بصراحة ياخواتي انا لاحضت ظاهره لا والله عده ظواهر انتشرت كثير في الآونه الأخيره في المنتدى خاصه في قسم المشاكل الاجتماعيه والحياة الأسرية ..!!
الظاهر الاولي واللي معوره قلوبهم ومايدرون شيسون حالهم (( ابي اتزوج )) يعنى امانه عليكم هذا كلام كل وحده مسحتلي موضوع وادعولي ابي اتزوج وخل نجمع قروب ونكتب نبي نتزوج وادعولي وصافتلي طابور مطرده بتوقيعها تدعي .!!
امانه هذا حكى يعنى لو الله كاتب لك فيه خيره بيعجز انه يزوجك ؟؟ ليش مافي شي انكم تومنون بالخيره .!!
وبعدين امانه مايكش جلودكم تشوفون انفسكم كاتبين كذا حتى لو انك نك ماحد يعرف من انتى بنته ماتسترخصين روحك ترا مهنا فرق بينكم وبين الي مسدحات صورهم بمواقع زواج انتم نفس الشي .!! يناس ترفعوا بنفسكم الناس وصلوا القمر وحنا نقول نبي نعرس فلانه اعرست وخلتنى وصرت وحيده .! حمدلله ياربي بدال ماتدعيلها الله يوفقها ويسمح امرها تقومين تحسدينها .!!!
ولا اذا جت قالت انا زينه ومايعوقنى شي وكل ماشافنى قال ياربي شلون ماعرستى يعنى بيثبتون بالغصب انهم مزايين وانهم ماعقهم شي الا انهم يكتبون موضوع بالمنتدي حتى يحرك الحظ يعنى ؟ طيب يالمزيونه يابنت الحسن والدلال يومنك مزيونه ثقي بنفسك اقل شي .!!
والله ثم والله اعز صديقاتى كانت تقول ابي اعرس والله انى اقولها ماتستحين تقول عادي اطلب بحقي بعزيمه ترفع يدينها قدام الناس ادعولي انى اعرس , تامنون بالله انها ماعرست وصل عمرها 27 سنه وهي على هالحال بالاخير قالت خلاص اذا الله قاسم لي نصيب وفيه خيره بيسره لي اما انى اعلق روحي واعلق حياتى عشان رجال واحتمال يجي واحتمال لا مستحيل . اقسم بالله 4 شهور وربي 4 شهور انخطبت ( طبعا ترا انخطبت قبل يعنى مو اول واحد يجيها بس هذا خطبه صارت يعنى تقريبا شبه زواج بقي بس المهر ويحددون الزواج ) تخيلوا والله ماقسم وتفركشت مانهبلت وكتبت مواضيع وادعولي يجمعنى بالحلال معه.!!! المهم قال الله ماقسم يالله يارب ان كان فيه خيره لي فيسر امري ورده لي واذا كان فيه شرا فصدنى عنه ونست الموضوع 4 شهور يرجع ويخطب و4 شهور ثانيه وتتزوجه والان عندها اطفال منه
يعنى تسون زحمه ويناس ابي اعرس ياربي انا زينه ليه ماعرس ماتنفع .! منضوله بي عين وفينى نفس عشان مزيونه ماتنفع ! العين حق ومذكوره بالقران لكن حنا مجتمع نومن بالعين بغير محلها ( نص العرب مريضيين نفسيا ويوهمون انفسهم انها عين ياحرام ) اذا تبين شي وكل امرك لله وقولي يارب اذا فيه خيره فيسره لي اذا فيه شر فصدنى عنه وترفعي عن الحركات هذي واذا يومك مره محدته تكتبين تفضفضين دقي على خطابه مير ابرك لك من حالك بالمنتدي .!
بجد ماتخافون واحد يقرا كلامكم ويهكر عليكم ويوصل ارقام بيوتكم يقول بنتكم كاتبه تبي تعرس ؟؟ تخيل الموقف وين تودون وجيهكم من اهلكم , انا مابي اعطي موضوع اكبر من حقه بس بجد قاعدة اقلب صفحات ياربي كل المواضيع ابي اعرس والله لو ان فيكم مانيب قايله ماحكيتوا كذاااااا عييييييييييييب ولكن صدق من قال اذا لم تستحي ففعل ماتشاء .!!
