أختي الغالية بالنسبة للأقمشة ممكن تلاقي طلباتك في وكالة البلح
أما الأقلام و الألوان فموجودة في مكتبات سمير و علي أو أي مكتبة قريبة من أي كلية هندسة
لكن المقصات و الأدوات الثانية فأسفة مش حأقدر افيدك عن الموضوع ده
و ربنا يوفقك و تقدري تنفذي اللي في بالك

السلام عليكم ورحمه الله
انا كمان بحب الخياطه ومعظم الاشغال اليدويه ولكن بسب عملي وضيق وقتي لااستطيع تنفيذ الكثير منها مش عايزه اطول عليكي بصي ياستي
1-بالنسبه الادوات المكتبيه مثل الصمغ والاقلام والمقص الدوار ولوحه التقطيع هتلاقيها في سميروعلي (وفروعه في الميرلاند وعباس العقاد وسيتي ستارز وشارع شريف)ولكنه غالي الاحسن شارع الفجاله هتلاقي الاسعار هناك ارخص وفي كمان في شارع بين السرايات مكتبات متخصصه في المستلزمات الفنيه
2-الاقمشه عليك وعلي شارع الازهر لامنافس له في الاسعار والخامات
3-الخيوط والابر ومستلزمات الخياطه في الموسكي محل النمرسي ومحل الكاشف وفي ميدان الجامع في كل شئ وبعده علي نفس الصف باتجاه صلاح الدين في محل سوق الخيط وانا دايما باشتري منه
ارجو ان اكون افدتك

السلام عليكم ورحمه الله وبركاته
اسمحيلى فراولايه احاول اساعدك
اولا الدبابيس والمقصات تقدرى تشتريها من ظريف مليكه
واسعارة حلوة جدااااا نص كيلو الدبابيس الكبيرة الرفيعه ب20 ج
المقصات حسب الحجم ومن اسعار تبدء من 3 ج
وفتاحه العراوى عنده ايضا اللى هى فى اللصورة بيضاء
وعنده كل الخيوط والابر ومكانه فى الموسكر امام النمرسى وهو ارخص من النمرسى جدااا
وعنده محل تانى الحارة اللى بعد النمرسى على طول
نيجى بقى للقماش فى قلته فى وكاله البلح
ده تشترى منه كل ماتحتجين له وباسعار رخيصه جداااا
اما الكربون الاقلام فممكن سمير وعلى وسعر قلم اللوان 3-4 ج
والكربون بكيت فيه 3 اللوان 6ج
ولو فى اى استفسار انا فى الخدمه
اسعار القماش القطن من 4 ج للمتر تقريبا
وربنا يوفقك

عزيزتى فرولايه

انا دخلت وجدت كل الاخوات قامو بالواجب

بس انا طمعانه فى الدعاء

ماشاء الله البنات جاوبو علي كل حاجة
ربنا يكرمك ان شاء الله ويوفقك