الى كل البنات و الاعضاء المصريات

السلام عليكم

انتي عايزة تصدري ولا تستوردي

اية رايك تساعديني في التسويق داخل القاهرة
اذا كان لديك خبرة في ذلك
ايشاربات مطرزة- عطور مقلدة-اكسسورات احجار كريمة وفضة
منتظرة ردك
حنان

و عليكم السلام و رحمه الله
أهلا حنان
شوفي ياستي أنا لسه مش عارفة بالضبط
بس عايزة اعمل حاجة كده,
أنا اشتركت في ماي واي تعرفيها؟
بس مش ماشيه قوي يادوبك العيله هما اللي بياخدوا مني أوقات

خايفه منفعش في حكاية الايشاربات دي لاني مش بشتغل و مبعرفش اقابل اصحابي كتير علشان العيال
:27:

بس ممكن تقوليلي نظامها ايه و اجرب

السلام عليكم
اهلا اخواتى mmm
وحنان
اناام باسل مصريه من الجيزه
هتقولو مش منضمه ليه لموضوع مروه
لانى على اختلاف معاها فى وجهات النظر
عموما سؤالك يا mmm
فعلا هى دى الاسعار بتاعة الشحن
وفعلا زى ما قلتىاكثر يمكن بكتير من اسعار الحاجه
انتى ما عليكى غير انك بتقولى للزبونه وان عجبها بتوافق على طول
ارجو ليكى التوفيق
اما حنان
انا بعانى من نفس مشكلتك
عندى بضاعه من شارمين وديزنى وديكرت باسعاااار حلوه جدا
ملابس داخليه اولادى وبناتى
لكن مش عارفه اسوقها ازاى
عموما ربى ييسر
عموما بالنسبه للحاجات اللى عندك
لو ممكن اشوفها
مع اسعارها
عايزه اعمل حاجه زى اللى انتم بتفكروا فيها
يلا نشد حيلنا
ونساعد مع بعض
على فكره لو عندكم رؤيا عايزين تفسرها
حلم يعنى
ابعتولى
اما على الرسايل الخاصه
اوفى موضوعى فى المجلس العام
عن تفسير الاحلام
اتمنى نكون اصدقاء
اختكم فى الله
ام باسل

السلام عليكم

mm

اشكرك علي ردك
اعرف ماي واي ومشتركة فيها بس هي مش هايلة
يمكن حاجات الاكل كويسة انا باجيب منها شوربة (خاص لي)
الشامبوهات كمان كويسة
الماكياج متهيالي مش كويس قوي

متهيالي قبل ما تفكري تستوردي او تصدري لازم تبقي عارفة انتي هتعملي اية بالضبط
والمنتج اللي انتي عايزة تبعيه وها تبعيه لمين وهو عايزة والا لا

انا مشتركة في مجموعة صناع الحياة للمشغولات اليدوية فريق القاهرة واقوم بتوزيع منتجاتهم
هناك منتجات تخص المجموعة وهناك منتجات تخص افراد المجموعة لحسابهم الخاص وليس للمجموعة
دول باحاول اسوق منتجاتهم وبيدولي بين 10 و 20% عمولة
تحبي تشتركي معايا ونبقي نقسم اللي يطلع بينا

يا ريت اتعرف عليكي اكتر
حنان

بنتا انا مصريه زيكم بس من بعيد شويه وعاوزة حد فيكم يعلمنى عن الحاجات اللى بتتكلموا عليها دى ؟ ممكن لو سمحتم لانى بمر بازمه ماديه ؟؟؟؟؟؟؟