الموضوع اخر
ياخواتى متزوجات وربي عيب تكتبون الا شوي تحكون ادق تفاصيل شي يدور بينك وبين زوجك مايطلع بين الجدران .!! بل إفشاء هذه الأسرار قد يؤدي بالمرأة إلى النار كما روى الإمام أحمد في مسنده (3/353) عن جابر قال :"بينما نحن مع رسول الله ـصلى الله عليه وسلم ـفي صفوفنا في الصلاة ـصلاة الظهر أو العصرـ فإذا رسول الله ـ صلى الله عليه وسلم ـ يتناول شيئاً ثم تأخر فتأخر الناس فلما قضى الصلاة قال له أبي بن كعب شيئاً صنعته في الصلاة لم نكن نصنعه ؟ قال : عرضت على الجنة بما فيها من الزهرة والنضرة فتناولت منها طبقاً من عنب لآتيكم به فحيل بيني وبينه ولو آتيتكم به لأكل منه من بين السماء والأرض لا ينقصونه شيئاً ثم عرضت على النار فلما وجدت سقمها – يعني حرها – تأخرت عنها وأكثر من رأيت فيها النساء اللاتي إن ائتمن أفشين وإن يسألن بخلن وإن يسألن اجحفن"
( كلا الزوجين مطالب بكتمان أسرار زوجه وبيته، وهذا أدب عام حث عليه الإسلام ورغب فيه، سواء كانت تلك الأسرار خاصة بالعلاقة الزوجية أو بمشكلات البيت، فخروج المشكلة خارج البيت يعني استمرارها واشتعال نارها، خصوصاً إذا نقلت إلى أهل أحد الزوجين حيث لا يكون الحكم عادلاً – في الغالب – لأنهم يسمعون من طرف واحد، وقد تأخذهم الحمية تجاه ابنهم أو ابنتهم.
أما بالنسبة للعلاقة الخاصة بين الزوجين فيجب أن تكون لها حرمتها، وقد حذر الرسول – صلى الله عليه وسلم – تحذيراً شديداً من إفشاء تلك العلاقة، فقال عليه الصلاة والسلام: "إن من أشر الناس عند الله منزلة يوم القيامة الرجل يفضي إلى امرأته وتفضي إليه ثم ينشر سرها".
وعن أسماء بنت يزيد أنها كانت عند رسول الله – صلى الله عليه وسلم والرجال والنساء قعود عنده فقال:
"لعل رجلاً يقول ما يفعله بأهله ولعل امرأة تخبر بما فعلت مع زوجها ".
فأرم القوم – أي سكتوا ولم يجيبوا – فقالت: إي والله يا رسول الله، إنهن ليقلن وإنهم يفعلون. قال: "فلا تفعلوا، فإنما مثل ذلك مثل شيطان لقي شيطانة فغشيها والناس ينظرون".
غير أنه يجوز الحديث عن علاقة الفراش في حالات الضرورة والاستفتاء والعلاج، وكل يقدر بقدره، وحفظ سر الزوج عموماً، وسر الفراش خصوصاً، دليل على صلاح الزوجة وكمال عقلها
تدرون المشكل الحريم اذا كل وحده تبي رجله مثلا فلانه ومثل علانه ومثل بعض الاخوات ماجاز له رجالها قدام عينها فطردته قالت له اطلع عشان الناس اذا جونى مايتفشلون تدرين سادتك هذا طبخك يالرفله كوليه كنت احسن من كل الناس وخربتى بيتك وبعدين تجين تكتبين ياربي انا بنت الحسب والنسب اصير مثل اللي بالافلام .!! اذا انتى تحاولين حياتك تكون مثل فلان وعلان شي طبيعي وبعدين انتى تدرين عن الرجال اللي يطلعون دايم ؟؟! يمكن رجلها يشرب يمكن معرس ماتدرين مافضحت اسرار بيتها زي ماأنتى كتبتيه اون لاين ولا وفوق البيعه انه واضح على العيان انه الغلط منك يعنى انتى تدفينه للشارع وتقولين ليش يسوي كذا ؟
