من قريباتنا وقلنا جميلة مالقت غيري تفش خلقها وتهجمت علي مع اني والله ماقط ضريتها بكلمة وهي معترفة بلحاجه هذي
يوم قالت لي كلام مااسطي اقولة لشغالتي رديت عليها صراحة قهرتني مرة راحت وقالت لخوي العزيز

توقعو وش كانت ردت فعلة

جاني يهاوش ويقول اعتذري منها قلت هى الي غلطت علي انا طبعي مااذي احد ابد ليش اعتذر منها هي بنت شيخ وانا بنت كلب طبعا ماتجرات اقوله كذا اللهم رفضت بس يخيلو وش شوى

راح وجاب عصى علشان يطقني بها ليــــــــــــــــــــــــــه ؟

لاني رفضت اعتذر منها اخوي ولد امي وابوي تخيلو . الله يرحم ابوي .

اختي الضغرى اذا تكلمت تعبس بوجها مع اني اكلم وحدة غيرها وتقولي اسكتي شوفو الاحترام مع انه قط تكلمت وحدة من قريباتي وصارت تسولف معها وتاخذ وتعطي معها على فكرة الموضوع اللي كنت اتكلم فية العمرة

نفس اختي هذي فيها وسواس تحس انها مريضة حاولت كذا مرة اني ابين لها انها اوهام بليس

تدرون وش سوت في دقت على واحد من اخواني وقامت تصيح تقول اني خوفتها . وهذا الاخ دق على وشرشحني

والله العظيم اني معاد اتكلم ولا انصح بس مهما اطلعت مني كلمة ومهما كانت تافهة تجي مني انا كارثة

اضرب لكم مثلا كنا جالسين واخواني بدو هم بلكلام عن وحدة مريضه طبعا انا من كثر مابهذلوني معاد صرت افتح مواضيع اخليهم هم اللي يبدون علشان مايلقون حجة ويقولون انت ماتجيبين غير الكلام الشين قلت فية محدة مرضت
وماعالجت وماشافت غير كل خير انا تكلمت بس

تعالو شوفو وش سوو في اللي قال واحد ليش قلتي كذا انتي ماتبين اختنا اللي فيها المرض تتعالج انتي تشجعينها

والله الذي لااله الا هو مافي حياتي تمنيت الشر لغيري دايم اسامح اللي يغلطون واللي يذوني اصد عنهم مااحب اجرح احد مــــــــــــرة وان صار مانمت ذيك الليلة واللي يغلط علي ويرجع يبتسم لي ابتسم لة مااشيل في قلبي

كثار قالو لي انتي على نياتك انتي قلبك طاهر

ويييييييييييييييييييين اهلي عنهم احيانا اقول لنفسي اهلي شايفيني ضعيفة علشان كذا كلشوي واطيني

زوجي بكبرة يقولي انتي مامثلك قلبك كبير ونظيف وتحبين الخير

طيب معقولة هالناس تعرف هالحجة واهلي لا

في مكان عملي الحمد لله علاقتي بزميلاتي زينة بس فية ثلاث واقفينلي تخيلو لو اروح للحمام اعزكم الله راحن وقفلنة لو اطلع من مكتبي اشتغلت التيلفونات وينهي وينهي والمكان الي ادخلة يصدرون قرار باغلاقة

وش هالبلوة اللي انا فيها وين ماروح القى ناس يضمرون لي الشر لية مادري .

انا قلت في نفسي يمكني سويت شي تخلي الناس هذي متسلطة علي راجعت نفسي كذا مرة

انا طبعي مااغلط ولا انقل كلام ولا اشيل بين الناس ولي تبي مني خدمة اركض لها واستغفر ربي وصلاة الليل
اصليها اذا صحيت احرص على الصدقة ودايم ادور اعذار لليذوني بس وشو هذا اللي انافية

حلوني يامسلمات انصحوني ذكروني وجهوني اختكم في الله تايهة بمعنى تايهة