يبنات حل مشاكل الزوجيه ماتجي بالاعلان وكل الناس تدري بالمشاكل ولكن كونى امراه ابي اعلمك الوحده ليه تسوي كذا تبي تسوي زي فلانه عشان ماتصير اقل منها شحيثه تكون افضل منى ولكن ان غلطت تكابر وتروح تكتب بالنت يناس انه كذا وانه كذا يعنى انتى غلطانه وتعرفين انك غلطانه بدال ماتصلحين حالك وتسترين على امرك تقومين تفضحين نفسك وموبس كذا تدورين وحده تقول ايه انتى صح الا انتى صح وبالاخير الطقه بتجي على راسك مو راس احد ثاني اذا خرب بيتك ماحد بينفعك لا فلانه ولا علانه لا عالم حواء ولا اعضاءه
الحياه اعتبروها مثل قارب له مجدافين اذا انتى تجدفين جهه وهو جهه وربي القارب مايمشي وانتى جربي بقارب وامسكي طفلين بمسبح وخليهم يسون هالحركه تلقين السفينه تدور على نفسه يعنى ماتنحل المشاكل الا الدوران حقها يعقدها اكثر , خليك ذكيه وبدال ماتنثرين عفشك اون لاين ولا بموضوع يعنى مستحيل ينمسح واحتمال القصه تنتشر !! اذا هو شد الحبل ارخيه واذا هو ارخاه فشديه وبدال ماتلجيئن بالنصيحه للعاقل وغير العاقل روح لانسان رزين وثقه وتعرفينه عاقل وتقولينه مو لازم تستشيرين فلانه وعلانه واذا قالت لك انتى غلطانه وربي مافيها شي وحده تغلط بس المكابر دمركم
واذا حسيت ان الوضع مو قادر يستحمل ياختى روحي عند ابوك او اخوك واشريح له الوضع وعطيه موقف جامد يحس انه في مواقف هنا ستوب ولا تغلط علي انا مانى بنت من الشارع عندى اهل يعنى ماهو عيب وحده تروح وتطلب عون اهلها ترا مو دايم الأهل على غلط والاهل مو دام على صح
كلمه اخيره للمنتدى للمشرفات للمسئوليين
هذا القسم انوضع لهدف معين و الهدف انحرف عن مجراه , ماعتقد احد منكم يتمنى يتحمل ذنب اشخاص فضحوا اسرارهم العائليه او ناس يحكون قصص اقسم بربي تموت قلوبنا يعنى وحده تقول اخوى تحرش فيني والثاني والثالثة والرابعه ... الخ اول مره بتتفاعلين ثاني مره تنصدمين صدقين مع الوقت يقسي القلب لاحول الله وبس وتمشين وتنسين صار عادي وربي كثره القصص والمشاكل اماتت قلوبنا
اتمنى اتمنى اتمنى من المشرفين والمسئوليين انه يحولون القسم هذا إلي قسم خاص مايشوفه الا اعضاء محدده او باشراف دكاتره نفسيين او مشايخه وكل واحد مايشوف الا موضوعه ام انهم يغلقونه لانه الهدف اللي أوجده له القسم انحرف عن المطلوب ولا اعتقد ان احد عاقل يبغي يتحمل ذنوب او آثام أشخاص آخرين
:26: وجزآكم الله خير على طول بالكم
MaZuOoOnA @mazuooona
عضوة
يلزم عليك تسجيل الدخول أولًا لكتابة تعليق.
امس وحده اكتبت نفس موضوعك واكلوها بقشورها
حنا نبي نفضفض الي يده في الماء مو مثل الي يده
بنار ومن هالكلام
حنا نبي نفضفض الي يده في الماء مو مثل الي يده
بنار ومن هالكلام
امانه شنو ياكلونى بقشور غلطت انى اعلمهم الطريقه الصحيحه واللي يفضفض مايفضفض اما امت لا اله الا اللله
وربي تراها ادناه اي بي وتالين للشرقه من صاحبه يعلمنى من رقم واعرف بنت الفلانى كاتبه كذا ويالله لا تستسهلين الكلام
ترا كل وحد على كتفه ملكين مو واحد وكل شي مكتوب لك وعليك فالواحد يخاف في يوم لا ينفع مال ولا بنون
وربي تراها ادناه اي بي وتالين للشرقه من صاحبه يعلمنى من رقم واعرف بنت الفلانى كاتبه كذا ويالله لا تستسهلين الكلام
ترا كل وحد على كتفه ملكين مو واحد وكل شي مكتوب لك وعليك فالواحد يخاف في يوم لا ينفع مال ولا بنون
الصفحة الأخيرة
ان شاء الله البنات يقرونه بعقولهم وقلوبهم ويفهمون المغزى